หมกหน่อไม้ไส่หมู

[หนุ่มน้อยศรีสะเกษ]

เมนูนำเสนอมื้อนี้กะคือหมกหน่อไม้ไส่หมูสามชั้นครับ เมนูนี้คึดอยากมาหลายมื้อแล้วครับแต่กะบ่อมีเวลาเฮ็ดย้อนว่ายากนำงานแล้วกะลูกชายน้อยนำ ตื่นแต่เช่าไปตลาดส่งข่าวไปบอกบ่าวยางตลาดแต่เช้ากะบ่อมีเสียงตอบรับ(บ่อมีวาสนาปาก)มาเริ่มลงมือเลยดีกว่าครับ

เริ่มจากสับหน่อไม้ไผ่หวานแล้วกะเอาไปต้มให้จืดก่อนครับ



ส่วนประกอบกะมี ยานาง เข่าเบือ ผักปัง ต้นหอม ผักอีตู่ บักพริกโพน ละกะหมูสามชั้น










เครื่องปรุงกะมี แป้งนัว รสดี ปลาแดก น้ำปลา



คั้นน้ำยานางแล้วกะไส่ส่วนผสมต่างๆลงไป ปรุงรส แล้วกะตำให้เข้ากัน บ่อต้องตำแฮงเด้อครับเอาพอเข้ากันกะพอ













จากนั้นกะหมกไส่ใบตองกล้วย เออไปหนึ่งให้สุกครับ บ่อต้องหนึ่งโดนครับเอาพอหมูสุกกะพอแล้วครับ









เรียบร้อยแล้วครับหมกหน่อไม้สูตรพิเศษจากครัวหนุ่มน้อยศรีสะเกษ









ปล.ขั้นผุได๋บ่อมักหมูสิไส่ปลา เนื้อ หรือแนวอื่นกะได้เด้อครับแล้วแต่มักครับ

ขอขอบคุณบ้านมหาที่ให้พื้นที่นำเสนอเรื่องราวต่างๆครับ