กำลังแสดงผล 1 ถึง 2 จากทั้งหมด 2

หัวข้อ: พร้อมเสมอ..ถ้าเธอต้องการ

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    พร้อมเสมอ..ถ้าเธอต้องการ

    อ้ายบ่แม่นดอกเด้อน้อง บ่แม่นหม่องสิมาพัก
    ยามอกหักหัวใจเจ็บ บ่แม่นยาแก้อักเสบปัวความช้ำ
    แต่หากทำใจบ่ได้ เมื่อคนไคน้ำตาหล่น
    คิดลิโตนแท้น้อเจ้า โอย..อยากไปเว้าเฝ้าปลอบโยน เด้น้อ
    อิหลีบ้อน้อน้องหล่า ที่น้ำตาเจ้ารินหลั่ง
    รักที่พังภินท์แตกม้าง เพราะทางคะเจ้าบ่ซื่อตรง
    เพิ่นมาโกงเพิ่นมาล่อ เพิ่นสอพลอให้หลงเชื่อ
    เศษรักเหลือความเจ้าชู้ ได้รับรู้บาดเมื่อสาย
    อย่าเสียดายไปเลยเจ้า เสียท่าเขาเซาคึดต่อ
    อย่าไปรอให้เจ็บช้ำ หรือจำไว้ให้ทุกข์ใจ
    เอาน้ำตาที่เจ้าได้ ล้างเขาไปจากใจหม่น
    ความกังวลปะปล่อยฮ้าง เลิกราร้างเรื่องรักลวง
    สรรพปวงสิ่งทางหน้า อ้ายอาสามาเคียงคู่
    ขอมาสู้คู่เคียงน้อง คอยปกป้องเหล่าผองภัย
    ขออาศัยใจรักแท้ คอยเทคแคร์บ่ให้ห่าง
    สิมอบใจถวายนาง คันแม่นทางเจ้าอยากได้
    พร้อมยอมให้..อยู่เสมอ .... ถ้าเธอต้องการ....



    :l-:l-:l-
    แก้ไขครั้งสุดท้ายโดย พลายแก้ว; 05-10-2011 at 07:58.

  2. #2
    Banned

    วันที่สมัคร
    Oct 2010
    กระทู้
    757
    บล็อก
    4
    น้ำตาหย้อยไหลเป็นฮอยทามท่าย คึดพ้อแต่หน่าอ้ายชายผุโก้ยุบ่อเซา
    บ่อแม่นเว้าตั๋วดอกพี่ น้องนี่ทุกข์อิหลี พีชายเพิ่นบ่อจาเว้า ทั่งอุกเอ้าอั่งมโน
    ไปพ้อใหม่มักไปหน้า ปล่อยวางป๋าน้องหล่า คำเคยเว้าเคยจา เพิ่นกะมาลืมซ่ำ
    ทิ่มน้องให่ชอกช้ำ ระกำเศร้าเข่าสุมทรวง ป่วงแต่นำพี่ชาย อยากซิตายเอาฮ้าย

    ขอบคุณหลายเด้ออ้าย พี่ชายพลายแก้ว มาปลอบใจน้องหล่าแล้ว หาแนวมาจาเว้าพอให้น้องลืมความช้ำ บัดนี่กะซิหันหน่าจ้ำ ตามคำพี่ชายวา ซิได้ไลลาลืมความข่มขื่นในคราวนั้น เอาหัวใจมาฝั่นหันหาอ้ายพลายแก้ว (อิอิ) พอเป็นแนวทางแก้ บ่อให่แวใจหาเพิ่น ตกกะเทินแล้วจังซี่ ป่ะเฮาไปกันเถาะพี่
    ไปไสดีน้อพี่...หาหม่องลี่คุยกัน อิอิอิ ....

    แซวเล่นเด้อจ้า อยากแต่งผญาเป็นแต่ แต่งบ่อเป้น อิอิอิอ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •