หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 26

เกี่ยวข้าว เหงาใจ

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    เกี่ยวข้าว เหงาใจ

    เกี่ยวข้าว เหงาใจ

    ข้าวเหนียวดอได้ขึ้นเล้า สันปลาตองกะยังอ่อน
    ทางนาดอนกะเหล่าฮ้าง นกขุ่มน้อยเกือกขี้ดิน
    เดือนสิบสองจวนสิสิ้น ฝนไกลดินแทบแห้งไหง่
    เหลียวไปไสเห็นแต่กอข้าวเนิ้ง สายลมต้องอ่อนเอน
    ดวงตาเว็นได้ล่วงย้าย คือเอียงอายฟ้าบ่อเกิ่ง
    คึดไปเถิงนาถน้อง สิเอียงแก้มให้แก่ไผ
    ลงไปไทหลายปีแล้ว จักเป็นตายบ่อฮู้ข่าว
    หนาวในทรวงสิป่วงบ้า นัยตาเซ่อเหม่อลอย
    อ้ายยังคอยคองเจ้า ยามลมหนาวสังบ่อเป็นตาอยู่
    พออยากกู่กูกเอิ้น ให้คืนบ้านถิ่นอีสาน
    หือว่าน้ำท่วมบ้าน นอนกระดานแป้นเปียกซุ่ม
    เบิ่งข่าวทีวีกะแห่งกุ้ม จักโตเจ้าอยู่จั่งใด๋
    ฝากข่าวไปนำลมล่อง เดือนสิบสองอ้ายตั้งต่อ
    น้ำท่วม กทม. อ้ายกะคึดฮอดเจ้า เหลียวขึ้นฟ้าแห่งแต่เหงา
    คึดเห็นคราวแต่ก่อนพุ้นตอนนาวานเผิ่นลงแขก
    นางยังฉีกปลาแดกให้อ้าย คราวกินเมี่ยงอยู่เลาะโพน
    เสียงเฮฮาโจ้กจ้น ผู้ลางคนเผิ่นเว้าใส่
    แหม่นมื้อใด๋เดน้อสิได้กินลาบก้อย งานดองเจ้าท้าวและนาง
    จักว่าต่อนจักว่าก้าง นางเอียงอายโลดบ่อเบิ่ง
    ก้างติดคออ้ายจนว่าเหิง กว่าสิหลุดออกได้ ยังคึดพ้ออยู่บ่อเซา

    ตามท่งนาบ่อมีเจ้า เป็นปีเหงาอีกปีหนึ่ง
    เกี่ยวข้าวเหนียวกะคิดถึง เกี่ยวข้าวจ้าวกะคึดพ้อ
    หัวใจอ้ายได้แต่หนาว ...........นางเอย

  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    น้ำท่วมดังแล้วละอ้าย อยากคืนไปเกี่ยวข้าวส่อย
    แต่ยังลอยข่วมน้ำไปบ่ได้ ย้านตะแข้คุบไปกินซั่นเด้

    เกี่ยวข้าวดอรอแฟน ไปก่อนจ้าท่านอาจารย์ :l-

  3. #3
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,387
    บล็อก
    2
    ขอเวลาต่อแพก่อนเด้อจ้า เดี๋ยวสิไปซอยเกี่ยวข้าวจ้า อิอิ (สิเลาะหาปลาค่อนไปนำ)

  4. #4
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,533
    หิ้ววววววววววสุดยอดหมอลำบาดนี้สิสอยดอกว่า
    สอย..สอย..สอย..สาวซ่ำน้อยบ่ฮู้จักทิดจ่อย...บาดว่าพอถืกหลอย..โอ้ยๆจ่อยตะซื่อตั๋วนี้..55.ซ่ำนี้กะสอย

  5. #5
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    555 เข้ามาหัวตอนผุสาวจีกปลาแดกป้อนอ้ายทิดจ่อย
    แม่นคิดพ้อผุสาว หึคิดพ้อตอนก้างคาคอน้อ 555

  6. #6
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,625
    ฮ่าๆๆ ทาง นี้ เกี่ยว บ่ ถนัด ปานได่ เล่นบักลี้ ข้างกองเฟือง คือยุ


  7. #7
    ร่วมถ่ายทอดความรู้สู่สังคม สัญลักษณ์ของ บ่าวอิง
    วันที่สมัคร
    Aug 2007
    กระทู้
    926
    เกี่ยวข้าวคอยนางน้องติ เกี่ยวบ่เป็นเลยบ่ได่ไปซ่อยคับ สิถ่ากินข้าวใหม่ปลามันดอก

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ม่วนและเข้ากับบรรยกาศแท้ๆเลยจ้าลูกเขยทิดจ่อยจ๋า ขอแจมเว้าแทนผุสาวแนเด้อจ้า



    เดือนสิบสองเข้า หนาวในใน หัวใจหม่น
    คิดฮอดคนอยู่ทางบ้าน ปานนี่อยู่จังได๋
    กับเทิ้งโตของอ้าย ซายคนงามซู้เก่า
    คงสิหนาวเนาะอ้าย ใจน้องนี่ห่วงหา
    คิดฮอดนายามเกี่ยวข้าว สองคนเฮาเคยเว้าต่อ
    อ้ายยังเยาะคิงส่วง ยามเซาน้อยอ่อยอ๋อ
    เกี่ยวข้าวดอแล้วไป๊อ้าย น้องอยากไปเกี่ยวข้าวซ่อย
    ให้อ้ายคอยรอน้อง จั๊กสองมื่อกะสิเมืออ้ายเอ้ยยยย
    แก้ไขครั้งสุดท้ายโดย chudhancock; 17-11-2011 at 21:42.

  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ม่วนและเข้ากับบรรยกาศแท้ๆเลยจ้าลูกเขยทิดจ่อยจ๋า ขอแจมเว้าแทนผุสาวแนเด้อจ้า



    เดือนสิบสองเข้า หนาวในใน หัวใจหม่น
    คิดฮอดคนอยู่ทางบ้าน ปานนี่อยู่จังได๋
    กับเทิ้งโตของอ้าย ซายคนงามซู้เก่า
    คงสิหนาวเนาะอ้าย ใจน้องนี่ห่วงหา
    คิดฮอดยามเกี่ยวข้าว สองคนเฮาเคยเว้าต่อ
    อ้ายยังเยาะคิงส่วง ยามเซาน้อยอ่อยอ๋อ
    เกี่ยวข้าวดอแล้วไป๊อ้าย น้องอยากไปเกี่ยวข้าวซ่อย
    ให้อ้ายคอยรอน้อง จั๊กสองมื่อกะสิเมืออ้ายเอ้ยยยย

  10. #10
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    ผู่หมวดเหลืองไทเฮาคือสืมีความสุขม่วนซื่นโฮแซวเน๊าะ
    สบายดียุแมนบ่คับผู่หมวดเหลือง...