กำลังแสดงผล 1 ถึง 10 จากทั้งหมด 10

ขอแค่เป็นเพื่อน

  1. #1

    ขอแค่เป็นเพื่อน

    จากที่อุกอั่งเอ่า แสนโศกมะโนใน

    วันที่สายใจทุกข์ อั่งฤทัยฝันเพ้อ

    คืนละเมอถึงเจ้า ดวงใจบ่ใสแจ่ม

    วันเดือนแรมห่างซ้อน นอนให้ห่วงหา

    อักษรามาต้าน ฝากเป็นสาส์นนำส่ง

    จากอนงค์ส่งข่าวข้อ ขอลาล้างห่างพระทัย

    ขอลาไลืมแล้ว บ่ขอแจวแปวหม่องเก่า

    มีเพียงคำจาเว้า ฉันเพื่อนมิตรสหาย

    บุญบ่หลายบ่ได้ค้อง ได้มาครองเคียงคู่

    ชู้แต่แถนแนนแต่ฟ้า บ่กวมมาเป็นคู่กัน

    ให้ฮักกันฉันท์พี่น้อง ตามครรลองบ่เป็นอื่น

    ขอยืนยันเพียงคำนี้ สองเฮานี้คือหมู่กัน นั้นแหล่ว
    แก้ไขครั้งสุดท้ายโดย ข้าวต้มมัด; 21-09-2011 at 13:01.

  2. #2
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1

    คลายเครียด555

    คาดแต่แถนแนนแต่ฟ้าเผิ่นปุณมาปั้นแต่ง
    ฮักปานแตงแพงปานเต้าได้เต่าบ่ลืมหมา
    เฮาเกิดมาต่างกันส่ำสวรรค์บ่เห็นพร้อม
    กะสิยอมทนซ้ำตามกรรมสนาวาส(วาสนา)
    ขอบังอาจเป็นเพื่อนในเฮือนเว้าอ่อมอ่อม
    ฮักถนอมแบบคิดฮอดแต่กอดได้กะบ่เถิง
    หวานเลิงเลิงของอ้ายหนิเอ่ย....5555
    คลายเครียด555:,1-:,1-:,1-คลายเครียด555

  3. #3
    เจ้าหน้าที่ประชาสัมพันธ์
    ช่างภาพอิสระ
    สัญลักษณ์ของ ฅนภูค่าว
    วันที่สมัคร
    Feb 2010
    ที่อยู่
    นครโคราช บ้านเกิดกาฬสินธุ์
    กระทู้
    1,368
    ขอบคุณที่เป็นเพื่อนกัน


    ลิขสิทธิ์บน YouTube Credit By : https://www.youtube.com/watch?v=YSpWec5EIAU


    ขอบคุณที่เป็นเพื่อนกัน

    ศิลปิน พลอย คำร้อง สุรักษ์ สุขเสวี
    อัลบั้ม พลอย เด็กหญิงข้างหน้าต่าง ทำนอง พนเทพ สุวรรณะบุณย์
    เรียบเรียง วุฒิไกร อิ่มเจริญ

  4. #4
    เพื่อน..มิตรภาพที่ยั่งยืน อิอิ.."ผมบ่มีให้ตื่มซร้อง พี่น้องบ่มีให้ตื่มเสี่ยว"

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ขอเป็นหมู่ยามใจเศร้า ยามหงอยเหงาได้เว้าต่อ
    ขอเป็น พ เป็นเพื่อน นำเจ้าได้บอน้อ
    ว่าอยากขอนำเจ้า มาเป็นหมู่ที่ฮู้ใจ
    คงบอหลายเกินไป สิให้เฮาได้บ๊อเพื่อน ได้บอขอเจ้าได้บอ อิอิอิอิ มาเป็นเพื่อนได้เลย
    มาแจมนำลูกข้าต้มมัดจ้า

  6. #6
    ร่วมถ่ายทอดความรู้สู่สังคม สัญลักษณ์ของ ปั้ม อาภัพ
    วันที่สมัคร
    May 2010
    กระทู้
    373
    ขอเป่นเสี่ยว สิได้บ่ 555 เสี่ยวกับหมู่นี่ มันคือกันยุบ่พี่น้อง ซอยตอบแนเด้อ

  7. #7
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    พบปะพูดคุย

    :l- จักเด้อจ้าอ้ายปั้ม ระหว่างหมู่ กับเสี่ยวมันต่างกันหม่องได๋

    โดยส่วนโตน้องกะคึดว่าบ่ต่างกัน เพราะคำว่าหมู่เพื่อน สำหรับน้องแล้วถึงไหนถึงกันใจเต็มร้อย สุข ทุกข์รับรู้นำกัน ส่อยเหลือเกื้อยกูนกันได้ตลอด แต่คำว่าเสี่ยว พ่อแม่เผิ่นบอกว่า สมัยก่อน เป็นเสี่ยวกันกะคือตายแทนกันได้ เป็นหมู่ที่ฮักแฮง มีหยังที่คล้ายๆกัน จั่งผูกแขนให้เป็นเสี่ยว แต่สุมื้อนี้ บ่ค่อยเห็นจ้า เห็นแต่เสี่ยวในวงเหล้า :b-b อิอิ :l-:l-

  8. #8
    ขอขอบคุณทุกเสียงทุกสายทุกกำลังใจจ้า บ่ว่าสิเป็นคุณลุงทั้งสองเนาะ อิอิ
    คุณแม่ป้าลำซิ่ง เพื่อนชายที่น่ารักอีกสองคนคือ พลายแก้วและปั้ม อาภัพ
    น้องนู๋น้อย ทีได้ให้ความหมายได้ตรงจ้า ข้าวต้มมัดกะว่าคือกันหล่ะ เห่อๆๆ

  9. #9
    เข้ามาอ่านยามได๋กะม่วนคือเก่าน้อคับเอื้อย

  10. #10
    น้องหล่าเอ้ย แม่นเป็นแฟนบ่ได้ กะให้มาเป็นหมู่สา ย้อนได้มาพบพาล สมานใจฮู้จักเจ้า
    อ้ายขอเอาใจฮ้าง ๆ ที่เส้นทางใจถืกปิด เปลี่ยนความคิดอยากเป็นแฟน แทนด้วยคำว่าเป็นเพื่อน เอามาเตือนเจ้าของไว้ บาดยามใจคิดสิล่วง ควงความเหงาแทนเจ้า ซามได้เข้าดอกทีนอน ดอกว้า..