ลาบเป็ด ต้มเป็ดสูตรร้อยเอ็ดฝีมือท่านนายห้างฯ

[บักขามป้อม]

พ้อกันอีกแล้วจ้าพี่น้องซาวบ้านมหาที่ฮักซู่คนจ้า
เหตุเกิดกะย้อนว่า มื้อวานนี้ ท่านนายห้างฯได้ยินข่าวว่ามีการห่อข้าวต้มเกิดขึ้น
เพิ่นกะเลยมายามจ้า พร้อมกับบอกว่า "มื้อนี้ป๋าสิโชว์ฝีมือลาบเป็ดสูตรร้อยเอ็ดสู่ ผจก.ซิม" พานะ
มีการบอกอีกว่า บ่อยากเปิดเผยโตดอก ย้านพากันกินแล้วหย่าม สิใช้แต่ป๋าเฮ็ดสู่กินว่าซ้านนนนน











ว่าแล้วเพิ่นกะฟ้าวอิหลุกอิหลุ่นเข้าครัวแสดงฝีมือ
งานนี้ต้องเตาถ่านท่อนั้น ค่อยสิได้รสซาติแบบที่ต้องการเผิ่นว่า






คักก่อนั้นมีการลงมือคั่วข้าวคั่ว คั่วพริกเองสดๆ
โดยมีเชฟเป็นลูกมือซ่อยล้างผักไว้ถ่า






ขามป้อมกะว่าแม่นสิรอดโต ซำบายแท้มื้อนี้แมะ
แต่...เชฟเพิ่นเรียกร้องมาสองเมนู
นั่นกะคือข้าวเปียกเส้นกับแกงไก่ใส่บักอื๋อ
พอดีมีไก่บ้านในตู้เย็นกะเลยจัดการให้เพิ่น








เมนูลาบเป็ดของท่านนายห้างฯ กำลังสิได้กิน
หอมฮ่วยๆ พอดีกับได้ส่ายข้าวพอดี
















แล้วๆกะหาพาข้าวลงจ้า กับเมนูเด็ดลาบเป็ด ต้มเป็ดสูตรไทร้อยเอ็ด
ขอบคุณท่านนายห้างฯหลายๆเด้อจ้าที่มาโชว์ฝีมือให้สมาชิกได้ซิม
เทื่อหน้ามาเฮ็ดให้กินอีกแหน่เด้อ หย่ามแล้วล่ะ อิอิ

ขอบคุณพื้นที่จากเว็บบ้านมหาดอทคอมจ้า

[เพ็นนี]

ลาบเป็ดมีเลือดสดๆใส่บ่เพิ่น ลาบสิแปลงร่างเป็นอ่ำโดยบัดดล โอ้ยน้อ อยากกินลาบกินต้มนำเด้คนเอ้ย

[มะเหมี่ยว]

เหมิ่ดไป่จร้าาาาากินนำแน กินนำแน.....

[กำลังใจ]

ข้าวเหนียวน่ากินที่สุดเลยจ้า น้องขาม

[เซียงสีผีเป้า]

สุดยอดเลยจ้า แต่ล่ะอย่างน้ำลายไหลเลย

[กะทิสด]

.....ส่งมาทางอ่อนนุช แน่เด้อ......คนร้อยเอ็ด ...อยากกินลาบร้อยเอ็ด...อิอิอิ.....

[สาวทองแพง]

แนวกินแมะจ้า อุดมสมบูรณ์คัก
ขอซดต้มข้าวเปียกนำจักถ้วยแน่เด้อจ้า เป็นตะแซบคักจ้า

[พล พระยาแล]

ออย อยากกินข้าวเหนียวในดอกเด้ คือสิแซบ

โอ๊ะ ๆ ๆ เว่าผิด ๆ อยากกินลาบเป็ดทางสมุยเด้ คือสิแซบ อิอิ

[บ่าวต้นฅนมุกดาหาร]

อยากตามไปกินอยู่แถวได๋ละครับ ลาบเป็ดเป็นตาแซบเนาะ

[pui.lab]

ทำอาหารคือพากันหันหลังให้กล้องน้อ
นายห้าง ทำอาหารเก่งเนาะค่ะ เสียดายบ่โสด เนาะป้อม

ขนมเทียน โอนมาทางเมกาแน๊จักถาดแน๊