มาพี่น้องไปซิดเบ็ดนำกัน

[ฅนภูค่าว]

อาทิตย์ที่ผ่านมา(๒๘ ส.ค. ๕๔) พาทีมงานไปเปลี่ยนบรรยากาศ ไปหาซิดเบ็ดกันแถวๆ บ้านกันผม สายออกไปทางจักราช




เป็นบ่อตกปลาอยู่ในหมู่บ้านกันผม บึงอยู่ดี ฟิชชิ่ง



มาเถิงกะสามสี่โมงเซ่าแดดกำลังดีบ่อฮ้อนแฮง คนกะบ่หลาย



เห็นแล้วๆอย่าปากแฮง ทางเลือกทีสอง เดินผ่านพอดีคึดในใจถ่าบ่ได่อันหนึ่งเมือกินแลงมื้อนี่กะต้องได่อั่นหนึ่งหละแลงนี่



ไคแนยุมีฮ่มให่ซ้นนำยุ ฝนตกมากะคือสิบ่เปียกหลาย(มีเด็กน้อยไปนำกะเลยเป็นห่วง)



ทีมงานกะเลยลงเบ็ดไว่ก่อนสามหลัง เบิ่งขี่ฝ่าแล้วเป็นตะบ่ไว้ใจ



โตแรกแฮกหมานจากฝีมือเซียนเอี่ยว ปลาตะเพียนโตกำลังงามแป๋ๆโล



โตที่สองตามมาติดๆเป็นปลาสวาย ฝีมือเซียนเต้ย เป็นปลาที่บ่ค่อยอยากได่โตกะยังน้อยยุบ่เถิงเคิ่งโล กะเลยปล่อยคืนบ่อ



เอาแล้วเทือนี่อีกสองเซียน เซียนบะ กับ เซียนเหน่ง นั่งก้นบ่ติดดินแล้ว ต้องลุ้นกันแล้วไผสิขี่ฮ้ายก่อกัน(ได่ทีโหล่หมู่)





เอาอีกแล้วเซียนเอี่ยวกะตุกปลาตะเพียนขื่นมาอีกแล้วพี่น้อง แต่ว่าโตน้อยกว่าโตแรก



ตั้งเค่ามาแล้วพี่น้อง ผู้รับเหมารายใหญ่เริ่มมืดมาแล้วลักษณะนี่บ่เหลือตกแนนอน



เซียนเต้ยกะเอาสวายขื่นมาอีกโต มีเซียนเอี่ยวคนเดียวได่ปลาตะเพียน กับเซียนบะได่ปลานิล



ทางเลือกทีสาม(อาหารเสริม) เซียนเต้ยละจากเบ็ดไปส่อนกุ้งนำฝั่งบ่อมาเฮ็ดเยือเบ็ด กับส่อนเผือเฮ็ดกุ้งเต้นนำ เนื่องจากว่าเซียนเต้ยเป็นคนบ้านนี่ และเป็นหลานกับเจ้าของบ่อ กะเลยได่สิทธิ์นั่น..




เจ้าของบ่อกะใจดี ดอกแคงามๆกะเก็บเมือกินได่เพิ่นบ่หวง



ได่หลายเติบยุครับดอกแค มาตกปลาได่ผักเมือกินพร้อม ได่กุ้งฝอยเมือเฮ็ดกุ้งเต้นอีก จะแมนคุ้มงานนี่



เซียนเหน่งมื้อนี่ฝีมือตก บ่ได่ตามเป้าหมาย มื้อนี่ลงเบ็ดสี่คัน เอาปลาออกจากบ่อได่ ๘ โลเต็มเปี๊ยะ



มาแล้วครับ ผู้รับเหมารายใหญ่ ตามควมคาดหมาย ถ่าให่ฝนเซากะสิกลับกันแล่ว เอาปลาเมือไปแปรรูปกินกัน พักผ่อนวันจันทร์กะ ยะการยะงาน กันตามปรกติ

GAME OVER

ขอขอบคุณ บ้านมหาดอทคอม และพี่น้องที่เข่ามาชม จากเล็กๆน้อยของทีมงาน บ้านฅนไท โคราช บ้านเอง

[หมูหวาน]

ได้ปลาตัวใหญ่แท้จ้า มีกุ้งพร้อม หมานอยู่เด้หละเนาะจ้า อิอิ:l-

[chudhancock]

อือ ฮือ แมนบ่อตกปลา หือว่า อ่างขังปลาน้อเสี่ยว อิอิอิ มาคือตกได้ดีแท๊ะ หย่อนปึ๊บ กินบั๊บเลย
พอปานปลามันอ้าปากถ่า กินเหยื่อยุเนาะจ้า อิอิอิ น่านเห็นแล้ว บอได้แนวหนึ่งกะต้องแนวหนึ่ง
บอแมนไก่ตีเพินบอน้อนั่น อิอิอิ ทีมงานตกปลา กะเซียนเด๊หล่ะเนาะเสี่ยว เก่งหลาย พุ้นน่ะโตน้อยๆ
นั่นกะตกปลาเป็นนำหมู่ยุติ อิอิอิอิ โอ้ยอยากกินแกงส้มดอกแคร์ แท้เนาะเสี่ยว เอาดึกมาให้จั๊กห้าสิบดอก เฮาสิแกงส้มดอกแคร์ วิวหน่าไปนั่งเล่นเนาะ คือสิเย็นดีคัก

