กำลังแสดงผล 1 ถึง 10 จากทั้งหมด 10

ผญาฮัก..จากคนไกล..

  1. #1

    ผญาฮัก..จากคนไกล..

    หล่านางเอ้ย...เจ้าผู้จุบุหน้า ยาใจอ้ายพี่
    ซ่างมาหนีจากอ้าย ภายพี้ให้อยู่เดียว
    ซ่างบ่เหลียวหลิงหน้า เจรจาดอมพี่
    หรือว่าติฮูปฮ้าย เห็นหน้าหน่ายสะอาง
    อดให้มาเทียมข้าง พอพลางหายส่วง
    พี่หากเป็นห่วงน้อง นางหล่าท่าเดียว
    เยียวว่าชิงชังอ้าย บ่หมายมาเยี่ยมหยั่ง
    หวังสิป๋าปล่อยฮ้าง ฮามให้อ้ายทุกข์ตรม
    แสนระทมระบมเศร้า เหงาใจหทัยหม่น
    จำต้องทนขดคี่คู้ อุดอู้ฮ่ำคะนิง
    สิบ่หลิงเห็นก้ำ ความหลังครั้งเก่า เฮาบ้อ
    บ่คิดพ้อหน้าอ้าย ชายพี่บาดฮ่วมกัน แน่ตี้
    สุดที่พี่ฮักน้อง น้อยหน่อนางสวรรค์
    ดุจดั่งกลืนกินจันทร์ หน่วยสูงอยู่เทิงฟ้า
    บ่มีไผ๋มาม้าง สิเนหาฮักฮ่วม ได้แหล่ว
    แนวว่าฮักกุมกวม สรวมถนอมต่อน้อง ตะผองเฒ่าชั่วชีวัง..นางเอ้ย..


    ผญาฮัก..จากคนไกล..ผญาฮัก..จากคนไกล..ผญาฮัก..จากคนไกล..

  2. #2
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    บ่ไกลปานได๋เด้ล่ะอ้าย พยัคฆ์ - วาปีฯ.............สารคาม

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    ผญ๋าฮัก..จากคนคอย

    อ้ายเอ้ย ใจเด้อใจเจ้า คึดนำสาวแหน่บ่น้อ
    หรืออ้ายพอพบพ้อ น้อสาวห้างผู้เผิ่นงาม
    ลืมสาวนาคนโตดำ ส่ำกาผล๋าน้อย
    ลืมคนคอยละบ้ออ้าย หรือไปหมายสาวคนใหม่
    สาวทางไกลอ้ายพบพ้อ ลืมแล้วบ้อใต้ฮ่มเถียง
    มื้ออ้ายเคียงข้างหล่า สาวนายามฝนแผ่ว
    ลืมแล้วบ้ออ้ายพรายแก้ว หน้านาแล้วอ้ายอย่าลืม
    นางยังยืนคอยถ่า อ้ายกลับมาดำนาแก่น
    กินหมกฮวก ไล่ตั๊กแตน เก็บบักหอยต้ม เด้ออ้ายนางจะรอ



    ผญ๋าฮัก..จากคนคอย

    :l- แจมนำแหน่ จ้า

  4. #4
    บ่เคยคิดสิไกลข้าง นงนางนวนารถ
    ใจสิขาดคี่ค้อย คอยคิดค้ำฮ่ำคะนิง
    อันแม่หญิงที่ฮักแท้ นอกจากแม่กะมีเธอ
    บ่ได้เผลอปล่อยใจ ให้สาวได๋ครองใจอ้าย
    บ่ได้หมายไผ๋มาซ้อน ยังสะออนนำแต่อุ่น
    มีแต่คุณเพียงท่อนั้น ที่หมายหมั่นแม่นฮ่วมเฮียง
    ถ่าอยู่เถียงก่อนเด้อหล่า หลกกล้าดำนาแก่น
    ไล่ตั๊กแตนถ่าเด้อเจ้า ยามขายข้าว..จั่งสิเมือ..อิอิ..



    ฮ่าๆๆๆๆ นู๋น้อย ม่วนครับม่วน มาต่อไวๆ อิอิ..

