สวัสดีพี่น้องบ้านมหาซู่คนจ้า ช่วงนี้หลายๆหม่องหลายๆพื้นที่
กะกำลังประสบกับภัยน้ำท่วมอยู่เนาะจ้า จั่งได๋กะขอเป็นอีกหนึ่งกำลังใจ
เอาใจซ่อยให้พี่น้องผ่านพ้นจากภาวะแบบนี้ไปได้เร็วจ้าๆ :l-
เกาะสมุยเอง ตกมาอาทิตย์นี้พายุกะเข้าเช่นกันจ้า
ฝนมาเห็ดกะมีจ้า หลังจากที่ได้กินเห็ดปลวกตาบ กับเห็ดไคไปแล้ว
เทื่อนี้ฮอดคิว"เห็ดขี้ไก่เดียน"กันแล้วจ้า ลุงคนขับรถเพิ่นแกงไปรอบหนึ่งแล้ว
มาถึงคิวของขามป้อมเด้จ้าบาดทินี้
เพื่อความแน่ใจว่ากินได้อิหลีชัวร์ เฮากะไปหาข้อมูลเพิ่มเติมจ้า
ย้อนว่าเถียงกันกับผู้สิกินนำอยู่ตั้งดน ว่ากินได้หรือบ่ได้
เพิ่นย้านตายเบี่ย
ขอบคุณข้อมูลจาก โครงการฐานข้อมูลความหลากหลายทางชีวภาพในโรงเรียน
จากโรงเรียนเชียงยืนพิทยาคม จังหวัดมหาสารคามเด้อจ้า
ได้น้องเห็ดมาแล้วกะจัดการล้างน้ำให้สะอาด ขัดสีฉวีวรรณดีๆเพื่อป้องกันความหัสหรือความแหยของเข่ดินทราย เพราะว่าสิเฮ็ดให้เสียอรรถรสในการกินได้จ้า
แกงออกมาแล้วหน้าตากะเป็นตาเบิ่ง รสซาติใกล้เคียงเห็ดละโงกถึงสิบ่แซบท่อกะตาม:l-
จัดให้อีกหนึ่งเมนูสำหรับมื้อนี้ หมกหน่อไม้ใส่หมูจ้า
เมนูนี้เอาใจพี่น้องที่บ่ย้านกับน้ำหนักขึ้นจ้า
เซิญแซบซ่ะล่ะหล่า :l-
ขอบคุณพื้นที่จากเว็บบ้านมหาดอทคอมจ้า
Bookmarks