[ฅนภูค่าว]

อือ ฮือ แมนบ่อตกปลา หือว่า อ่างขังปลาน้อเสี่ยว อิอิอิ มาคือตกได้ดีแท๊ะ หย่อนปึ๊บ กินบั๊บเลย
พอปานปลามันอ้าปากถ่า กินเหยื่อยุเนาะจ้า อิอิอิ น่านเห็นแล้ว บอได้แนวหนึ่งกะต้องแนวหนึ่ง
บอแมนไก่ตีเพินบอน้อนั่น อิอิอิ ทีมงานตกปลา กะเซียนเด๊หล่ะเนาะเสี่ยว เก่งหลาย พุ้นน่ะโตน้อยๆ
นั่นกะตกปลาเป็นนำหมู่ยุติ อิอิอิอิ โอ้ยอยากกินแกงส้มดอกแคร์ แท้เนาะเสี่ยว เอาดึกมาให้จั๊กห้าสิบดอก เฮาสิแกงส้มดอกแคร์ วิวหน่าไปนั่งเล่นเนาะ คือสิเย็นดีคัก

ทีมงานเพิ่นพากันแค้น แลงวันเสาร์ไปใส่เบ็ดนาเซียนเต้ย ได่เอี่ยนกำพร้ามาโตเดียว วันทิตย์ทีมงานเลยซวนไปซิดเบ็ด เรืองของเรือง...

ส่วนน้อยๆนั่นเป็นลูกซายเซียนพุฒ พ่อครัวประจำทีม ประเภทเฮ็ดแนวกินอิสานบ้านเฮานิเก่ง ลาบก้อยซอยแซแกงอ่อม แซบถึกปากอีกตางหากมักแบบได๋เดี๋ยวพุฒจัดให้ เพิ่นนี่สิเซียนทาง กางมอง ตึกแหเก่งก่อหมู่ในทีม...

บรรยากาศเย็นดียุ ลมวีๆๆ ขั่นมีอู่แขวนนอนบ่พอสามนาทีหลับคักๆๆ ซังแต่ฝนนี่หละ...

[บ่าวจัย]

อยากไปลองเด้ครับ ทางนี้กะออกทริปแนวนี้ดู๋ยุ เสาร์นี้ว่าสิไปบึงธรรมชาติ ตกปลากดครับอ้ายเพิ่นไปตกได้มาโตเดียวกดคัง 95 โลแหมะ
มื้อแรกเพิ่นพากันไปก้านเห็นมันนอนยุข้างขอนไม้ว่าแม่นแข้พะน่ะ เอาฉมวกสักมัน มันพาแล่นลงน้ำเกือบบ่รอด
มื้อต่อมาเลยพากันไปตกลองเบิ่งกินอิหลีแหมะ ส่าเขาคือสิดีแท้เสาร์นี้ละสิไปลองเบิ่งแล้วสิเอารูปมาฝากเด้อครับ

บรรยากาศน่าลุ้นครับอ้ายกุ้งกะหลายดอกแคกะงามเอามานึ่งใส่ปลานิลเด้อครับ ตอนนี้กำลังมีไข่แซบคักเด้อ

[มะเหมี่ยว]

เห็นกุ้งแล้วกะอยากกินก้อยกุ้งเนาะจ้า..........ตำใส่บักกอกคือสิแซบๆๆ

[พล พระยาแล]

บ่ค่อยมักตกเบ็ดครับอ้าย ยามว่างมักสิไปสนามหลวง ไปแล่นว่าวครับ ....อิอิ

[บ่าวอิง]

ได่เทิงกุ้งเทิงปลา เหมาะมากคับน่าไปซิดยุจั่งซี่ มื้อหลังเอิ้นแหน่เด้อ สิไปนั่งเบิ่งยุข้างสระซั่นดอกวา

[ไก่น้อย]

บรรยากาศดีขนาดเนาะจ้ ทางจึกราช ว่างๆมาลองเบิ่งทางอ่างเก็บน้ำซับปะดู๋ สี่คิ้ว เด้อจ้าอ้าย อ่างะรรมชาติ บ่เสียเงินค่าเบ็ดดอกจ้า มายามไก่น้อยนำ อิอิ

[esannot]

หมานคักน้อ ว่างๆๆๆๆๆๆ มาทางทะสาบสงขลาแน่เด๋อ ช่วงนี้แม่กุ้งถึกคัก