กำลังแสดงผล 1 ถึง 7 จากทั้งหมด 7

หัวข้อ: คิดฮอดคนเด้...

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    คิดฮอดคนเด้...

    มาคิดฮอดแท้น้อหล่า กลางพรรษามื้อฟ้าหม่น
    ยามเมื่อฝนหล่นจากฟ้า ธาราย้อยหย่าวริน
    ในดวงจินต์ถวิลน้อง ตาเหม่อมองเมฆไหลผ่าน
    คือตาหวานไปจากอ้าย หลายมื้อบ่ต่าวคืน
    ยามมื้อฟ้าฮ้องครื้น ครื้น แสนสะอื้นอยู่ในอก
    ทนสะทกสะท้อนจิด คิดคะนิงนำน้อง
    ใจจำจองครองความเศร้า เหงาบ่มีมื้อสิส่วง
    คิดนำดวงดอกฟ้า ผู้ลาร้างห่างสะเทิน
    ปากสิกกกล่าวเอิ้น กะเกินส่งเสียงสดับ
    ผ่านหลายวันลาลับ คอยนับวันปานคนบ้า
    ได้แต่คองคอยถ่า ออกพรรษาสิล่วงผ่าน
    ต้นข้าวมานจนสิซอด คนคิดฮอดซ่างมิดหาย
    หรือว่าลืมบักอ้าย ชายชาวนาผู้หน้าก่ำ
    ไปแล่นนำบ่าวคนโก้ เลยโสถิ่มผุก่ำกา
    ฝากผญา ณ บทนี้ คันคนดีได้มาอ่าน
    นี้คือสาร์นส่งให้เจ้า แทนคำเว้า...บ่าวผะอวน...เด้อนางเอ้ย...



    :l-:l-:l-

  2. #2
    ศึกษาหาความรู้
    วันที่สมัคร
    Aug 2011
    กระทู้
    14
    โอ๊ะๆๆๆ ปร๊าดๆๆๆๆๆ มาม่วนจ่องใจคักแท้ๆๆอ้าย ยอดเยี่ยมครับยอดเยี่ม มักแฮงๆผญาอ้ายนี่ ติดตามตลอดเด้ออ้ายเด้อ

  3. #3
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    298
    คิดฮอดกะคือบ่มาหา หรือว่าเมียดึงหูไว้ ฮิ้ววววววววววววววววววววววววววววว

    หยอกเล่นซื่อ ๆ เด้อจ้า อิอิ

  4. #4
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    คึดฮอดกะอดเอาเด้อๆๆอ้าย.........(ใหญ่แล้ว )

  5. #5
    แบ่งปันความรู้และประสบการณ์ สัญลักษณ์ของ Thadjunior
    วันที่สมัคร
    Nov 2008
    กระทู้
    150
    คึดฮอดกะอดเอาเด้อ เฒ่าแล่ว

  6. #6
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    ..คิดฮอดไผน้อคนโก้ มาโสคำบรรยายส่ง
    นวลอนงค์บ่ลิ่งล่ำคำชายเอิ้น เมินหนีหน้าบ่ต่าวคืน..สั่นบ้อน้อ
    หรือว่ากองคำแก้ว ไกลจากแล้วไปเป็นอื่น
    ปล่อยชายอกสะอื้น ทุกคืนเช้าเฝ้าจมหา
    ฝากผญาวาจาเศร้า เหงามโนคะนิงฮ่ำ
    คิดฮอดนำดวงดอกฟ้า มาลาร้างห่างหาย
    ปล่อยสายใจผู้เป็นอ้าย ชายชาวนาครวญหาอุ่น
    นวลละมุนจูนพูนแก้ม ชายแนมเอิ้นให้อวยคืน..แน่เด้อ


    มาเอิ้นซอยซือๆดอก ย้านผุสาวบ่ได้ยิน

  7. #7
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    อยากมีคนเว้ากับเฮาคำว่า"คิดฮอด"

    อยากมีคนเว้ากับเฮาคำว่า"คิดฮอด"อยากมีคนเว้ากับเฮาคำว่า"คิดฮอด" อาจารย์ คิดฮอดผุลังคน

    ห่างใจบ่ห่างเว้น บ่ว่ายามกลางเวนหรือคืนค่ำ
    ใจนางยังคอยย้ำ คำนึงฮอดแต่พี่ชาย
    ใจยังคิดฮอดอ้าย คือเก่าและดังเดิม
    บ่มีไผ๋มาเสริม เติมใจให้ไหวหวั่น

    แม้แต่ภูเขากั้น ธาราน้ำแบ่งกีดขวาง
    ใจของนางยังแนมทาง อ้ายผู้มานั่งเว้าอ้อน
    ฝากสายลมฝนพัดต้อง บอกเอ่ยเผยความใน
    ฝากหัวใจไปนำฝน อย่าทำหล่นเด้อละอ้าย

    ฝากเบิ่งกาย แหยงคีงเจ้าอย่าดูดายให้ไข้ป่วง
    ฝากเป็นห่วง ผู้ทางบ้าน ให้สุขมั่นและส่วงคีง
    อย่าไหวติงตามลมต้อง ใจเฮาสองยังเคียงคู่
    เว้ามาดู๋ว่าคิดฮอด และคิดฮอด แต่นางน้อย แต่ผู้เดียว...

    อยากมีคนเว้ากับเฮาคำว่า"คิดฮอด"อยากมีคนเว้ากับเฮาคำว่า"คิดฮอด" แจมนำแหน่จ้า อาจารย์ อิอิ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •