สวัสดีจ้าพี่น้องบ้านมหาซู่คน อาทิตย์นี้พายุเข้าเกาะสมุยแล้วจ้า
บรรยากาศฝนตกรินแบบนี้บ่มีอิหยังดีก่อการหาแนวกิน
ตอนนี้ข้าวสาร อาหารแห้ง น้ำกิน มาม่า ปลากระป๋อง รวมถึงไข่ไก่
ได้เบิดเกลี้ยงจากห้างฯ โดยรอบเกาะสมุยแล้วจ้า
ผลพวงมาจากน้ำท่วมประเทศไทยเฮาหลายๆพื้นที่นั่นล่ะ


ไคแหน่ตะว่าก่อนนั้นพอสิมีเสบียงกักตุนในตู้เย็นแหน่อยู่
ปลาแดกกะสองไห ข้าวสารเคิ่งกระสอบ
พอต่อชีวิตไปได้ จนกว่าเหตุการณ์สิเข้าสู่ภาวะปกติ
จั่งได๋กะเป็นกำลังใจให้พี่น้องที่กำลังประสบภัยน้ำท่วมทุกหม่องทุกแจเด้อจ้า


หลังจากที่ได้ลงวิธีการเฮ็ดหมูกรอบไว้ตะสองปีที่แล้ว ขามป้อมกะบ่ได้เฮ็ดกินอีกเลย
ย้อนว่าเป็นเมนูต้องห้ามของคนบ่อยากอ้วน ตะปานนั้นกะบ่ได้ผล คะน้า(หมูกรอบคืนชีพ)

พี่น้องท่านใดอยากเฮ็ดนำ เบิ่งวิธีตามลิงค์ข้างล่างนี้เด้อจ้า

วิธีการเฮ็ดคะน้าหมูกรอบ



มื้อนี้กะเลยคึดหมั่นอีกรอบ อยากกินคะน้าหมูกรอบจ้า
เลยจัดการซะเลย


คะน้า(หมูกรอบคืนชีพ)

คะน้า(หมูกรอบคืนชีพ)


คะน้า(หมูกรอบคืนชีพ)

หน้าตาหมูกรอบเทื่อนี้ ซงหน้าตาดีก่อสองปีที่แล้วคะน้า(หมูกรอบคืนชีพ)
หรือท่านอาจารย์เซียงสีว่าได๋จ้า ปีนี้ฝีมือลูกศิษย์ผ่านบ่:l-


คะน้า(หมูกรอบคืนชีพ)

คะน้า(หมูกรอบคืนชีพ)

หมูกรอบ กรอบคักจนสิมุ่นเอาโลดยามหั่น
ขั้นตอนกะบ่ได้ยุ่งยากหรือใช้เวลาดนจ้า
เพราะเฮ็ดงานบ้านอย่างอื่นไปนำ


คะน้า(หมูกรอบคืนชีพ)

คะน้า(หมูกรอบคืนชีพ)

และแล้ว หมูกรอบก็แปลงโฉม :l-


คะน้า(หมูกรอบคืนชีพ)


คะน้า(หมูกรอบคืนชีพ)

ฝนรินๆแบบนี้ จัดหนักอีกเมนูหนึ่งนั้นกะคือ ต้มยำตรีนไก่
คาดว่าสองเมนูนี้สิกินอยู่เบิดมื้อคะน้า(หมูกรอบคืนชีพ)
มาเด้อจ้าพี่น้องกินข้าวนำกัน

ขอบคุณพื้นที่จากเว็บบ้านมหาดอทคอมจ้า