กำลังแสดงผล 1 ถึง 6 จากทั้งหมด 6

หัวข้อ: ผญ๋า...นางเเอ๋ย

  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    กระพริบตา ผญ๋า...นางเเอ๋ย (ฮีตครองเฮือนหญิง)

    นางเอ๋ย คันแม่นเจ้า เคียดแคน โกรธเคืองภัสดา

    อย่านินทา ลับหลัง พ่อแม่ฟังเพิ่นสิแค้น

    ความอึดอัดคัดแน่น ให้ซ่อนแผน เงื่อนง่ำ

    คำนี้คนจังหย่อง เป็นหญิงนั้นว่างาม

    แม่นคนตามติดฮู้ เขายังดูเจ้าที่หนึ่ง

    อนึ่งผัวคนอื่นเล่า หากเห็นเจ้า หย่องว่าดี

    ไผ๋ตี๋ผัว ด่าถ่อย เป็นคนน้อย ด้อยปัญญา

    เบิ่งราศรี บ่มีจับ นับถอยหลังแต่ ลาล้าง

    หากนางมีผัวใหม่ซ้อน ซอนบ่อนบ่ทันดน

    เขาได้เห็นตัวตน บ่นเบื่อนาง จางไปจ้อย

    อย่าแค่สวยแต่หน้า ภาช์แลงงายให้เจ้าหล่ำ

    ให้ทำตามฮีตเค้า จนถึงเฒ่า ตะะผองตาย นั้นแหล่ว

    (ภัสดา,สามี)



    ฮีตครองเฮือนของหญิงเนาะค่ะ
    แก้ไขครั้งสุดท้ายโดย ข้าวต้มมัด; 31-08-2011 at 14:31.

  2. #2
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ม่วนหลายจ้าลูกข้าวต้มมัดจ๋า สอนเจ้าสาวมือใหม่ อิอิอิ



    เพินหากว่า เมียปากฮ้าย ปากจ่มแต่ทางผัว
    หาแนวตั๋วสัมมะแจะ แม่หย่าซังกะพองฮั้น
    แนวบอมันกะจังว่า ผัวไปนาเมียอยู่บ้าน
    เฮือนซานนั่นกะบอถู เว้ากะดุเทิ้งขี้คร้าน
    เฮ็ดเวียกงานกะบอเดี่ยง ด่ากับเถียงเบิ๊ดยุฮั่น
    ว่าผัวย้านเพินอวดโต มีแต่หาแนวสิโก้
    โอ้อวดให้คนหยัน เห็นสำคัญแต่เจ้าของ
    บอได้มองผู้ได๋ซ้ำ ว่าโตงามแฮงเป็นฮ้าย
    มักเว้าใหญ่ใส่กับผัว เว้าข้วมหัวไปเลยๆ
    ใจบอเคยสิจริงพร้อม ส่วนผัวยอมอดเอาไว้
    คึดในใจจั๊กมื่อหนึ่ง มึงเถาะมึง อีซ่ำนี่ กูหนีถิ่ม มื่อละคน พุ้นเด้อ อิอิอิอิ
    แก้ไขครั้งสุดท้ายโดย chudhancock; 31-08-2011 at 18:09.

  3. #3
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    คาดหว่ามันเถิงหู
    คาดฮูมันเถิงแง้(แย้)
    สำมะแจ๋ฮ้อนปาก
    คันอยู่ดากเหม็นดัง
    ซังบ่ซังอุบไว้ก่อน
    อย่ามืออ่อนปากไว
    ผัวไปไทให่เจ้ากู่
    ผัวบ่อยู่ให่เจ้าระวัง
    ยามนั่งให้เจ้าวรณ์(ระวัง)
    ยามนอนให้เจ้าเพียบ(เรียบร้อย)
    บ่เผียบเผิ่นใส่โต
    อย่าโยนโอใส่แอ่ง
    ขั่นเจ้าตบเจ้าแต่ง
    ให่เอาแต่พองาม
    มีอยู่ในเฮือนสามกับน้ำอีกสี่
    แบบของกุลสตรีร้อยแปดพันเก้า
    (มาแจมนำน้องข้าวต้มมัด)ดีหลายดีหลายน้องหล่า
    :l-:l-:l-
    แก้ไขครั้งสุดท้ายโดย pcalibration; 31-08-2011 at 12:24.

  4. #4
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    ขอขอบคุุณ คุณแม่(ป้าลำซิ่ง) กับอ้ายพีเด้อค่ะ สำหรับคำชมและมาเขียนไว้ให้ลูกหลานเฮาเข้ามาเบิ่งในมื่อหน้าค่ะ


    ว่าต่ออีกจักบาทก่อนจ้า อิอิ

    นางเอ้ย สตรีดีงามล้น ให้อดทนฮักแต่ผัว
    อย่าได้เว้านัวๆ ขวัญผัวเชิงชู้
    ให้ฮู้จัก นักปราชญ์ฟังธรรม
    การเฮือนให้เจ้างาม ทำตามกระบวนต้าน
    ให้หมั่นทาน ทำบุญหยาดน้ำ ยั่งยื่นเพียงตา
    กินซีนม้า ให้เจ้าส่งเฮือนยา
    กินซีนปลา ให้เจ้าส่งเฮือนยาย
    ให้หมายจำ คำสอนพ่อแม่
    ใจประเสริฐเผื่อแผ่ ญาติวงศา
    มีบุตรา ให้รักษากล่อมเลี้ยง
    ตาเบี้ยงซ้าย อย่าได้แลหาชาย
    ตาเบี้ยงขวา อย่าได้ซ่ายหาซู้
    ให้เป็นผู้ จักเก็บออมเมี้ยน
    การเฮียนให้เจ้าหล่ำ ถึงตอนค่ำ ให้เจ้าหาภาน์แลง
    ให้ฮักแพง ผัวเซยซมซ้อน นั้นแหล่ว
    แก้ไขครั้งสุดท้ายโดย ข้าวต้มมัด; 31-08-2011 at 14:32.

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    ลูกข้าวต้มมัดเอ๋ย เป็นยิ๊งนี่ให้เพรียบพรั่งทางนิสัย
    เว้าอันได๋ให่ค่อยจ๋า กิริยาสตรีแท้ อย่าปากแปเว้าเปี้ยน
    หานั่งเฮือนบ้านผุอื่น อย่านิลทาหัดเว้าพื้น บอดีแท้ให้จือจำ
    อย่าสุงามตั้งแต่หน่า ยามเว้าจ๋า ให้มันม่วน อย่าเฮ็ดเสียง
    เว้าฮ้วนฮ้วน คือขัวญฟ้า ผ่าใส่ตอ นั่นแหล่วลูกเอ้ย


    ลูกข้าวต้มมัดจ๋า แม่กะเอามาสู่ลูก อ่าน แล้วผิดตกหม่องได๋กะเติมต่อให้แม่แน อิอิอิอิ

  6. #6
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ม่วนหลายจร้าเอื้อยข้าวฯ สุดยอดจร้า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •