กำลังแสดงผล 1 ถึง 10 จากทั้งหมด 10

กำลังใจแด่ทุกคนในต่างแดนและไกลถิ่น

  1. #1

    กำลังใจแด่ทุกคนในต่างแดนและไกลถิ่น

    ไผ๋ย่างไปไกลบ้าน แต่งงานประเทศต่าง
    ไผ๋ทำงานอยู่ต่างบ้าน สิต่าวบ้านตัวเปล่า หากบ่คือ พี่น้องเอ้ย
    ให้เจ้าถือคติไว้ เฮ็ดอันได๋ ให้เจ้าหมั่น
    คนแข่งขันทุกคืนวัน ขั่นเวลา เจ้าอย่าท้อ
    เดินไปน้อข้างหน้า หาญกล้า ผู้หยิ่งใหญ่
    หญิงหรือชาย ไกลต่างบ้าน นานเนิ้นหากคิดถึง


    จงรำพึงเอาไว้ กำลังใจคือ พ่อแม่
    งานหนักแน่ สู้เพื่อท่าน สักวันเฮา ต้องได้ดี
    มีหลักดี อยู่ที่ใจ อย่าหวั่นไหว ใจไผ่ต่ำ
    คำคนมาเว้ายั่ว ตัวเจ้าอย่าไปซา
    เดินไปหน้า ว่ากันไป นับ 1 ใหม่ดีกว่า 0
    ดีกว่ากลับไป แล้วขาดทุน หากหว้าวุ้นให้หยุดยั้ง


    จงหันหลังแก่อบาย อันตรายให้เจ้าหล่ำ
    สวดมนต์ไปทุกเช้าคำ ให้พระธรรมนำคุ้ม ซุมเจ้าให้อยู่เย็น นั้นแหล่ว
    อย่าให้เวรนำต้อง จ่องนำกรรมไล่
    ไปได้ดีในโลกก้วง จังค่อยค่วง มาเบิ่งหลัง นั้นแหล่วพี่น้องเอ้ย
    แก้ไขครั้งสุดท้ายโดย ข้าวต้มมัด; 24-08-2011 at 13:50.

  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    เหตุผลของคนไกลบ้าน ต่างคนต่างเหตุผล สู้ๆจ้าเอื้อย เป็นกำลังใจให้เด่อจ้า อิอิ อย่าต่างบ้าน กะดูแลเจ้าของจ้าเอื้อย สู้ๆๆ

  3. #3
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8
    ทางนี่ก็สู้ๆซุมือจ้าน้องข้าวต้มมัด สุ้จนจิต่อยกันในงานแล่ว
    ถูกลอตโต้เมื่อไหร่ เอางานถิ่มถังขยะยางหนีเลยแหล่ว

  4. #4
    ขอบคุณจ้าทุกกำลัแรงใจ คนไกลบ้านเหมือนกันจ้า

  5. #5
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918
    เกิดเป็นคนต้งสู้ บู๋ไปตามชาติ

    แม่นสิลําบากฮ้าย ให้ทนสู้ต่อไป

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ลูกข้าวต้มมัดเอ๋ย ชีวิตคนในต่างด้าว
    เหงาอีหลีแท้หล่ะว่า สู้อดสาหาเงินท่อน
    ก่อนคืนโค้งต่าวเมือ หัวใจเพลียคิดแล้ววุ่น
    สมองขุ่นมืดตึ๊ดตื๋อ มันบอคือพอปานได๋
    แฮงคิดไปผัดแฮงกลุ้ม เว้านำซุมเพินขะเจ้า
    ผู้เขามีกะเว้าใหญ่ คึดน้อยใจแท้แท้แหล่ว
    แนวเงินน้อยค่อยๆเก็บ ไปซั้นแหล่ว ลูกแม่เอ๋ย อิอิอิ มาขอแจมนำลูก

  7. #7
    อ่านผญ๋าแม่กินใจ ปานพระทัยได้เจาะป่อง
    ปานส่องเห็นเนาะแม่ อดทนแท้แม่มพวกเฮา
    เอาธรรมะมาช่วย ได้อ่วยใส่บ้านมหา
    มาสนุกเฮฮา เจรจากับพี่น้อง
    ได้ฮู้จักพี่น้อง เนืองนองคนไหลหลั่ง
    ได้เกิดนางผญ๋าน้อย ต้อยตู๊ดเข้ามาต่อกลอน นี้แหล่ว เห่อๆๆ



    ม่วนๆจ้าแม่(ป้าลำซิ่ง)

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อดสาทนแมนดนซ้า ฮอดเวลาคงได้ต่าว
    ฮอดหว่างคราวเข้าจักมื่อ สิคือแท้ ดอกลูกเอ้ย
    คนที่เคยทุกฮ้าย ต้องซำบายจักมื่อหนึ่ง
    คิดคำนึงถึงแต่กี้ กับตอนนี่มันต่างกัน
    แมนมาไกลอยู่นำซั้น ปนคนรวยผู้เพินฮ่าง
    มองเห็นทาง พอได้ให้ เห็นฮู้ป่องหา นี่แหล่วลูกเอ้ย


    มาต่อ บอม่วนปานได๋ดอกลูก มั่วๆเอา พอได้มาม่วนนำลูกนี่หล่ะจ้า อิอิอิ

  9. #9
    ร่วมถ่ายทอดความรู้สู่สังคม สัญลักษณ์ของ ปั้ม อาภัพ
    วันที่สมัคร
    May 2010
    กระทู้
    373
    ขอเป่นกำลังใจไห้ สาวๆคนไปไกลบ้านซุคนเด้อ โดยเฉพาะเพี้ยนรัก เบิ่งแงจะของเด้อเพี้ยน คิดฮอด

  10. #10
    คิดฮอดเจ้า กินข้าวบ่ลงคอ ....ปั้มเอ้ย....555+

    ขอบคุณเพื่อนมากจ้า ส่ำหรับความคิดฮอดคิดถึงเนาะ