  5. #5
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    เกี่ยวข้าวดอรอแฟน

    เกี่ยวข้าวดอรอแฟนเกี่ยวข้าวดอรอแฟน ต่อๆ จ้าอ้าย


    " ความรักเราขมเมื่อตอนลมหนาว...มองเห็นข้าวเบาสุกเรืองสีทอง..
    อ้ายเคยให้สัญญาจะมาเกี่ยวข้าวกับน้อง ก่อนเดือนสิบสองลมล่องคอยจ้องมองทาง.."

    อ้ายเอ้ย..สัญญาใจอย่าเพม้าง อย่าลืมทางหม่องเว้าต่อ
    ข้าวเขียวพ้นพอเกี่ยวกอ อ้ายอย่าต่อทดเวลาเว้า
    นางจะคองคอยเจ้า ยามเกี่ยวข้าวพุ้นเด้อพี่
    อยากฟังปี่ต้นก่อข้าว เสียงสะนูว่าวต้านหัวลม..น้ออ้ายเน๊าะ


    เกี่ยวข้าวดอรอแฟน หาหม่องลงบ่พ้อ คึดเห็นแต่แนวอยากเล่น

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อ้ายซายเอ๋ย เจ้าผุจูมบัวแบ้ แหห่างซ่างดึกปลา
    ปลากะปลากซิวน้อย หยังสิข่องติดดาง
    คำวาจีอ้ายเอ่ยอ้าง ซ่างมาเฮ็ดให้นางอาย
    ย้านแต่หมายแค่ม่ายมอง ซื่นซมแค่คำเว้า
    คั่นบอเอาอย่าเว้าเล่น คั่นยามเห็นอย่าสุมายิ้มใส่
    คั้นว่ายิ้มใส่แล้ว คั่นว่าเกี้ยวน้องแล้ว บอเอาซ้ำเฮ็ดจังได๋ อ้ายเอ้ย

    มาขอแจมพอได้มาม่วนนำหลานพลายแก้วจ้า
    แก้ไขครั้งสุดท้ายโดย chudhancock; 04-08-2011 at 19:52.

  7. #7
    อ่านผญาคารมเว้า ทางผุสาวเพิ่นเว้าใส่
    ส่างมาให้บ่าวสะเทิ้น เขินข่อนฮอดบ่อนอาย แท้น้อ
    ว่าพี่ชายจูมบัวแบ้ ตึกแหห่างลงกลางสระ
    ปรารถนาปลาโตบิ๊ก หลีกหนีซุมปลาน้อย
    อันปลาซิวปลาสร้อย สนุกลอยลอดป่องห่าง
    บ่ติดดางถืกต้อง คาข้องหม่องหว่างเวิน
    คนกะเทินพอส่ำพี่ บ่เคยติปลาน้อยใหญ่
    แต่สิเอาสายไฟ จุ่มลงช๊อตเอาดอกเจ้า บ่ซาวคั่วเรื่องหว่านแห...


    แฮ่ๆ หว่านแหบ่เป็นขอรับ เอาไฟฟ้าช๊อตเอาดอก ตายเกลี้ยงเทิ่งปลาน้อย ปลาใหญ่ สนุกจับใส่ข่องละบัดนี้ ฮ่าๆๆๆๆๆ

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    โอน้ออ้ายเอ้ย วาดจั่งเว้า เจ้ามาซ่างไปทางอาย แท้น้อ
    แค่อยากขอมาคุยนำ อย่าสุทำเป็นเขิลม้วน
    แหหรืออวนเจ้าบอใซ้ สิเอาไฟไปช๊อตใส่
    ปลาน้อยใหญ่อยู่ในน้ำ กะตายซ้ำแมนบอยังแท้แท้แหล่ว อิอิอิ

  9. #9
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918
    ไกลขอให้ไกลแตหน้า สิไปมาบ่ให้ห่าง

    ส่วนจิตรข่อยกะอยู่นี้ ใจข่อยกะอยู่นี้

    ความฮักข่อยกะอยู่นี้ สิไปพู้นแต่ฮ่างคีง

  10. #10
    แต่งให้สาวทางได๋น้อจ้ามาม่วนคกแท้