กำลังแสดงผล 1 ถึง 5 จากทั้งหมด 5

อยากบอกเจ้าว่า.............

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    อยากบอกเจ้าว่า.............

    อยากบอกว่า.....ฮัก คิดฮอด.....และคึดนำ


    อยากบอกให้เจ้าฮู้ ว่าผู้ที่อยู่ทางไกล
    เฝ้าห่วงใยฮ่ำฮอน คึดนำทุกแลงเซ้า
    ให้เพลาๆ ลงบ้าง งานการให้วางปล่อย
    งานทั้งหลายใหญ่น้อย สังขารเจ้าสิบ่อไหว
    ไปทางไกลมาทางใกล้ ให้ระวังยามย้ายหย่าง
    ยามกินปลาให้เบิ่งก้าง อยากกินหยังนั้นเจ้าอย่าแพง
    ให้เบิ่งแงงเจ้าของบ้าง อย่ากังวลนำผู้อื่น
    นอนกลางคืน อย่าคึดนำลูกเต้า เขานั้นอยู่สบาย
    ยามแลงงายยามกินข้าวกะคึดนำเจ้าบ่อหล่า
    ได้กินซี้นต่อนหนา ได้กินปลาต่อนซ้าง คึดฮอดเจ้าอีแหม่เอย
    เป็นนำกรรมที่เคยสร้าง ได้เหินห่างเฮือนเคยนอน
    จากนาดอนที่เคยทำ ได้คึดนำมารดาแก้ว
    จักว่ายามใด๋แหล่ว สิได้เมือดูแลแหม่
    อุกใจหลายแท้ๆ บุญคุณเจ้าลูกบ่อลืม

  2. #2
    แม่จ๋าแม่ วันแม่สิมาฮอด อยากไปกอดใกล้แต่ไกลท่าง
    อยากกินปลาย่างฮ่วมเจ้า ไปกินข้าวฮ่วมภาช์ เด้น้อ
    อยากไปน้อไปบ้าน กลับอีสานคืนถิ่น
    มื่อวันแม่ใจถวิล อยากสิบินมาบ้าน สถานก่ำถิ่นอุดร พี่น้องเอ้ย

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    ธุจ้า
    ...คึดฮอดสุบาดย่าง เด่อจ้า พ่อกับแม่ผู้อยู่ไกล สู้ๆ จาได้กลับไปหาแล้วละ อีกบ่จักมื้อจ้า คิดฮอดที่สู้ดดดด

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    มาขอไหว้แม่ดองนำลูกเขย ทิดจ่อยกะเอาดอก ซาติว่าบอมีแม่ไหว้นำเพิน
    ขอให้แม่ของลูกเขยจงมีแต่ความสุขสมหวัง สุขภาพร่างกายแขงแรง ๆๆๆ

  5. #5
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    สิบสองสิงหามาลัยน้อมมโนในน้อมส่ง
    เจ็ดสิบเอ็ดหย่อนโค้งสงขารล้าอ่อนแฮง
    กินข้าวแกงกะเซาแซบ อาหารหยังกะเซาอยาก
    ไปกะยากมากะยากเจ็บเส้นจ่องใส่เอ็น
    แม่เอย...สังขารคนหากบ่อเว้นเกิดแก่ทังเจ็บตาย
    อย่าอาลัยนำสิ่งของให้ปล่อยวางลงไว้
    เก็บเอากายทังใจพร้อมน้อมเอาธรรมเข้ามาเพิ่ง...เดอแม่เดอ
    อย่าสุหลงโตเองว่าหนุ่มน้อย สังขารเจ้าได้ล่วงเลย
    นอนซำเบยอยู่ในบ้านการงานอย่าคึดฮ่ำ
    ลูกซายคำผู้นี้ คึดนำเจ้าอยู่สุยาม
    ธุจ้า