กำลังแสดงผล 1 ถึง 10 จากทั้งหมด 10

................... มืดแล้วเด้อ..........................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ................... มืดแล้วเด้อ..........................

    ดึงตะเว็น เข็นแผ่นฟ้า ยกจันทราเอาแสงส่อง...............โปรยดาวกองกลื่นฟ้า ให้ฮุ่งจ้าระยับแสง
    ขอเอาแฮงวายุฮ้าย โบก ระบายสายลมผ่าน................พัดหยดน้ำจากสายธาร หว่านเป็นหมอกเกลื่อนแผ่นหล้า พรมต้นหญ้าทั่วแผ่นดิน
    ฮ้องโผผิน บินโบยโบก คือหมู่นกสกุนา........................ชวนกันกลับสู่เคหา บอกปูปลา ธารา น้ำ
    มาลางาม ตามคันห้วย ออกดอกสวย ดูสง่า.................หลบภมรซ่อนตา นำพฤษาแมกไม้ วายุไล้กลิ่นระเหย
    หอมรำเพยดอกคัดเค้า หอมบ่เซาดอกสะมั่ง.................ราตรีมิดค่อยปิดบัง แสงที่ยังส่องใต้ ไฟหิ่งห้อยปล่อยตะเกียง
    เสียงจิ้งหรีด จิโป่มน้อย คอยบรรเลงเพลงกล่อมป่า........เสียงนกฮูกแว่วมา บอกเวลาว่าค่ำค้อย เดือนดาวน้อย ค่อยส่องแสง
    เหลือใจแฮงคันเป็นได้ คือจั่งใจอ้ายฝันว่า......................อยากขอหยิบดวงดารา พาดวงดาวใหญ่น้อย คอยป้อนไว้ไส่มือเธอ (เพิ่มให้ตามคำขอ)


  2. #2

    Re: ................... มืดแล้วเด้อ..........................

    ถึงเวลายามเย็นเห็นความมืด เข้ามายึดความสว่างให้จางหาย
    แสงดวงน้อยริบหรี่ที่กระจาย ส่องแสงให้ท้องฟ้ายามราตรี

    แม้แสงเพียงน้อยนิดที่ติดฟ้า ก็อาจส่องลงมาหาพื้นนี้
    พอมองเห็นรางรางกลางราตรี ช่วยส่องชี้นำทางกลางทะเล



  3. #3
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ................... มืดแล้วเด้อ..........................

    แม่นฝนสิไกลฟ้า... ปลาสิไกลน้ำ... สิได้ห่างลาไกล
    ฝากไว่นำใจแน่เด้อชาย..... อย่าสิไลลืมน้อง
    ใจหมอง ๆ ....เป็นเศร้า ๆ ....ยามตะเว่นสิไกลจาก
    คือจั่งอ้าย ...พรากน้อง..... ไปแล้วบ่ต้าวมา
    ...อยากเอากายา.. แนบไว้... กอดร่างแทนหัวใจ
    บอกกับอ้าย... อย่าได้ห่วง ..มอบดวงใจให้อ้ายแล้ว
    สิสับเล่นกะส่างตาม ..เด้อ ละชายยย เอ๋ยยย ละนา
    ( ฮ่าๆๆๆ ไก่น้อย เริ่มป่วงดึกมาแล้ว แมวขัน หมากะโต๊ก พี่น้องเอ้ย )

  4. #4

    Re: ................... มืดแล้วเด้อ..........................

    เฮ็ดจังได๋น้อ สิเว่าผญาเป็นคือเพิน สาวไก่กับบ่าวโจ่โล่อ้ายทิด บ่เป็นกะสิให่คะแนนทอนั่นหล่ะมาคึดยากหลายเจ้าหนิแหม(ใกล้แล้ว เว่ากับเจ้าของกะเป็น) เอาไปพุละแต้มเด้อครับ

  5. #5
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ................... มืดแล้วเด้อ..........................

    ขอบคุณเด้อ บ่าวภูไท_พรรณา ส่งมอบคืนไป 1แต้ม ไก่น้อยกะถูๆไถๆไปเรื่อยแต่งบ่ม่วนคือเพิ่นดอก...อาศัยเนียนๆไปสั่นหละ..มาหัดเว่านำกันเด้อ มูลมังอิสานเฮาตั้ว ..

  6. #6

    Re: ................... มืดแล้วเด้อ..........................

    ขอบคุณคื่อกันเด้อสาวไก่ ข่อยเว่าลาวอิสานบ่เก่งปานได๋กะเลยผญาบ่ออก (ข่อยเป็นภูไท) แตวากะสิหัดลองเบิงยูดอกสิลองเขียนใส่กระดาษเบิงก่อนเด้อ

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ................... มืดแล้วเด้อ..........................

    @ ศรีสะท้าน ต้านกล่าวกลอนผญา จาคำควรม่วนแถลงแปลงเว้า
    อุกมะโนเศร่าเหงาในใจบ่อส่วง คึดฮอดดวงยอดส่อยคีค้อยฮ่ำเถิง
    ศรีนั่งทอดทะเนิ้งเลิงคึดคำขาน จนฮอดราตรีกาลค่ำคืนฝืนโอ้
    โสกะจิตใจจ้อเฮาหนอสังเป็นต่าง หัวใจมาแผ่ม้างมายเมี้ยนเคี่ยนหนี
    อันว่าความมักนี้มันสุดที่ทรมาน มันหากมาเผาผลาญจุ่มใจคือไฟฮ้อน
    นอนคะนิงโอ้โอนอแสนลำบาก ยากนำคึดฮอดเจ้า ผู้เนาห้องห่างไกล...แท้แหลว ฯฯฯ

  8. #8
    099134463
    Guest

    Re: ................... มืดแล้วเด้อ..........................

    อิอิ

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    Re: ................... มืดแล้วเด้อ..........................

    @ ศรีสะท้าน ออกมาอ่านกลอนผญา เดิกๆมาค่ำคืนคีค้อย
    คึดเห็นเด้ศรีส่อย สอยวอยผู้ตาตีบ อ้ายพ่องฮีบฟั่งฟ้าว ทังจ้าวแล่นมา
    อยากมาเห็นวงหน่า สายตาอันฮิมฮี่ เป็นจังได๋หล่ะคนดี อ้ายศรีมาฮอดบ้าน ให้มาต้านต่อผญา...เบิ่งดู๋ อิ อิ อิ

  10. #10
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ................... มืดแล้วเด้อ..........................

    โอ่น้ออ้ายศรีเอ้ย .....เป็นจั่งได่น่ออ้ายชายงามสามบ้านส่า เมิงเพิ่นนั่งอ้าซ่าขาส่งกะพ่องยาน
    มาคือหวานแทะน่อผญาเจ้าหลงมักไผบอกน้องแน่ สิให้พ่อแม่เจ้า...เตรียมตั้งต่อค่าดอง
    มองสาวได่แน่หละอ้าย นางงาม (อิ อิ ) อยากถามข่าว มักผุสาวหรือว่ามักผุเฒ่า ให้จาเว่ามาเมิงดู่.... ศรีเอ้ย... (คิ คิ อ้ายในใจ)