กำลังแสดงผล 1 ถึง 10 จากทั้งหมด 10

ข้าวตั้งท้องน้องตั้งครรภ์

  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    กระพริบตา ข้าวตั้งท้องน้องตั้งครรภ์

    เสร็จจากนา ออกจากบ้าน หนีนา ไลถิ่น
    ลาแดนดินถิ่นเค้า อีสานบ้าน บ่อนเนา
    ความตั้งใจ ตั้งแต่เค้า หวังคว้าซ่าว หาเงิน
    สัญญากับคนฮัก ว่าสิไป ขอหมั้น
    ค่อยเจอกันเด้อหล่า ออกพรรษา สิกลับต่าว
    น้องอย่าฟ้าว มีใหม่ซ้อน ให้รออ้าย สิต่าวมา
    ทำงานแสนเมื่อยล้า บ่มีหล่า ถดถอย
    กำลังใจคือนาง บ่ห่างหาย จากใจอ้าย
    มีเงินพอเพียงได้ แหวนทอง มาสวมสอด
    สวมนิ้วมือให้น้อง เป็นของหมั้น มัดใจ
    ชีวิตนี้หวังได้ เนื้ออุ่น มาเฝือแฝง
    สู้เหมิดแฮง ทั้งชีวิต เผื่อให้มี เพียงน้อง
    หวังสิครองใจมั่น ฮักนำกัน ฮอดเฒ่าแก่
    สัญญาไว้คักแท้ บ่แปรม้าง ห่างกัน
    อีกบ่จักกี่วัน อ้ายสิโงคืนบ้าน อีสานเดิม หม่องเก่า
    ไปเล่าพงศ์พี่น้อง เตรียมงานหมั้น หม่อมพระนาง
    เตรียมไปวางของหมั้น เทิงขันพลู ขันหมาก
    เอาไปฝากแม่เจ้า ตามพื้น ฮีตครอง
    มื้อนี้ลมล่วงต้อง ปลายไผ่ หวิวเอน
    เบนไปตามสายลม แกว่งกวย นวยเนิ้ง
    เบิ่งไปมา ซ่างมาคือใจน้อง โอนเอน บ่มั่นเที่ยง แท้น้อ
    เอียงไปได้ทุกด้าน บ่หนักแน่น ยืนคง
    ฟังเสียงฟ้าฮ้องโป้ง ก้ำฝ่าย ทางอีสาน
    ดังผสานเสียงลือ ข่าวคราว มาเถิงอ้าย
    เจ้ามีชาย มาซ้อน นอนนำ เป็นคนใหม่
    จนว่าท้องเจ้าใหญ่ จนว่าพุงเจ้าโย้ โอน้ออ้าย อยากท่าวตาย เด้น้อ
    ญิงที่หมายเพิ่นมาฮ้าง ปล่อยอ้ายเดินตามทาง มันแสนว่าง โดดเดี่ยว
    ต้นข้าวเขียวพวมแก่ท้อง นางน้องกะแก่ครรภ์
    เป็นเพียงฝัน ความหวังอ้าย มันมลาย ม้วยมอด
    จอดบ่แจวแล้วบักอ้าย อยากตายถิ่ม ให้ส่วงใจ
    แสนสิฮ้องฮ่ำไห้ แล้วไผหน่อ สิสงสาร
    จบตำนาน แล้วความฮัก ขอพักพอ เพียงนี้
    จบกันทีฮักแสนเศร้า สองคนเฮา บ่มีได้ เคียงคู่
    อาศัยธรรมเพิ่นญาคู บ่มหัวใจอันเศร้าเศร้า ขอเซาเว้า เรื่องผู้ญิง หมู่เอ้ย
    ข้าวตั้งท้องน้องตั้งครรภ์ข้าวตั้งท้องน้องตั้งครรภ์ข้าวตั้งท้องน้องตั้งครรภ์

  2. #2
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    กระทู้นี่กะคือสิประมาณ...หนุ่มนาจากฟอแอนแฟนไปเฮ็ดงานแม่นบ่ครับ..>>ออกพรรษากะสิโงคืนเมือบ้านแต่ผัดเห็นภาพที่บ่เคยคิดไว้ว่าสิได้เห็นเลยเปรียบเทียบ..บอกได้คำเดียวว่าเป็นตาหลีโตนอีหลีอิอิอิ....

  3. #3
    ตะเหลือโตนแท้น้ออ้าย....ซึ้งเนาะ .....ผุสาวเอาผัวจ้อย อุตส่าห์สิมาดอง กะดองฮ้างซ้ำ อย่าไห้อ้าย นางยังยุ อิอิ

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    อ้ายเอ้ย ถ่าบอไหวแล้วหล่ะอ้าย แนวเจ้าไปบอส่งข่าว
    ฮอดบอต่าวมาบ้าน สารน้อยกะบอเห็น
    หายไปเป็นปีแล้ว อั่น จ ม กะบอส่งข่าว น้อ
    จ๋ามาขอเว้าไว้แล้ว บอเห็นเจ้าว่าจังได๋
    ออกพรรษาบอมีอ้าย รถบัสกายบอเห็นพี่
    ข้าวอยู่นาใบเขียวบี้ พวมมารท้องป่องครร
    ส่วนว่านางน้องนั่น บอทันมารคืออ้ายว่า ดอกเด้อ
    ออกพรรษานี่บอแน่ เป็นไปได้สิแต่งดอง ก่อนดอกอ้ายเอ้ย
    อิอิอิอิ มาแจมนำหลานหนุ่มหน้าลาวจ้า
    แก้ไขครั้งสุดท้ายโดย chudhancock; 05-10-2011 at 05:43.

  5. #5
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449
    หญ้านางเอ้ย ตกกะเทิน ว่าได้ตกบ่อนฮ้าง โสเพให้ซ้ำตื่ม สาเปี๋ยงหล่า
    ให้มันมุ่นอุ้ยปุ้ย ปานสีข้าว เอาแต่ฮำ สาเปี๋ยงหือ
    แนวว่ากรรมของอ้าย ติดตามมา แต่ชาติก่อน หล่าเอ้ย
    บุญบ่คาดเป็นคู่ซ้อน กะจำฮ้าง ให้ห่างลา
    แม่นสิฮักท่อฟ้า กว้างกว่า แผ่นดินเดิน
    เกินสมุทรนทีธาร บ่อาจหาญ สิดึงเกี้ยว
    บ่ได้เทียวทางร่วม บ่ได้คลุมผ้านวม กับนางน้อง เคียงคู่
    กะขอเป็นแค่ซู้ ขอหมายซาติ ว่าฮักคน
    ได้แต่เหลียวนำส้น ให้ไปดี เด้อแฟนพี่
    ให้มั่งมีเลิศล้ำ เกินก้ำ กว่าผุได๋
    คนจนจนคืออ้าย ขอเพียงหมาย ได้ฮักอุ่น กะเอาดอก
    บุญโตมีส่ำนี้ กะพอแล้ว บ่อยากฝืน หล่าเอ้ย

  6. #6
    ศึกษาหาความรู้ สัญลักษณ์ของ toyota1001
    วันที่สมัคร
    Feb 2010
    ที่อยู่
    นกขมิ้น ถิ่นพลาญชัย
    กระทู้
    61
    เป็นตาหลีโตนแท้น้อ หาใหม่เถาะบ่จักอึดอิอิอิ

  7. #7
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918
    หาผุใหม่ ผุเพิ่นดํานาเกี่ยวเข่าเก่งเด้อๆ อิแม่เฮาสิได่ลูกใภ้เฮ๊ดเวียกเก่งลาวสิได่มีหน้ามีตานําเพิ่น

  8. #8
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    อ้ายยังท่าเจ้าอยู่เด้อหล่า...

    ฟังเสียงกลองเพลตึ้ง วันเพ็ญ สิบห้าค่ำ
    คำสัญญาที่เจ้าเว้า ยังจำแม่น บ่หลง
    น้องจาว่าสิโค้ง โงอ่วย คืนกลับ
    ออกพรรษาบ่เคยลืม สิอ่วยเมือ คืนบ้าน
    ปานนี้ยังบ่เห็นหน้า ทั้งอาวอา ท่าน้องอยู่ เด้อคำ
    ซู้ผู้เคยเว้าเกี้ยว ยังคอยท่า ผ่อแต่ทาง หล่าเอ้ย

  9. #9
    ศึกษาหาความรู้ สัญลักษณ์ของ เขย ตระการ
    วันที่สมัคร
    May 2012
    ที่อยู่
    Chachoengsao
    กระทู้
    203
    ผมกะถ่าออกพรรษาคือกันล่ะกับอ้ายแต่อ้ายถ่าผู้สาวโงคืนบ้าน..
    ส่วนผมกะถ่า :b-b ซั่นดอกวา...555 สู้ๆ เด้อครับ

  10. #10
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    สั่นแหล่วให้ถ่าโดนหลาย...........น้องกะถ่าบ่ไหวล่ะอ้ายเอ้ยยยย