บ่ได้หวังหยังดอกหล่า ที่เกินกว่าความจริงใจ
และบ่ได้ไปใฝ่ฝัน ว่าเธอ..สิรักฉัน..ท่อฟ้า
หากมื้อหน้าเธอลาร้าง ดอกรักจางจืดหม่น
อ้ายคือคนทนเทียวท้อ ขอน้องหล่าอย่าคะนิง
ถึงตัวจริงจะบ่ใช่ หากพ้อไผ๋คิดว่าแม่น
เข้ามาแทนตำแหน่งอ้าย สละได้เพื่อนาง
ถึงบ่ได้อยู่เคียงข้าง บ่ได้ย่างควงเดิน
เป็นส่วนเกินในใจเธอ ทุกข้อเสนอสิยอมน้อง
แม่นสิครองจองความช้ำ คันเธอทำให้ใจหมุ่น
รักขาดดุลสูญเสียเจ้า ถึงคราวหล่มล้มละลาย
แต่ความจริงสิ่งสุดท้าย คือฮักหลายป้ายความห่วง
ถึงแม่นหวงหึงบ่ได้ สิทธิ์ของอ้ายป่ายบ่ถึง
ขอแค่มีสักมื้อหนึ่ง เจ้าคิดถึงและโค้งต่าว
มาสานต่อก่อรักเฮา บ่หวังเอาฮอดรักแท้ ขอเพียงแค่..จริงใจ...ส่ำนั้นล่ะ..อิอิ
Bookmarks