-
ศิลปินแดนไกล
โลกพิกล คนพิการ
มรสุมปรกคลุมเคล้า โลกที่เฮาพากันอยู่
ฮอดฤดูยามฝนฟ้า ได้พาน้ำดอกห่งนอง
มีฝนตก มีฟ้าฮ้อง พายุก่องคะนองจัด
สารพัดแต่สิเห็น มาซ่างเป็นเห็นฮ้าย
โลกมลายสิกลายหน้า พระสุธาสิกลายแหล่ง
องค์อินแปรงสิแบ่งฟ้า คนทั่วหน้าปานห่าหงำ
แสนทุนทุกเกินชอกช้ำ ฝนกระหน่ำน้ำป่าไหล
ซัดเอาทรายขี้ดินตม มาทับถมใส่เฮือนบ้าน
เกิดพิการปานสิล้ม บ้านถืกถมบอเป็นท่า
น้ำซัดมาผ่าเขาทื่น ได้กลืนบ้านดอกหมู่คน
มาหลูดนแท้น้อเจ้า พากันเศร้าซ่อยบอทัน
อุกมหันปานฟ้าแกล้ง เบิ๊ดแฮงสู้อยู่บอเป็น
บอเคยเห็นกะได้ฮู้ คนเหลืออยู่ซ่ำคนตาย
คนสูญหายหาบอเห็น จักแมนเวรอีหยังแท้
โลกมาแปรเป็นไปหน้า ฟ้าพาลมพัดไปใหญ่
พายุหลายกว่าแต่กี้ โลกเดี๋ยวนี่มาต่างหลายพี่น้องเอ้ย
แก้ไขครั้งสุดท้ายโดย chudhancock; 01-08-2011 at 17:03.
-
ศิลปิน นักแต่งเพลง
สุดยอดเลยป้า................. มือคืนกะนอนเปีกฝน ให้ตกไปทั่วฟ้าเด้อฝน
-
พ่อครัวแม่ครัวบ้านมหา
เข้ากับบรรยากาศจ้าคุณป้าจ๋า
เข้าใจเว้าเน๊าะ....
...คนพิการ ทำร้ายโลก...
คิดถึงคุณป้าจังเลยจ้า ปานใด๋น้อสิกลับมาบ้านเฮา
อิจฉาพี่นิไปเที่ยวหาคุณป้าดุหลาย
-
ศึกษาหาความรู้
เฮ้ดได๋นอจั่งสิเว้าผญาม่วนๆคือคุณป้าเพิ่นนอ ขอบคุณครับ
-
Moderators
5555...เว้าเป็นตาย้านแท้ละเฒ่าแม่
น้ำสิท่วมฟ้า ปลาสิไล่กินดาว ซุมผุสาวสิเล่าตายเบิ๊ดเกลี้ยง ติเฒ่าแม่
บ่ีมีผุสาวผมกะอยู่บ่ได้เด้อเฒ่าแม่....บ่มีคนเฮ็ดกับข้าวไห้กินครับ
-
ศิลปินแดนไกล
ขอบใจมากๆเลยจ้าหลานธีระปลัดจ๋า ป้าก็มั่วๆเอาซือนี่หล่ะจ้า ขอบใจในคำติชม ป้าดีในมากๆเลยที่หลานเข้ามาให้กำลังใจป้า
ขอบใจจ้าหลานอิ๊ทจ๋าที่เข้ามาให้กำลังใจป้าน่ารักอีหลี ป้าเบิงข่าวนั่นน่ะจ้าเลยแต่งออกมาได้ซ่ำนี่หล่ะจ้าอิอิอิ
ขอบใจจ้าลุงใหญ่จ๋าขอบใจมากๆเลยที่เข้ามาชมมาให้กำลังใจป้า น่ารักอีหลีเลย
ลูกเขยพงเอ๋ย อุทุกภัยทำรายล้าง บอมีหยังสิเหลืออยู่
ซัดฮอดภูเขาไม้ มะลายม้างทั่งสะเทือน บอว่าเฮือนหลังไม้ ปูนซิเมนกะบออยู่
พายุกรูซัดโค่น ได้โตนต้ามกระหน่ำมา ยิ่งกว่าน้ำท่วมฟ้า
ปลาสิเบื่อกินดาว ซุมผุสาวเจ้าอย่าหวัง สิบอยังให้เหลือค้าง ฮ่าฮ่าฮ่า
บอว่านางนาฤน้อง หรือเฒ่าแล้วกะบอเหลือดอกเด้อ อิอิอิอิ
แก้ไขครั้งสุดท้ายโดย chudhancock; 02-08-2011 at 10:26.
-
International chef
โลกจะพิกล หรือคนจะพิการ
แต่หากมีคนใจพิการละเป็นไงคะป้า อิอิอิ
-
ศิลปินแดนไกล
อิอิอินิจ๋าป้าไม่รู้หรอกจ้า คนใจพิการ เออ แต่ก็น่าสงสัยเนาะจ้า อิอิอิ
ถ้าหากคนเรามองเห็นหัวใจได้ด้วยกันทุกคนคงจะดีนะจะได้รู้ว่าคนใจพิการนี่จะหายใจได้แบบไหน
โอ้ยป้าว่าคงจะหายใจได้แคบๆแน่ๆเลย อิอิอิอิ
-
ศิลปินแดนไกล
ฝนตกหลายน้ำเหลือล้น ชลประธารน้ำล้นเขื่อน
ตกฮอดเดือนสิบนี่ มีแต่น้ำดอกทั่วไป
น้ำมากมายหลายกะด้อ ฝนตกต่อบอยอมหยุด
หนทางทรุดพังทลาย สิไปไสกะบอได้
มองทางได๋มีแต้น้ำ นำใต้ล่างท้วมกกเสาร์
จั๊กสิเอาแนวได๋ มาสู่กินกันน้อนี่
หลายชีวีต้องหนีน้ำ ยามมันเกิดเรื่องคับขัน
ต้องพากันแลนหนี เอาชีวีปลอดภัยไว้
สงสารหลายแท้เด้เจ้า ฝนบอเซาน้ำล้นเขื่อน
ตกฮอดเดือนสิบเอ็ดโม้ม ไปพุ้นจังสิเคลีย เนาะพี่น้องเนาะ
อดทนไปสาก่อนเด้อ ซุมพี่น้อง น้ำท้วมสุปี นาล้มสุปี ชาวนา ชาวไร่ ต้องสุญเสีย
พืช ข้าว โอ้ยยหลายอย่าง สงสารแท้น้อ
-
ศิลปิน นักแต่งผญา
อินทร์องค์ฟ้าเปิดป่องประตูไข
ไลไลลันหล่อลงไหลพื้น
นาคราชคื่นครันครันคาบผู่
ผั่นๆดิ้นตะไก่ปิ้นปั่นหาง
โอยนอ.....
เจ้าผุนาคเล่นน้ำ
เทิงสวรรค์สังมาม่วน
อันว่าคนลุ่มใต้
สังมาได้แต่ผจญ
อันว่าฝนห่าแก้ว
สังมาตกแต่คนโลก
ทุกข์มาพานโศกต้อง
ได้เฮฮ้องพ่องน้ำตา
อันว่านาไฮ่ข้าว
กอเคยเลากะมาเหี่ยว
ท่งเคยเขียวป่งดั้ว
กะมาได้แต่แผ่นดิน
โอยน้อ...
เจ้าผุอินทราแต้ม
แต่งเอ้แดนสวรรค์
สังบ่ผันลงมา
หลิ่งทางมนุษย์ใต้
สังบ่ไปเตือนเจ้า
นาคาผุเล่นล่อง
สังบ่อินดูน้อง
ผุนาใต้สิเหล่าตาย.....แท้น้อ
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks