กำลังแสดงผล 1 ถึง 5 จากทั้งหมด 5

หัวข้อ: ข้าวออกฮวงทรวงขาดฮัก

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    ข้าวออกฮวงทรวงขาดฮัก

    ข้าวออกฮวงทรวงขาดฮัก]ข้าวออกฮวงทรวงขาดฮัก

    ข้าวออกฮวงเป็นพวงก้ม ลมตีสะบัดอ่วย
    ดอกแพงพวยอยู่เลาะน้ำ ชูช่ออวดหมู่แมง
    ดอกขะแยงบานแล้ว แถวแจนาหอมฮวย ห่วย
    ค.ว.ยบักเลเคี้ยวเอื้อง บดเฟืองแห้งอยู่ห่มยูง
    ฝูงนกยาง กระสาจ้อง จอบกินปลาเลาะเลียบหลี่
    ปลากระดี่กระเดิดน้อย หลบลี้หลีกระแวง
    ปลาขะแยงทังซิวอ้าว อยู่ปากไซหม่องน้ำหล่อง
    เทิงฝั่งหนองน้ำนิ่ง กระเต็นน้อยได้นั่งคอย
    ถ่าจอบหลอยยามปลาบ้อน สิเสิ่นลงปากคาบเหยื่อ
    โพนหมากเดื่อ โพระดก ปรอท เอี้ยง เสียงฮ้องสนั่นโพน
    มาหลูโตนเจ้าของฮ้าย เป็นตาหน่ายทางผลา
    เบิ่งหน้าตากะว่าไค แต่ขาดคนมานอนซ้อน
    ขนตางอนสาวใด๋ว่าง ทางหัวใจบ่อขี้ถี่
    มาเอาซายผู้นี้ไปนอนซ้อนห่วมสอง
    เรื่องเวียกงานบ่อเคยข่อง หากินหมานอีกต่างหาก
    ยากแต่นำเรื่องซู้ ซูซ้อนหากบ่อมี
    เป็นบ่าวหลายปีจนว่าล้า คันได้ หลั่น ลั้น ล้า คือสิส่วง
    ข้าวออกฮวงทรวงมาขาดฮักพร้อม ได้ยอมแพ้ให้แก่เหงา.......เดน้อ
    แก้ไขครั้งสุดท้ายโดย ทิดจ่อย; 11-10-2011 at 16:40.

  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,261
    บล็อก
    31

    พบปะพูดคุย

    :*- ออยคึดฮอด บ้านเด้จ้า ท่านอาจารย์ มะอื่นกะออกพรรษาแล้ว ลมหนาวกะอ่วยทางคือกัน

    จะเข้าหน้าหนาวแล้วเด้น้อเห็นภาพฮวงข้าวกะอยากกินข้าวเม่าแล้วละ อิอิ

    ฮ่าๆๆ หากินหมานยุว่าติจ้า อาจารย์ แต่หาแนวอื่นบ่หมานเน๊าะจ้า

    แก้ไขครั้งสุดท้ายโดย นู๋น้อย; 11-10-2011 at 16:28.

  3. #3
    Banned

    วันที่สมัคร
    Oct 2010
    กระทู้
    757
    บล็อก
    4
    อิอิอิ อ่านผ่านมามองเห็นภาพวาดภาษามาสวยงาม
    ผัดมาจับข้อความวา คันได้ ลั่น หลั่น ลา คือสิส่วง
    จากที่นั่งง่วงง่วง ข่อยกะซ่วงขึ้นทันที..อิอิ
    บัดได่แท้เพิ่นอยากมีแม่ออกไว้ท่าบอก หลั่นลา
    ซั่นกะฟ้าวหาเอาสาก่อนหน้าหนาวนั่นหน่า
    พอได้ลั่น หลั่น ลา ยามเวลาว่างว่าง...อิอิ แจมซ่ำนี่ล่ะจ้า

  4. #4
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    โพธิ์สพศรี วีหางย้อย ฮวงพวมยอยย้อยหางไก่
    เห็นพี่ซายมาจ๋าต้าน อยากขานจ้อต่อความ
    ข้าวกำพวมฮวงย้อย น้ำในนากะเต็มไฮ่
    หาหยามไซที่ใส่ไว้ กะพอได้ดอกใส่สวย
    หอมระทวยฮวยข้าว สาวชาวนากะขาดคู่ อ้ายเอ้ย
    โตสาวนางกะอยากฮู้ แมนโตอ้ายหือแมนไผ๋
    คั่นแมนเป็นนั่นไปได้ ตรงความหมายน้องกับพี่
    สองชีวีข่อยกับเจ้า ลองมาเว้าเข้าใจกันเนาะอ้ายเนาะ

  5. #5
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    ลุงกะสิจอบหลอยสอยปลาบ้อนนอนตะแคงแทงกะทืก...
    ย่านแต่ชู้ผู้อยากซ้อนนอนหนาวลี้หนีห่างซวงแท่น้อ...โอ้ยนอๆๆๆ 55

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •