...ไปพักผ่อนที่ดอนหอยหลอด..กินหอย..งมกุ้ง...

[กำพร้าผีน้อย]

...วันอาทิตย์ที่18 ที่ผ่านมา ช่วงบ่ายๆน้องสาวจากต่างประเทศ..สาวออมน้อย..เพิ่นมายามบ้าน..บ่ายวันเสาร์พากันไปหากินข้าวป่าอยู่บ่อปลาลำกระโดง บางใหญ่..แล้วกะเลยไปยามบ้านดาบนพ (หนุ่มน้อยศรีสะเกษ ) สมาชิกบางท่านกะว่าเฮาน่าสิไปหาเล่นแถวทะเล หม่องใกล้ๆ เดินทางบ่เกิน 2 ชม ฮอดเป้าหมาย..สาวออมน้อยเพิ่นเลยจัดมา..ดอนหอยหลอด...เพิ่นว่าพี่สาวอยู่หม่องหั่น..ถ้าสิไปกะแจ้งให้เพิ่นฮู้สิได้ตระเตรียมเรือและแนวอยากแนวกินไว้ถ่า..เอ้าตามนั้นหละน้อง..แลงๆวันอาทิตย์ค่อยออกเดินทาง..

พี่น้องไปกัน 6 ชิวีต..พาหนะ 2 คัน..ส่วนขะน้อยกะไปกับบ่าวจัย..สังกะลีคือเก่าหละ
ขาดกันบ่ได้..บ่าวอิง เถ้าแก่ไร่บักนัดไปลัดทางอยู่แถวพระราม 2 หน้าห้างโลตัส..

..ช่วงถ่าบ่าวอิงอยู่หน้าโลตัส..สภาพอากาศคือฝนกำลังสิตก



..บ่าวอิง..แล่นหนีฝนมาฮอดพอดี...เดินทางเกือบ 2 ชม.กะฮอดเป้าหมาย



..สาวผู้ฮ้ายกับสาวออมน้อย..มาฮอดหม่องฝนกะเซาตกพอดี..ไคยุเนาะเอาแม่แล้งมานำ..อิอิ



..ไปฮอด..พี่สาว..ญาติพี่น้องของน้องสาวออมน้อยเพิ่นกะหาแนวอยากแนวกินออกมาจัดการให้..มีหอยแครง.หอยเซลล..กุ้ง..ปลาหมึก...สดๆใหม่ๆ ย่างให้กินพร้อมจั่งแม่นคัก..เอ้าๆ จัดมาครับเอื้อย...





ทีมงานย่าวต่อเลย..ย่านเอื้อยเพิ่นง่วงนอน.อยากพักผ่อน.เมนูที่สุดยอดที่สุดของมื้อคือ..หอยเชลลย่าง..เนื้อหวาน หอยกะอวบใหญ่ น้ำจิ้มกะแซบสุดยอดอีหลี...



..มื่อนี่เน้นกินหอยล้วนๆครับ..แนวอื่นแค่ชิมเบิ่ง..อิอิ...



..บ่าวพีหรือพ่อบักเบนซ์เพิ่นว่า..กินปลาหมึกต้องย่างให้แห้งๆ ส่วนกินหอยกะย่างแค่พอสุก บ่ต้องแห้งจั่งแซบพะนะ..



...หอยเชลลโตใหญ่อีหลีครับ..เนื้อกะหวานแซบ ย่างใหม่ๆนี่สุดยอดเลย.....



..บ่าวจัยกับสาวผู้ฮ้าย..กินหอยแล้วเพิ่นพากันคึกสิได้ลงทะเลยามดึก...




..ประมาณ 4 ทุ่มกะย้ายหม่องครับ..เตรียมโตลงเรือหากุ้งหาหอย..

[กำพร้าผีน้อย]

...ออกเรือไปได้คราวนึง..เครื่องดับ..หันไปพร้อมกันโดยบ่ได้นัดหมาย..




...คราวนึงกะติด..ว่าแม่นสิได้ลงยู่แล้ว..





...ส่งสัญญาณว่า..ไปได้ มื่อนี่ฤกษ์ดี ฝนฟ้าเป็นใจ...




