..ครัวภูธร ตามกระแสเมนูหมกหน่อไม้...

[หมูหวาน]

เป็นตาแซ่บจ้า น้องหลิน แต่่ว่าให้เอื่อยถามแน่ ใบสัง มันเป็นรสชาติ จังใด๋จ้า แถวบ้านเอื่อยบ่เคยกินแมะจ้า อาจสิมีต้นแต่ว่าขะเจ้าบ่นิยมกินกันแมะจ้า :l-:l-

[ธิดายาเย็น]

มะเป็นตะแซ่บแท้หลินเอามาแนจั๊กหมกพอดีอาหารเช้าเลย..นู๋น้อย//ใบสังคะเจ้ามักเอาไปขั่วใส่เนื้อนั่นน้องหล่าเมนูเด็ดคือกันจ้า..

[กำพร้าผีน้อย]

โอ๊ย น้ำลายไหล อยากเด้ จ่งไว้ให้อ้ายจักหมกแหน่เด้อ หลินเอ๊ย



เอาต้นสังมาให้เบิ่งครับ

........................


ภาพนี่น่าสิเป็นต้นสังแต่ทาบกิ่งมะกรูด กะเลยออกมาเป็นลูกมะกรูด ..ต้นสังถ้าโตเต็มที่กะต้นใหญ่คัก สูงหลายเมตร...

ใบสังจริงๆสิใบน้อยๆ ต้นสังในภาพนี้กะคือต้นที่ใบน้อยๆด้านหน้าข้างล่างนั่นหละหมวดเหลือง...

[chudhancock]

หลานเขมจ๋ามาเฮ็ดให้ป้าคึดอยากนำแท้นอ หมกหน่อไหล่นั่นแม๊ะ อิอิอิ
หม่อหนึ่งดำกะซ่างเถาะหลาน ว่าแต่แนวกินแซบกะเอาหล่ะ กินอิ่มแล้วจังค่อยไปขัดเอา

[เซียงสีผีเป้า]

ขอสองหมกเด้อนาง สิมากินกับบักพริกโพน

[เพ็นนี]

เว้าถึงต้นมะสังหรือกระสัง ตะกี้หน้าบ้านเฒ่าพ่อมียุต้นหนึ่ง เคยเอายอดอ่อนมากินกับลาบปลา หน่วยมันสิมีรสชาดส้มๆเอาไปใส่น้ำพริกกะปิแซ่บๆ

แต่เมนูหมกหน่อทันเคยกินแมะ

[หนุ่มยโสธร]

อาหารโปรดคือหนอไม้คราบหมกใส่หมูมันๆๆๆ