กางเต้นห์ นอนป่า ตกปลา พนัสนิคมชลบุรี

[บ่าวจัย]

สวัสดีครับพี่น้องบ้านมหาซุคน มื้อนี้เป็นอีกทริปที่ผมอยากนำเสนอ มีเวลาว่างเลยออก ตจว.
โดดขึ้นรถตามบ่าวจัยมาเลยครับ เดี๋ยวมันสิสาย แดดสิฮ้อนมื้อนี้ไปบ่ไกลปานได๋ดอกครับแถวชลบุรีนี้เอง

และนี้คือสำภาระสำหรับทริป ตจว.อาจสิมีบางสิ่งที่บ่ดเหมาะสมกับเด็กผู้ปกครองควรให้คำแนะนำครับ

และนี้คือเวลาล้อหมุนครับ 08.17 นาทีเวลาดีแดดบ่ฮ้อน

หลังจากที่แล่นรถมาประมาณ1ชั่วโมงกะใกล้สิฮอดแล้วครับ

ตอนนี้มาฮอดทางเข้าบ่อ เพราะว่ารถมันแรงมาฮอดก่อนหมู่เลยต้องจอดรอเขาครับ

นี้ละครับบ่อตกปลา หม่องนอนสำหรับคืนนี้มองเห็นน้ำเขียวสดใสเลย เห็นแล้วเย็นปอดคัก

หย่างเข้าไปถ่ายยรูปใกล้ๆน้ำดูท่าสิลึกครับ ทางเอารถลงไปซันกิ่งดิ่งเลย

หลังจากเอารถลงมาจอดแล้วกางเต้นห์ ปูสาดเอิ้นอ้ายๆเพิ่นมานั่งสาดดดดดดดดดดดบางคนกะบ่นั่งเลยถามเพิ่นเป็นภาษาไทยปนลาวว่า ทำไมไม่นั่งสาดดดดดดดดดดด

ภาพถ่ายรอบๆบ่อที่เห็นเป็นสันเขาน่ะบ่แม่นภูเขาดอกครับ เป็นผิวหน้าดินเก่าที่เขาขุดไปขายครับ

ลงเบ็ดไว้แล้วกะไปหาถ่ายรูป เอ้เห็นมีเรือด้วยนี้หว่าสงสัยสิได้เล่นน้ำแน่ๆเรา:l-

ระหว่างรอปลามากินเบ็ดเลยเอาปลาหมึกมาย่างกินแกล้มๆไปก่อนอิอิอิอิ

[บ่าวจัย]

และหลังจากที่ลงเบ็ดไปแล้วเป็นชั่วโมงกะบ่มีแนวมากิน ผมเลยหันมาพึ่งตะกอตาข่ายครับ
มันสุดสิทนอิหลีครับ แม้แต่เอนกะตุกกะบ่มีแวว และก็เป็นผลสำเร็จมาแล้วโตแรกของทริป55555

เอ้รึว่าเป็นเพราะว่าผมไปเอา หมึก เอาหอยมาย่างละมันเลยบ่หมาน

หอยย่างครับมาเด้อเป็นกับแกล้มดีนักแลอิอิอิ ลืมบอกไปว่าตอนที่ไปซื้อหอยทีแรกว่าสิซื้อหอยคาง
แต่มื้อนี้หอยคางเบิ่ด แม่ค้าบอกว่าหอยยุนี้ครางซุโตพะน่ะเลยซื้อมาซะ5โลแหมะ555555

ย่างหมึกอีกเมนู :b-b

ระหว่างรอปลามากินเบ็ดพี่เล็ก พี่ที่แสนดี ใจดีใจปล้ำใหญ่ ขึ้นไปถ่ายรูปเล่นๆ

และบากอานนี้กะย้านน้อยหน้าขึ้นไปถ่ายนำเขาอีก:l-

พี่อำนาจกะยังบ่ยอมแพ้ ปลาบ่กิน กรูกิน

มันว่างหลาย ตอนกลางคืนปลากะด่นๆสิมีมากินเบ็ด ตอนนี้บ่าวจัยเลยไปหาฉมวกมาแทงปลาครับ
ได้ปลาค่อมาโตหนึ่งบ่ใหญ่ปานได๋ดอก ได้มากะเผากินเลยย้านมันบ่สด5555

พี่เล็กรอกินปลาเผา พี่ราตรี และผบ.ทบ.ของผมครับ

[บ่าวจัย]

และที่มาของกระทู้นี้ละครับ กางเต้นห์นอนป่าตกปลาชลบุรี

ย่างปลานิล อาจสิบ่น่ากินเนาะครับ เพราะว่ามันยังบ่สุกฮ่าๆๆๆๆๆๆ

ดังไฟไว้พร้อมเนาะ ย้านมีเสือมาคาบคออิอิอิบ่แม่นดอก
ดังไฟไล่ยุงครับเพราะว่ายุงร้ายกว่าเสือเพราะฉนั้นผมเลยบ่ย้านเสือแต่ย้านยุงแทนอิอิอิ

ตอนนี้หว่านแหครับลงไปจิกตีนแหไว้ย้านมันแล่นออกเบิ่ด หมักไว้จักคราวแล้วไปเอาขึ้น
ภาพตอนหว่านแหกับตอนเอาขึ้นมากะมียุดอก แต่ภาพมันบ่เหมาะสม ย้านคนท้องแพ้ท้องไปมากกว่าเก่า

แล้วกะมานั่งกินกันต่อจนตี2กว่าๆผมเลยเข้านอน พี่เล็กกับเพือนปม กินกันต่อจนตี4จั่งพากันเข้านอน
ตัดภาพมาตอนเช้าเลยครับล้างหน้าล้างตาแล้วกะมาแอ๊คหน้ากล้องพอเป็นพิธีแล้วตกปลาต่ออีกมื้อบ่ายค่อยเมือ

ปลาเข่งน้อยกินเบ็ดดีคักแหมะครับ พอดีมื้อคืนผมซ่อนกุ้งมาไว้หลายเติบ กุ้งหลายคัก
เจ้าของบ่อเพิ่นไปใส่มาขายมื้อละ4-5โล ขายส่งแม่ค้าโลละ100 ได้ ปลานิลน้อยโลละ10-20บาท มื้อหนึ่งๆเพิ่นได้เงินบ่แม่นน้อยครับ

ปลาเข่งน้อย เอามาต้มป่นคือสิแซบผมว่าแต่ว่ามันคือโตน้อยแท้ล่ะ

และพอสายๆมาแดดฮ้อนแฮงเลยย้ายหม่องไปหาตกไต้ต้นไม้ เพื่อนผมเลยได้โตนี้ครับ

ใหญ่คักปลานิลโตนี้ หลังจากที่รอมามื้อกับคืนหนึ่ง5555

และผมกะย้านมันน้อยหน้าเพื่อนเลยเอาขึ้นมาคือกัน

ขอโทษเด้อครับที่เทียบกับเกิบ อาจสิบ่สุภาพ อยากให้รู้ว่าโตใหญ่ขนาดได๋เกิบเบอร์43ของผมครับ

[บ่าวจัย]

บทสรุปได้ปลานิลขนาดนี้มา4โตครับ บ่ไหวแดดมันฮ้อน ชวนอ้ายเพิ่นไปอ่างศิลาดีกว่าไปหาแนวมากินแลง55555

ย่างปลาหมึกกระดองน่ากินคัก โตนี้2โลกว่าๆ:b-b

ซอยใส่จานมาเสริฟเลยครับ น้ำจิ้มรสเด็ดเผ็ดแซบสะใจได้:b-bเย็นหายเหนือยเลยครับ:l-

หมึกกล้วยยัดใส้หมูสับเมนูนี้ผมขอแนะนำกับ:b-bสุดยอดเลยครับ

หอยแครงย่างเมนูนี้ถูกใจคักบ่ล่ะครับส่วนปลานิลที่ไปตกมาเอาไว้หลังบ้านก่อนมื้อนี้ขอเมนูนี้ก่อนละกันอิออิ

ขอลาไปในภาพนี้เลยละกันครับ เทือหน้าสิเอามาให้เบิ่งอีกเด้อครับอย่าฟ้าวเบื่อผมเด้อ
ขอบคุณพื้นที่บ้านมหาดอทคอมครับผม:*-

[ผู้เฒ่าสมุย]

หากินหมานคือเก่าเน๊าะคับ...เมิ่งแล้วกะอิดฉาเด้เน๊าะ..มีแต่แนวเปงตาแซบ..นั่งตกปลาไปนำจิบบางๆไปนำ..โอ๊ยๆเว้ามาแล่วอิดฉาบ่าวจัยคัก...จั่งใด๋กะขอบคุณเด้อคับสำหรับภาพงามๆที่เอาให้เมิ่ง..

[คนภูหลวง]

บรรยากาศสุดยอด อยู่ม่องใด๋น้อบอกพิกัดแน่บ่าว บุคคลทั่วไปเข้าไปกางเต้นได้บ่ครับ

[ฅนภูค่าว]

หากินหมานเนาะ อาทิตย์ที่แล้ว (๒๗ พ.ย.)อ้ายกะไปนอนกางเต็นท์คือกัน แต่บ่หมาน ปลาชะโดเข่ามาไล่สวบปลาน้อยโกบๆนำฝั่งเหมิดคืน ปลาอื่นเลยหนีเหมิด

[ฮักณ.ทุ่งใหญ่]

ซิเบ็ดบ่ค่อยหมาน...หว่านแหบาดเดียว หมานคักเนาะครับ อิอิ

[anna]

เป็นตาแซบแท้น้อ อยากไปนำเด้อ้าย ตกปลาหมานปานนี้ คิอเป็นตาหากินเก่งน้อจ้า

[lungyai1123]

เป็นตะม่วนเน๊าะบ่าวขัยแห่งไปหลายๆฅนม่วนคักแหล่ว