นั่งให่ ใต้กกจาน

[chudhancock]

อ้ายเอ้ย บ่อนนัดหมายในมื่อนี่ บอเห็นซายอ้ายมาผ่าน
ใต้กกจานสัญยาไว้ ไปไสอ้ายซ่างบอมา หลอกให้นางหลงคอยถ่า
เกินเวลาแล้วหล่ะพี่ นัดดิบดีเก้าโมงเซ้า จนว่าเข้าฮอดบ่ายโมง
นั่งโซงโลงปานคนบ้า ถ่าอ้ายมามิดซีรี เหลียวงวกพุ้น งวกพิ่
บอมีอ้ายแม้แต่เงา ไปทางได๋แล้วหล่ะเจ้า ซ่างลืมคราวเป็นไปทั่ว
มาขี้ตั๋วน้องเล่น เป็นจังซี่เฮ็ดจังได๋ เทิ้งจ่มหาเทิ้งฮ้องให่
เจ็บใจหลายปานไฟจี่ ตั๋วอีหลีเอากะด้อ แท้น้ออ้ายซ่างเฮ็ดเป็น
ดวงตะเว็นกะโยกย้าย ถอยจากบ่ายไกล้สิตก น้ำตาตกอยู่บอเซา
กับความเหงาทวีเพิ่ม นั่งหม่องเดิมใต้กกไม้ งวกหาไผ๋กะบอผ่าน
เอากกจานเป็นหมู่เว้า นั่งกอดเข่าเซ็ดน้ำตา แยงงวกขวาแล้วงวกซ้าย
หวังเห็นซายอ้ายมาโผล่ คั่นสิโสคืนสู่บ้าน กะเทิ้งย้านพ่อแม่โต
เลยสิโสนอนคอยถ่า คอยเวลาอีกมื่ออื่น คั่นมื่ออื่นอ้ายบอซอด
อั่นโตน้องแมนบอยังอ้ายเอ้ยยย

[สะใภ้อิสาน]

มาแล้ว มาแล้ว ป้ากับมาตังกระทู้แล้วประเดิมด้วยผญาท้วงสัณญาเลยหรอจ้า
เอาน้ำตารดต้นจานเลยหรอจ้าป้าจ้า 555555

[หนุ่มหน้าลาว]

ฟังวาจีวาทเว้า ทรงเหงาเหงา ลิโตนชาติ แท้น้อ
ปาดน้ำตาตั้งแต่เช้า นั่งเหงาไห้ ใต้ฮ่มจาน
ทรมานเอาฮ้าย มาคอยชาย ผู้หวังฮ่วม พะนะว่า
จนตาเว็นค่ำคล้อย คอยอ้าย กะบ่เห็น
เห็นแต่คนเดินผ่าย กลายมา นึกว่าแม่น พี่น้อ
ว่าแม่นแฟนผู้น้องถ่า มาแล้ว ผั่นเล่ากาย พี่เอ้ย
เหลียวขึ้นเบิ่งยอดไม้ พออยากผูกคอตาย เบิ่งเด้
ชายเอ๋ยชาย ซ่างมาแปลงคารม หลอกนาง ให้หลงเก้อ
คันบ่เจอในวันพรุ่ง เตรียมคนจูง ถ่าลากแก่ น้องโลดเด้อ เพิ่นว่า
อ้ายขอแผ่เถาะน้องหล่า อย่าจาเว้าบ่แม่นความ เนาะนาง
คันเขาผู้น้องถ่า คันแม่นเขาบ่มา อ้ายสิถ่า พอเป็นหมู่ ดอกเด้อ
คันบ่ให้เป็นแฟน กะขอเป็นตั้งแต่ซู้ ใว้คอยถ่า ซ่อยตาง กะเอาดอก
เจ้าผู้พั้วดอกต้าง อย่าหลงหลูบ นำอารมณ์ เด้อ
มันสิพานางหมอง หม่นมัว ศรีเศร้า
เจ้าจงตรองดูแท้ ชายอื่นกะยังแล เขาบ่กล้า ปากเอ่ย
คันแฟนเจ้าเฉยเมย อ้ายสิเป็นผู้แก้ แทนหม่อง บ่อนเขา ดอกนางเอ้ย
อดบ่ได้ครับผญาม่วนหลาย

[chudhancock]

มาแล้ว มาแล้ว ป้ากับมาตังกระทู้แล้วประเดิมด้วยผญาท้วงสัณญาเลยหรอจ้า
เอาน้ำตารดต้นจานเลยหรอจ้าป้าจ้า 555555

:l- หลานนิจ๋า ป้าเห็นกกจานมันเหี่ยวแห้ง กะเลยนั่งให่ใสเอาน้ำตาแทนน้ำฮดกกจาน ซั้นดอกว่า 5555+6666

[chudhancock]

ฟังคำจ๋า หันหน้าลี้ ขอบคุณพี่ที่เห็นใจ คิดอยากอาย กะพองกัน อ้ายเอ่ยขันอาสาซ้วน
ย้านแต่อวนองค์อ้าย เป็นคือซายที่น้องเซื่อ ย้านถืกเบือเหลือแต่ฮ่าง
เอาคำอ้างให่เซื่อใจ บอมีทางเป็นไปได้ ย้านเจ้าอายชาวบ้านส่า
คำอาสาจากปากอ้าย น้องขอไหว้ว่าขอบคุณ ย้านแต่ทางอ้ายพุ้น ทางพ่อแม่สิติสิน
มีมลทินคือจังนาง บออาจหวังแต่ทางได้ แล้วแต่บุญสิส่งให่ ความพอใจน้องมีอยู่
ขอให่อ้ายได้รับรู้ แมนเป็นซู้กะส่วนยอม อ้ายเอ้ย


ขอบใจหนุ่มหน้าลาวมากเลยจ้าหลานรัก ที่เข้ามาอ่านม่วน มาแต่งผญาให้อ่านนำม่วนหลายซึ้งไปเลย

[ข้าวต้มมัด]

คองคอยอ้ายใต้ห่มกกดอกจาน
ดอกหากบานโรยรา อ้ายบ่มาหาน้อง
คองจนตาเวนค้อย ยืนงอยโพนขึ้นจอบส่อง
มองบ่เห็นเงาท้าว โตอ้ายบ่าวบ่ต่าวมา
ให้สัญญาฝากไว้ ให้คนไคได้คิดฮ่ำ
อ้ายก้อนคำไปไสน้อ คิดฮอดคนรอบ่น้อคุณ
หรือแม่นอ้ายกำลังวุ้น ทำให้อุ่นนี้สงสัย
อยากให้อ้ายมาไวๆๆเป็นจั่งได๋ เจอภัยบ้อ
หรือว่าอ้ายบ่ง้อ น้องคนรอหนออ้ายบ่าว
เฮ็ดให้สาวนั่งไห้ น้ำตาไหลใต้กกจาน นั้นแหล่ว

[lungyai1123]

เป็นหยังนอหล่า>>คือน้ำตาโห่งเลี่ยนๆ
เดียนกะมืด...ฟ้ากะแหล่แต่นอ้งเจ่ากะยังจ่ม
ข่มความทุกข์ระทมบ่ได้...นางหล่าบ่สร่างเซา
เอามันวางกองไว้ความระทม...บ่มีค่า
มีแต่ถ่าสิเฮ็ดให้ใจนางนอ้ง...ป่วงละเมอซั่นแหลว
นางควรตั้งสติหมั่นหันหา...พระธรรมเบิ่ง
อาจได้เห็นดวงแก้วสดใส...ซึ่งแก่นพระธรรม
คงสิลืมเขาได้บ่อาลัย...คือดั่งเก่า
เขาเป็นเขาผู้อื่นนั้น...มันแก่นแท้แล้วแต่กรรม....แม่นบ่

(ลองเรียงความใหลลื่นเบิ่งพ่ะน่ะถ่าใช้บ่ได้กะขอโท:*-ษดว้ยครับ)

[wundee2513]

... ยืนใจลอยคอยใครใต้ต้นจาน
คอยตาหวานจะเหน็บดอกจานไว้แซมหู
เพราะยังคิดถึงความหลังว่ารักที่พรั่งพรู
บัดนี้เจ้าไม่อยู่ดอกจานจะเหน็บข้างหูใคร ...

[วัฒนชัย หาริโร]

ต้นจานเศร้าเหลือเพียงเงา ความหมองหม่น
กับอีกคนที่อ้างว่าง มื้อเขาม่างหม่องฮักลา
ไปไกลตาบ่มาใกล้ บ่สนใจไผถ่าข่าว
หรือลืมคราวว่าฮักอ้าย ยังคอยถ่าเจ้าอ่วยคืน
ภาพความหลังยังสะอื้น มื้อเฮายืนชบแอบไหล่
บ่มีไผนอกจากอ้าย เจ้าเอ่ยไว้ว่าบ่ลืม...ชั่นแหล่วน้องสาวเอย

[สาวบ้านแต้]

ลิขสิทธิ์บน YouTube Credit By : https://www.youtube.com/watch?v=Ta-0zYo8exQ

ขอบคุณหลาย ยังบ่ตายหายใจอยู่ ตั๊วะได้ตั๊วะไป