...มื่อวานหลานปิดเทอมลงมายาม คุณยายจากสกลนครเพิ่นฝากแนวมาให้กิน..หลายอย่างครับ..มีหน่อไม้ส่างไพสด หมกปลาซิว อ๋อมันปู เห็ดละโงก แล้วกะข้าวเม่า...บางอย่างเพิ่นกะเฮ็ดสุกมาแล้ว คือหมกปลาซิวและอ๋อมันปู..ได้ของมาแล้วกะจัดการ...มื่อนี่สิแกงเห็ดละโงกกับตำแจ่วเห็ด...แม่นแนวจ่าเหลืองปานหยัง..เพิ่นว่าวันศุกร์บ่ต้องเอิ้นผมเด้ออ้าย..ผมสิมาเองดอกพะนะ...
..หมกปลาซิว..นี่กะฝีมือคุณยายเพิ่นเฮ็ดสุกมาแล้ว มาอุ่นเอา...
..นี่คือ..อ๋อมันปู..คุณยายเพิ่นเฮ็ดสุกมาจากบ้านแล้ว..แค่อุ่นกะแซบ..
...จ่าเหลืองมาจากขูดหินปูนซวนดาบนพมานำเพิ่นพวมสิซื้อลาบไปกินพอดีเลยเอามาตื่มกัน..ว่าที่หมวดเหลียงกินแล้วห่อข้าวเม่ากลับบ้านพร้อม..เพิ่นว่าข้าวเม่ามันบำรุงแข่วตั๊วอ้าย..กินแล้วแข่วมั่นคง บ่ต้องไปรักษาโรค ..ฟันฆวย...55
Bookmarks