กำลังแสดงผล 1 ถึง 10 จากทั้งหมด 10

หัวข้อ: รออ้ายแหน่เด้อ...

  1. #1
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837

    รออ้ายแหน่เด้อ...

    รออ้ายแหน่เด้อ...


    สายลำปาวยังไหลเรื่อย เปรียบใจชายยังสัตย์ซื่อ
    ถือฮักเดียวแค่เพียงเจ้า ชุแลงเช้ายังคึดนำ
    ย้านแต่บุญผลากล้ำ นั้นมาทำให้เหินห่าง
    ย้านเส้นทางไกลเกินกลั้น ปันใจเจ้าให้เล่าลืม
    หากว่าใจแสนปลื่ม อย่าเล่าลืมเด้อเนื้ออุ่น
    สายลำมูลคือใจเจ้า ให้คงมั่นอย่าคดงอ
    หากบุญพอคงเครียงใกล้ พาสองใจได้สานต่อ
    ขอแค่รอให้ถ่าอ้าย ไผมาใกล้อย่าสิเขว่...แหน่เด้อน้องสาวเอ

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    อ่านผญาหล้ายามได๋ เป็นทรงคึดพ้อๆแม๋ะ.. เอิ้กๆๆ
    มองต่าง..อย่างปลง

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    สายลำมูลอยากพูลเพิ่มเติมฝันคืนวันเก่า
    ให่มันยาวฮอดผุ้นมาคูณเจ้าบ่าวน้ำดำ
    ฝนตกรินฮำย้อยไหลลงลอยเป็นน้ำแก่ง
    ใจฮักแพงคือน้ำสองก้ำให่หล่ำแล..เด้อพี่เด๋อ
    :l-:l-:,1-
    มาแจมเด้อครับน้องวัฒน์..หนุ่มปาวบ่าวมูล

  4. #4
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    อดบ่ได้เนาะเห็นผญาม่วนกะอยากต่อจักหน่อย55555

    สายน้ำปาวขาวแจ้ง ยามแสงส่อง ปานเงินยวง
    ดวงสุรีย์ทอแสง ส่องลงมาต้อง
    ดังฮักเฮาอ้ายกับน้อง กำลังจีจูมจ่อ
    ผูกมัดเกาะเกี่ยวฝั่น พันเกี้ยวเกี่ยวใจ
    ปาวไหลลงทางใต้ เกี้ยวกอดกับลำชี
    ชีกะไหลลงมูล สู่โขงโฮมต้อน
    ชีเอ๋ยชี มูลเอ๋ยมูล เจ้าอย่ามีมื้อข่อน แม่นมีดอนมาตันป่อง
    ให้เจ้ารีบเร่งจ้าว ไหลเข้าเร่งโฮม
    เปรียบดั่งโฉมแพงน้อง ให้มีใจฮักห่อ
    อุปสรรคมีเจ้าอย่าท้อ ให้ฟันฝ่า ผ่าบู๋
    ซู้เอ้ยซู้ต่างบ้าน เจ้าอย่าหว่านเพียงคารม เด้อหล่า
    ขอให้จอมแพงนาง ถ่าพี่ชายอย่ามายม้าง
    โชคเอ้ยโชคต่างหล่าง คันสิได้เป็นแฟนนาง หวังใจน้อง ให้มั่นแก่น
    อ้ายสิขอจับสายแนน เอามาบิดเกี่ยวฝั่น เป็นบ้วงคล้องมัดใจ ...นางเอ้ย
    อดบ่ได้เนาะเห็นผญาม่วนกะอยากต่อจักหน่อย55555อดบ่ได้เนาะเห็นผญาม่วนกะอยากต่อจักหน่อย55555อดบ่ได้เนาะเห็นผญาม่วนกะอยากต่อจักหน่อย55555

  5. #5
    แบ่งปันความรู้และประสบการณ์ สัญลักษณ์ของ มะนาว
    วันที่สมัคร
    Sep 2008
    กระทู้
    134
    อยากเว่านำเป็นเฮ็ดจั่งได๋น้อจ้า มักๆๆๆๆๆๆๆๆๆๆๆๆๆๆๆๆๆ ม่วนหลาย

    :l- บอกคำเดียว เยี่ยม ! เลยจ้า

  6. #6
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    มาสอนเอื้อยแต่งผญานำแนน้อง............ซายเอ้ยยยยย

  7. #7
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ฮักหอมกันไหมหมั้น หลายสันภูกะปีนป่าย
    หลายห้วยใหญ่หรือโคกค้อย กะเดินดั้นด่วนเถิง
    โขงมูลซีกะมีแต่พี่น้อง ผูกความฮักไว้ในใจ
    คงคาในวารี บ่เลิกปุนปานได๋
    สมหัวใจพออยากให้สายนทีโค้ง โขงมูลซีรวมเป็นหนึ่ง
    คือดั่งความคิดถึง ที่หลั่งไหลคือสายน้ำ คิดนำเจ้าผุห่างตา...
    แม่นว่าดินสิไกลฟ้า ดวงจันทราไกลกระต่าย
    สุรีย์ฉายไกลภาคพื้น คืนลาแจ้งแห่งตะวัน
    ระยะทางบ่อาจกั้น ความสัมพันธ์ที่ฮักแก่น
    บ่มีไผ๋มาทดแทน ตำแหน่งแฟนของอ้าย ถวายม้วนหม่อมพะนาง...นี้แหล่ว..


    :l-:l-:l-

    ขอแจมนำแน่ครับ บ่ได้แต่งดนแล้ว มันเป็นแนวได๋ดอก 5555
    แก้ไขครั้งสุดท้ายโดย พลายแก้ว; 27-08-2011 at 12:12.

  8. #8
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837


    หากลำปาวบ่ไหลย้อน ใจของชายบ่แปรเปลี่ยน
    ยังเฝ้าเพียรเขียนฮักเจ้า ถึงนานเค้ากะบ่ลืม
    มื้อได๋ฟ้ามืดครึ้ม ฝนตกตื่มทางลำปาว
    แห่งห่วงสาวทางลำมูล แก้มจู่นพู่นเด้อแฟนอ้าย
    ขอให้หมายใจเด้อหลาย บอกใจว่าให้รอไผ
    อย่าหลงไหลกับคนชาย ผุเขาม่ายมาชูนน้อง
    ให้ประคองกันเด้อหล่า ค่อยอดส่าถ่าอ้ายก่อน
    ออกพรรษาอ้ายสิย้อน กลับหาเจ้าสาวลำมูล...ดอกเด้อน้องสาวเอย

  9. #9
    Banned

    วันที่สมัคร
    Oct 2010
    กระทู้
    757
    บล็อก
    4
    ป๊าด ปะลำมะจาน..ภาษาลาวโบราณลึกๆอิหลี จกบ่อถึงเลย ม่วนๆจ้า

  10. #10
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    ...อั่นเว้าอ๊ะ่หลีบ่ผู้บ่าว...
    ออกพรรษาลาพระเจ้า สิบอกเหล่าแฟนแฟน
    ให่เจ้าหอบเงินแสนมาปูเฮือนแทนแป้น
    ขั่นสายแนนสายเย่าสายยาวคือเชือกหว่าว
    บ่าวลำปาวกะสิพ้อยังรออ้ายอยู่ฝั่งมูล
    แก้มจู่นผู่นคูณเมืองเอ้ย
    แก้ไขครั้งสุดท้ายโดย pcalibration; 27-08-2011 at 14:52.

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •