กำลังแสดงผล 1 ถึง 3 จากทั้งหมด 3

หัวข้อ: ทุ่งนางคอย

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    ทุ่งนางคอย

    ลมเย็นเย็นตาเวนค้อย เดินตามฮอยคันแทเก่า

    เห็นปูปลาน้ำนาข้าว ปลาไล่หย๊วกย้อนหยอกกัน

    ต่างสุขสันต์มันส์เอาฮ้าย อยากสิบายไซมาใส่

    ก่อนกี้น้อนาท่งใหญ่ อ้ายมาดักไล่ต้อน เอาปลาข่อนไปส่งเฮือน

    นางได้เฉือนใบตองแหล่ว ใส่ปลาซิวแก้วเกลือผักอี่ตู่

    ซอยหอมใส่ตะไคร้คู่ หมกหลายผู้คนมากิน

    ยังถวิลคิดฮอดอ้าย ชายผู้กายมาฮ่วม

    อ้ายที่เคยมาร่วม กินข้าวฮ่วมภาช์

    มีผักลวกแจ่วปล้าหล้า ก้อยหอยนา ต้มปลาคอใหญ่

    กินรวมญาติของขวัญใจ ชายยังได้ยิ้มใส่นาง

    มื่อนี้แสนอ้างว่าง อ้ายไกลห่างไปเมืองกรุง

    ย่านเด้.....ย่านอ้ายหลงลืมทุ่ง ลืมกลิ่นควายติดกายน้อง

    อ้ายบอกคองคอยอ้าย สัญญาใจสิมาแต่ง

    หล่าคำแพงแงงหาอ้าย ซายคนนี้อยู่บ่เซา นั้นแหล่วอ้ายเอ้ย

    แก้ไขครั้งสุดท้ายโดย ข้าวต้มมัด; 16-08-2011 at 04:14.

  2. #2
    ร่วมถ่ายทอดความรู้สู่สังคม สัญลักษณ์ของ ปั้ม อาภัพ
    วันที่สมัคร
    May 2010
    กระทู้
    359
    คอยต่อไปเด้อ ผุสาว เยี่ยมเพื่อน

  3. #3
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อ้าวๆๆๆๆ บ่อพาเมียมากินข้าวนำตินี้แมะ เพื่อนฮัก

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •