สวัสดีจ้า :l-พี่น้องมื้อนี้มีแนวมาสู่กินจ้า เพราะได้ของฝากจากทางเมืองยโสธร
เผิ่นได้นึ่งเห็ดไค กับคั่วแมงจิโป่ม หลังจากที่แกงสู่กันกินตอนเที่ยงแล้ว
กะเลยขอแบ่งเมือป่นยุบ้านจักหน่อยอย่างละนิดอย่างละหน่อย อิอิ
"ป่นจิโป่ม"
วิธีปรุง กะบ่มีหยังหลาย คั่วพริกอ่อน หัวหอม กะเทียม แล้วกะมีเห็ดไคหั่นบางๆ กับจิโป่มตัดขาดีดออก
ย้านไปแทงเหงือกยามกิน ถ้าเป็นคั่วไฟถ่านจะหอมกว่าคั่วเตาแก๊สจ้า ยุบ้านใช้ไม้เสียบจี่ก้นเตา อิอิ
คั่วสุกแล้วกะเอาลงครก ตำให้แหลกละเอียด เลยจ้า
แล้วกะใส่น้ำปลาร้า ผงชูรส น้ำมะนาวนิดหนึ่ง เติมน้ำฮ้อนหน่อยๆพอเอ๊าะเจ๊าะ
ซิมรสชาด แซบแล้วกะใส่ผักสะนระแหน่ ลงไปก็เป็นอันเสร็จ
กินกับผักลวก
กับแกงเห็ดไคใส่หน่อไม้ อิอิ อย่างละนิดอย่างละหน่อยปนกัน แซบจ้า
:*- Baanmaha.com
Bookmarks