เมื่อโลกาวิปลาส ธรรมชาติกะแปรเปลี่ยน
วายุเวียนทางภาคพื้น ถมทื้นกระหน่ำฝน
กระแสชลถาบท่วม กุมกวมผืนทวีป
ทั่วทุกทีบต่างเดือดฮ้อน อุทกท้อนโถมทั่งเท
เหล่าคาเมเมืองบ้าน หลายสถานจมจุ่ม
มรสุมซัดสาดต้อง น้ำนองเอ่ออั่งพะลาน
ธัญญาหารพวมอ้วน เขียวนวลมานอ่อน
ต้องมามรณ์มอดม้วย จมด้วยแผ่นนที
พลิกวิถีชีวิตเศร้า ให้ชาวนาน้ำตาหลั่ง
ได้แค่นั่งแนมเบิ่งฟ้า น้ำตาย้อยหย่าวริน
ข้าวเคยกินขายใช้ ทุนกำไรมาหายจาก
น้ำมามากเกินแก้ ซงสิแย่กว่าเดิม
น้ำตาไหลลงไปเพิ่ม แซมเสริมความเติมตื่ม
ฟ้าฝนครึ้มคนใจท้อ รอเพียงมื้อสิส่างซา…..
Bookmarks