หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 27

หัวข้อ: มาเด้อไปหาปลาใส่บุญ

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา มาเด้อไปหาปลาใส่บุญ

    แดดแฮงแฮงตาเว็นคล้าย บ่ายบ่ายระอุอวล
    เลยเล่าซวนสหายฮัก ไปเบิ่งแงง นาข้าว
    เดียวนี้กลายเดือนเก้า ผะดับดิน พวมผ่าน
    อีกจักหน่อยบ่นาน บุญข้าวสากจ้อจั้น เดือนสิบมื้อจวบเพ็ง
    เล็งใส่นาท่งห้วย หม่องเคยหา ดักลอบ
    น้ำไหลหลี่ล้นต้อน ยอสะดุ้ง ใส่ไซ
    เสียบคันเบ็ดเอาไว้ ตามขอบ คันแทนา
    ฟังเสียงปลาตะเพียนขาว สวบกิน ใบข้าว
    เบิ่งปลาโดปลาค้าว สะยานตน สวบไล่
    ซุมหมู่ซิวกุ้งน้อย สะยานย้าน สั่นสาย
    สหายเอ้ย...ให้โตยายคันเบ็ดไว้ เฮาสิเสียบนำหลัง เด้อ
    เบิ่งทำเลให้มันเหมาะ จั่งสิหมาน บาดยามล่อ
    พอให้มีแนวได้ เอาเมือเฮือน ต้อนอีแม่
    พอให้เพิ่นได้แผ่ เอียบเกลือไว้ตากแห้ง ก่อนเถิงมื้อ สิแต่งทาน
    บ่ทันนานเสียงน้ำ ฟองกระจาย ดังซวดซาด
    ป้าดถีโธปลาค่อโหล่ มันดิ้น แกว่งไกว
    ต้นข้าวกวยนวยเนิ้ง เบิ่งเอาตี้ มันลากแก่
    คันเบ็ดอ่อนแตแซ ฟ้าวไปเอาแมะเพื่อน มันสิหลูด เลิ่งหนี เด้
    ยามหลายทีเลาะหลายครั้ง ย่างไปมา กะเลยเมื่อย
    ขอแวะเซาพักยั้ง เถียงนาน้อย บ่อนเดิม
    เงยเบิ่งฟ้ากะเริ่ม ตั้งเหง้า เงาทะมึน
    ฝนสิรินเททก ดั่งวสันต์ โดยด้าม
    ต้นข้าวงามรอคอยท่า สาวนา มาเก็บเกี่ยว
    อ้ายรอน้องมาจับเคียว เกี่ยวข้าวฮ่วมบักอ้าย อย่าลืมถิ่ม ถิ่นอีสานเด้อ หล่าเอ้ย
    มาเด้อไปหาปลาใส่บุญมาเด้อไปหาปลาใส่บุญมาเด้อไปหาปลาใส่บุญ
    แก้ไขครั้งสุดท้ายโดย หนุ่มหน้าลาว; 10-09-2011 at 19:30.

  2. #2
    Banned

    วันที่สมัคร
    Oct 2010
    กระทู้
    757
    บล็อก
    4
    ตั้งใจอ่านผญาแล้วซิรู้สึกม่วนดีเน๊าะ แต่ละคนก็มีลีลาในการแต่งแตกต่างกัน ขอบคุณเด้อจ้า

  3. #3
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    คือบ่อชวนผู้สาวไปใส่เบ็ดนําละมื้อนี้ ใส่เหยื่อเบ็ดใว้แล้วขึ้นมานั่งคุยกันกับผู้สาวอยู่เทิงเถียงค่อยลงไปยามเบ็ดก็ได้ดอก อิอิ
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  4. #4
    ศึกษาหาความรู้
    วันที่สมัคร
    May 2010
    กระทู้
    23
    ซวนแต่สหายฮัก ไปหาปลานั่นบ้อ คือบ่อซวนผุสาวไปนำแหน่ หรือว่ามันบ่อมีแล้วผุสาว เขาป๋าเมิ่ดล่ะติ่ จั่งได้ซวนสหายรักพะนะ

  5. #5
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    ตอบอ้ายเซียงน้อย

    แนวหน้าลาวคนขี้ดื้อ มือกะไว ใจกะง่ายอ้ายเซียงเอ้ย
    ว่าแต่ไผมาย่างใกล้ ซาวซ่วนใส่เขา โลดยังว่า 555
    ทรงบ่คือทางสิพ้อ สาวงามมาเป็นคู่ดอกตี้
    พออยากซื้อฮอดม้า กับปืนพร้อมไปไล่ยิง พุ้นล่ะ
    ผู้ญิงดีเพิ่นอยู่บ้าน บ่ออกเที่ยวมาหาดอก อ้ายเอ้ย
    รักษาตนรักษาโต อยู่ในเฮือนเหย้า
    สิซวนเขาไปหาเล่น นำท่งนานั้นกะยาก
    พ่อเพิ่นเห็น แม่เพิ่นพ้อ ลากคอเข้าใส่ตาราง
    ว่าสิซวนนางคราญน้อย ผู้คันหูในYou tube
    ไปร้องเพลงกล่อมทุ่ง ซมเล่นเบิ่งจันทร์
    เพิ่นกะหันหลังให้ ไฟบ่มีวืบวาบ พะนะว่า
    สู้คันหูอยู่ห้อง นำซุมอ้าย อยู่กรุง บ่ได้ดอก พะน้า ฮ่าฮ่าฮ่า ฮิ้วๆๆๆๆๆๆ
    ตอบอ้ายเซียงน้อยตอบอ้ายเซียงน้อยตอบอ้ายเซียงน้อย

  6. #6
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    ฮ่า ฮ่า ฮ่า ผญาเผิ่นอ่านกินอินางน้อยคันหูในยูทูป อิอิ //ฮ่วยหาผุ้สาวไปใส่เบ็ดยากปานนั้นกะลองหาเบิ่งซุมกระเทยเบิ่งเป็นหยัง เอาพวกที่ตัดแล้วเด้อ 555 สิบ่อใ่ส่เบ็ดกบหมานปานหยังติ อิอิ
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  7. #7
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    มาเอานางไปนำแหน่จร้า อ้าย ไปด้วยคน อิอิ

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    เมลของอ้ายเซียงน้อย

    อ้ายเอ้ย คันสิหากระเทยหรื่อ ย้านบ่คือ ปลาสิตื่น
    กบคางลายมันสิย้าน ลางเทื่อพ้อบักเห่าดง มันเดะ
    สินำหาซุมตัดแล้ว แถวบ้านเฮาบ่มีดอก อ้ายเอ้ย
    มันหากซุมอยู่พุ้น พัทยาพร้อม มั่งหลาย
    อันกระเทยไทบ้าน อิสานเฮา ผู้ฮ้ายใหญ่
    หน้ากื้กวื้กกี้กวี้ก อีเจียน้อยกะบ่ปาน
    ไผสิทานลงได้ เหลียวเห็นพออยากฮาก อ้ายเอ้ย
    คันอ้ายสน ข่อยสิฝากมาให้เจ้า รับเอาเด้ออยู่กล่องเมล 5555 ฮิ้วๆๆๆๆๆ
    เมลของอ้ายเซียงน้อยเมลของอ้ายเซียงน้อยเมลของอ้ายเซียงน้อย
    อ้ายบ่าวเซียงน้อยรับพัสดุภัณฑ์EMSด่วน ฮ่าฮ่าฮ่า

  9. #9
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430
    สิไปนำไผน้อหญ้านาง นำอ้ายเซียงหรือสิไปนำหน้าลาว 555555

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    อยากไปหาจับปลานำยุดอกจ้า เว้าม่วนปานนี่ จับได้แล้วสิเอาไปเฮ็ดหยังดีเอาไปใส่บาทเฮ็ดบุญเนาะ



    ไปสาอ้าย หม่องหัวฝายมีปลากข่อ ให้ไปเลาะหย่างเบิงแม๊ะ
    ปลาหลายแท้คักอีหลี ห้วยหัวนาตั้งแต่กี้
    มีหมู่ปลาตั้งหลายอย่าง ให้ระวังฮอดยามนี่
    สิหนีน้ำขึ้นบอทัน เด๊ อยากไปนำคาขี้คร้าน
    เอามาปั๋นจั๊กโตแน คั่นได้หลายอีหลีแท้
    เอามาให้น้องแนเด๋อ

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •