กำลังแสดงผล 1 ถึง 9 จากทั้งหมด 9

หัวข้อ: สำมะปี๋..ข่อหล่อ แข่แหล่

  1. #1
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3

    รอบยิ้มพิมใจ สำมะปี๋..ข่อหล่อ แข่แหล่

    บอร์ด เงี๊ยบ เงียบ หรือว่า หนูคิดไปเองป่าวนิ สำมะปี๋..ข่อหล่อ แข่แหล่ สำมะปี๋..ข่อหล่อ แข่แหล่

    สวัสดีท่านอาจารย์ทุกท่าน....กับทั่งผู้ใหญ่บ้านพร้อมไพร่พล...
    ทุกสิ่งเริ่มแรกต้น..... ขอกล่าวคำจา ....เด้อญาอ้ายเอ้ย....


    เบิ่งคนบ้าน(มหา)นี้
    เป็นคนมีศิลแท้รักษาธรรมเป็นใหญ่
    เหลียวเบิ่งไผ๋มีแต่ผู้โก้ๆ สมเจ้าผู้ดี
    ด้วยเหตุนี้ ย้อนว่ามีผู้นำพา
    ศาสนาทางวัดช่อชูดูค้ำ
    เป็นผู้นำสอนให้ทำใจส่อง
    ผู้ที่สองต้องเป็นผู้ใหญ่บ้าน
    เหลียวเบิ่งคือกันเบิ๊ดสู่แนวดีแท้

    .
    .
    .
    ขอไปแบบสำมะแจะ สำมะปี๋..ข่อหล่อ แข่แหล่ เด้อค่าอาจารย์ คำได๋ บ่ควร กะลบ เด้อค่า สำมะปี๋..ข่อหล่อ แข่แหล่

    สมัยสู่มื้อนี้ คนซั่วเป็นคนดี
    คนกาลี ได้นั่งปองเป็นเจ้า
    คนชรา คนเฒ่า หัวขาวแข่วหล่อน
    อ่อนนำผู้หนุ่มน้อย บ่หาญกล้าลื่นเขา
    คนของเฮา ความดีอยู่หม่อ ๆ
    ไผ๋สอพลอ คดเลี้ยว แปลงลิ้นอวยเป็น
    ไผ๋ฮู้จักแล่นเต้น ลูบแข่งเลียขา
    ไผ๋ผู้มีปัญญา ปากดังฟังก้อง
    บ่อึดซุมคนย้อง สรรเสริญ เดินใส่
    มีแต่ผู้อยากได้เป็นเพื่อนมิตสหาย
    พอปานพรามชูชกกะว่าสวยรวยแบงค์
    มีคนแยง คนหย่อง คนมอง คนหล่ำ
    ดำคือกาขี่หลี่ ผีเป้า กะหว่าขาว
    ซุมผู้หญิง แข็งกล้า มารยาบ่เคยอ่อน
    ตั้งแต่กี้แต่ก่อน ซุมผู้หญิงโง่แท้..
    ...บ่แหลมเซื่อมท่อซาย...
    สู่มื้อนี้เปลี่ยนย้าย..หมุนกิ้วเป็นเกียว
    หนทางเทียวคราวไกล กะหย่อมาเป็นไกล้
    พวกผู้สาว ผู้แส่ ผิดกันแท้กว่าแต่หนหลัง
    คือดั่งสังขะเจ้า ถือฮีตบ่คือกัน
    มันกะเป็นตามยุค ทุกข์ทวีไปหน่า


    จบแนว สำมะแจะ ค่า สำมะปี๋..ข่อหล่อ แข่แหล่ สำมะปี๋..ข่อหล่อ แข่แหล่ :em01)

    น้อมขอบคุณ.....
    บิดา มารดรผู้สอนความรู้
    พร้อมทั้งครูสอนให้ โรงเรียนเขียนอ่าน
    สอนลูกหลาน ให้ฮู้ศึกษาได้อย่างดี
    มีเกียรติ มีศรี สง่า ดีล้น
    ให้สมกับเป็นไท...อุบลเมืองคนนักปราชญ์...สำมะปี๋..ข่อหล่อ แข่แหล่


    ......น้อมรำลึกถึง ตา เทียม บุญโสม ผู้เป็นทั้งตาและอาจารย์ แต่งกลอนลำให้หลานได้หัดอ่าน หัดเขียน และจะสืบทอดเอาไว้ให้ลูกหลานได้ศึกษาต่อไป เช่นกัน......
    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

  2. #2
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,025
    บล็อก
    24
    ป๊าด....โธ่ บ่ธรรมดาตั๊วนิ
    สมอีหลีค่า
    "ไทอุบล คนเมืองนักปราชญ์"
    ขอชื่นชมจริงๆ
    สะดิ้งคือน้องได้ยินเสียงฆ้องกะแล่นตำ

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    ม่วนๆหล้า ว่าไปๆนาง เอื้อยมาให้กำลังใจจ้า ..
    มองต่าง..อย่างปลง

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    เติมแรงใจไปนึงติบ จ้าจ้องติ๊ค ม่วนๆหล่าว่ามาโลด เอื้อยสินำอ่านคือกันจ้า
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  5. #5
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946
    เอื้อยไผ๋น้อนี่ คือเว้าเป็นเอาแท้ กรีี๊ดดดดดดดด :1-

  6. #6
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    1,826
    ห่วยคือมาคล่องแท้ละหึ น้องติ๊ก

  7. #7
    ร่วมถ่ายทอดความรู้สู่สังคม สัญลักษณ์ของ โชติ
    วันที่สมัคร
    Mar 2008
    ที่อยู่
    bbk
    กระทู้
    700
    เขียนดีจังเลย น้อครับ ติ๊กต็อค

    คนอีหยังน้อ หน้าตาดีบ่พอ เก่งพ้อม อิอิ Kiss

  8. #8
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    แม่นอยู่ดอกหล่า คำผญาที่เจ้าเอ่ย
    คำพังเพยที่กล่าวเว้า โบราณเถ่าผู้เพิ่นสอน
    โลกนี้หากซับซ้อน มีหลายบ่อนนานา
    อุปมาคือดง ป่าพงแดนก้วง
    พฤกษาหลวงหลายแท้ แปรพันธุ์มันหลายหลาก
    ยากคำควมแต่งต้อม กอมกุ้มหุ่มใส่กัน
    ชาติกำเนิดว่านั้น ฮ้อยพ่อแม่ พันมารดา
    บ่อาจคันละนาจับ นับลงปงได้
    ตามวิสัยโลกีย์ก้วง ทั้งปวงหากมีเหตุ
    พระองค์เทศน์กล่าวไว้ ขอให่จ่งปล่อยวาง เอาเด๋อ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  9. #9
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,065
    บล็อก
    3


    ธุจ้า
    ขอบคุณเอื้อยๆ อ้ายๆ ที่แวะมาอ่าน..ผญา..แนวสำมะปี๋..จ้า


    สมัยแต่ก่อนกี้หอบข้าวไปหาลาน
    สมัยนี้หอบลานไปหาข้าว
    สมัยผู้บ่าวกินเหล่า
    อั่นผู้เฒ่านั่นจักมักสาว

    อ่านผญาสำมะปี๋อีกจักคาว
    อย่าทันฟ้าวอ่วยหนี พี่น้องเอย


    สำมะปี๋ ข่อล่อ แข่แหล่ รอบ#2

    สมัยนี้สมัยใหม่ ฮู้บ่อน่อพ่อใหญ่
    สมัยเด็กน้อยเอาผัว ผู้เฒ่ามีลูก
    สมัยฮ้อง สมัยถูกเอิ้นไส่ไวพลัน
    โทรศัพท์เถิงกันอยู่คนละขอบโลก
    สมัยนี้เสี่ยงโชคตามบุญผลา
    สมัยบ่มีผี ย้านแต่คนหลอก
    สมัยนี้เขาบอก ข้าวบ่มีลาน
    สิบสองปีแต่งงาน ยี่สิบปีสุดลูก
    สมัยควายบ่ผูก กินหญ่ากินยุง
    แม่ป้าพ่อลุง ขี่อีแต๊ก แต๊ก
    สมัยนี้ซิกแซก ตามเทคโนโลยี
    สมัยนี้คนมี เฮ็ดโตลำบาก
    สมัยนี้ ท้องปาก กินแต่สารเคมี


    ----- จบ แบบ สำมะปี๋ รอบ # 2 ค่า ----

    " ไทอุบล...เมืองคนนักปราชญ์"


    แก้ไขครั้งสุดท้ายโดย ติ๊กต็อค; 12-06-2011 at 16:46.
    :heart: ไทอุบล คนเมืองนักปราชญ์:heart:

    http://up.how2phin.com/pictures/a46ce89bb69277bd7b1a2f0912d7cb05.gif

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •