สวัสดีพี่น้องชาวบ้านมหาดอทคอมทุกท่านจ้า
กระทู้นี้สิเอิ้นว่ากระทู้ดองเค็มกะได้เนาะ
ย้อนว่าได้ป่นเห็ดไคตะสองอาทิตย์ก่อนที่สิเมือเมืออุดรฯจ้า
คึดพ้อตอนเห็นแกงเห็ดระโงกอ้ายบ่าวยางตลาด อิอิ
เป็นลาภปากหลายๆ อยู่มาหลายปี บ่คึดว่าเกาะสมุยสิมีเห็ดไค
หลังจากที่ก่อนหน้านั้นได้กินป่นเห็ดปลวกตาบไปแล้ว
ถือว่าเป็นปีทองกะว่าได้ เพราะปีนี้ได้กินหลายแนวอยู่ เริ่มตะต้นปีกะได้กินอ่อมอิกะปูจากดีเจนู๋น้อย
แกงเห็ดเผาะ แกงผักหวาน แจ่วแมงดา หลายๆอย่างหลายแนว
นี่ล่ะเพิ่นว่าแฮกดี อิหยังกะดี อิอิ
มาเบิ่งหน้าตาของเห็ดไค ณ เกาะสมุยจ้าพี่น้อง
เพิ่นว่าจี่เห็ดไคแล้วเอามาตำแจ่ว เบิดเมืองทางแซบพานะ
ขามป้อมกะเคยกินแต่จี่เห็ดปลวกตาบนั่นแหล่ว
ต้องลองว่าสิแซบอิหลีบ่
ได้แนวกินแซบๆ บ้านเฮาแบบนี้
กะสิกินตะเจ้าของกะจั่งได๋อยู่
ต้องรวมพลคนทะเลใต้นำกันค่อยจิแม่น
บ่ซั่น อาจสิถึกป้อยนำก้นได้ ว่าอักอยู่อักกิน
คันแม่นแจ้งไปแล้ว มาบ่ได้ กะค่อยว่ากัน
แต่มีหรือ นายห้างสิพลาด
แล้วหนุ่มๆกะพากันขึ้นเขาไปหาเห็ดมาตื่มกัน พอได้หน่อไม้กะสิเอามานำเพิ่นว่า
แม่นหยังคือพากันไปเลาะแถวๆ สวนทุเรียนเพิ่นน้อบาดนี้
สองหนุ่มเพิ่นว่าเอามาฝากแม่ป้านวล
เพื่อยืนยันว่า สมุยกะมีบักทุเรียนอิหลีเด้ บ่แม่นมีแต่ต้นพร้าว
แต่ว่าแซบหรือบ่แซบต้องให้แม่ป้านวลมายืนยันอีกเทื่อหนึ่งจ้า
มีฮอดไทบ้านเฮาไปแหย่ไข่มดแดง
ป้าด คนอีสานเฮาไปอยู่ไสกะหาอยู่หากินดีตะหน่าย
ยามนี้เกาะหมุยมีไข่มดแดงพานะ บ้านเฮาดับแนวแล้วได๋ยามฝนแบบนี้
ในเมื่อบ่ได้หยังมาตึ่มกันกะจนใจเนาะจ้า
คันสิป่นแต่เห็ดกะย้านบ่อิ่มกัน
ย้อนว่าเชฟกับสมุยบอยสิตามมาสมทบอยู่
กะเลยได้ย่างปลาทูตำใส่กันนำตื่มๆ กันไปจ้า
ไปซอกพ้อปลาหมึกสองพันปี จากช่องฟรีซตู้เย็นเชฟ
เพิ่นเอามาไว้ให้หลังจากพี่น้องเมือแล้ว หาก่อสิได้ฤกษ์จัดการ
ว่ามื้อได๋หมู่มาค่อยจิดังไฟจี่ กินพร้อมหน้าพร้อมตากันมันค่อยแซบ
า
และเพื่อเป็นการตัดกำลังคู่ต่อสู้ไปในโต
กะเลยต้องต้มข้าวเปียกไว้อีกหม้อหนึ่ง
ให้พากันกินถ่าในระหว่างเฮ็ดแนวกินแล้ว
ไผอิ่มก่อนกะถือว่าสละสิทธิ์ป่นเห็ด อิอิ
แต่ปรากฎว่ามีผู้หลงกลแค่เชฟผู้เดียว นอกนั้นเพิ่นฮู้ทัน
Bookmarks