..ช่วงที่เรือแล่นออกปากคลองเข้าทะเล..มีปลาเยอะมากๆ กระโดดเข้าเรือกะมี..เป็นปลาคล้ายๆปลารากกล้วย หรือปลาสบธงทางบ้านเฮา..บ่าวจัยมือไวจับมับโลด
โตงามกำลังพอกิน..เอาไปทอดคือสิแซบ...





..ทีมงานพากันทดสอบอุปกรณ์จับกุ้งครับ..หมา..น.. บ่น้อมื่อนี่..





...ลงไปคนแรกครับ..ผีเสื้อสมุทร(บ่าวจัย)..ลงทะเลแล้วเป็นตะย่านตั๊วหละจัย...5555

[กำพร้าผีน้อย]

...ตามด้วยสาวผู้ฮ่าย..และทุกๆคน..ลงไปพร้อมอุปกรณ์จับกุ้ง..

..ส่วน 2หนุ่มนี้กะ ..ยืดอกพกถุง..ถุงไว้ใส่กุ้งยามงมได้พะนะ...55






..ส่วนหนุ่มนี้บ่ไปไกลจากเรือครับ..ถุงบ่ต้องใช้เพราะมีคนซ่อยสร้างภาพ...อิอิ...



...ได้เวลาพอสมควรแล้ว..บ่าวจัยกับทีมงานทุกคนขึ้นมาเอากุ้งออกมานับเบิ่ง
ได้จักโล..โอ้ะจักโต..ไผสิได้หลายกว่ากัน...



..เท่าที่นับได้กะหลายเติบครับ..พอต้มใส่มาม่าพอดีแหมะ..555..ต่อไปห้ามว่าแพงเด้อยามซื้อกุ้ง..




...เบิดสภาพ..ขึ้นจากทะเลดอนหอยหลอดประมาณตี 4กว่าครับ..มาถึงที่พักกะล้างหน้าล้างตา..ลาเอื้อยอ้ายเจ้าของบ้านกลับ กทม.เลยเพราะต้องมาทำงานให้ทัน 8 โมงเช้า..





..ขอบคุณเวบบ้านมหาดอทคอม/ขอบคุณน้องสาวออมน้อยและเอื้อยอ้ายทางแม่กลองที่ต้อนรับขับสู้เป็นอย่างดีครับ..มื่อหน้าสิไปยามใหม่เด้อ..

[พ่อใหญ่คำแสง]

ไปหาหอย คือบ่อซวนข้อยแหน่

[บ่าวจัย]

ฟันบ่ดีติอ้ายดุลย์ เห็นเลียหอยแหมะ555555

ขอบคุณเอื้อย อ้ายหลายๆเด้อครับจักซื่อหยังดอก กัปตันเพิ่นกะดาย เอิ้นกัปตัน(แจ๊คสแปร์โล่)ละกัน5555
มื้อหน้าสิไปยามอีกยุเด้อครับ ออมน้อยเอ้ยเทื่อหน้าชวนอ้ายไปมื้อวันเสาร์เด้อน้อง เกือบตายแสบตาบ่ได้นอนเลย

[ต่วง]

กุ้งกับหอยไผว่ามันหาง่ายครับ หายากคือหยัง

[กะทิสด]

......คึบ่เอิ้นไปนำแน่ๆๆๆๆๆๆๆๆๆๆๆน้อ...มัก......คัก.....จับ...หอยยยยย....อิอิอิ...

[จ่าเหลือง]

ฮ่าๆๆ หอย แบบนี้ต้องใช้ความสามารถหลายกว่าหอย อย่างอื่นเด้อ ผจก ปั้มบางจาก อืม ม่วนๆถึกคีงเผิ่นคักได้เล่นกับหอยกับกุ้ง

[หนุ่มน้อยศรีสะเกษ]

คือสิม่วนคักน้อผู้จัดการ ที่ได้จับหอยนี่ แหมะ 5555

[พล พระยาแล]

ทางนี้บ่ต้องไปทะเลกะมีหอยให้เลียซูมื่อ แบบว่าบ่มีแข่วสิหย่ำนั่นน๊า ได้แต่เลียเอา 555

ขอบคุณน้องออมน้อย, น้องพี ที่ซวนอ้ายโดยบ่ทันได้ตั้งโต

และต้องขออภัยบ่าวอิงที่เลื่อนมื่อนัดออกไป เพราะช่วงนี้คิวบ่ว่างครับ