กำลังแสดงผล 1 ถึง 6 จากทั้งหมด 6

จักสิเอิ้นว่าหยัง

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    จักสิเอิ้นว่าหยัง

    นางเอย.......
    มื้อบ่อได้เห็นหน้า มื้อบ่อได้โทรหา คือสิเป็นบ้าป่วง
    มื้อเห็นเจ้าควงผู้บ่าวโก้ คือโตอ้ายสิบ่อยัง
    มื้อได้ฟังหมู่โสพื้น ออกซื่อเธอ ใจอ้ายสะดุ้งตื่น
    บ่อว่าเว็นหรือคืน เห็นแต่ฮูปหน้าเจ้า มาลอยล่อหว่างภวังค์
    เอิ้นว่า "ซัง" คงบ่อใช่ ย้อนพ้อหน้ายามใด๋ คือใจอ้ายได้ลอยหล่อง
    ใจมันพองซื่นห่าว ปานขึ้นฟ้าอยู่สวรรค์
    คันสิเอิ้นว่า "ฮัก" ฮักนั้น ปากยืนยันบอกว่าบ่อ
    บ่อเคยพานพบพ้อ "รักนั้นเป็นฉันใด" (บู๋ยยยย)
    ให้นางไขความข้อง ซอมใจให้อ้ายแหน่
    อ้ายนี้นับมื้อแย่ ยามบ่อเห็นหน้าน้องกินข้าวกะฝืดคอ
    ไปหาหมออยากอายเว้า หมอจัดยาให้ชุดใหญ่
    กินเข้าไป จักจั่งใด๋คือจั่งยาผีบ้า คาแต่ง่วงห่วงแต่นอนจักสิเอิ้นว่าหยังจักสิเอิ้นว่าหยัง
    แก้ไขครั้งสุดท้ายโดย ทิดจ่อย; 24-11-2011 at 15:58.

  2. #2
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63

    นางเอย

    นางเอย (โฮป)

    นางเอยนางเอย

    ลิขสิทธิ์บน YouTube Credit By : https://www.youtube.com/watch?v=Bai6xWZw8wsนางเอยนางเอย

    ลิขสิทธิ์บน YouTube Credit By : https://www.youtube.com/watch?v=qOM3Hk3wjWs
    แก้ไขครั้งสุดท้ายโดย lungyai1123; 24-11-2011 at 19:30. เหตุผล: เพิ่มข้อความ

  3. #3
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,533
    5555เข้าท่าครับอ้ายทิดจ่อยอารมย์ดีอิอลี่น้อเจ้า

  4. #4
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    555 หนิเขาเอิ้นวาเมา เบิ่งซงคือสิเมาหนักเติบยุ

    หนักเทิง"ฮัก"หนักเทิง"ยา" อิอิ บัดตอนท้ายวาแม่นสิห่วงนาง ผัด ห่วงนอน 555

  5. #5
    ่แม่นหนักยาหลายตี้ หืออ้ายทิดเมายาน้อ คริๆ

    อ้ายเอ๊ย....อันว่าเมามายมั่ว
    มัวมามายห่าง
    อันว่าเมามายม้าง
    สิเมาไห้ใส่ปลอกหมอน..
    ..เด้๊ะ คริๆ มาม่วนนำจร้า

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    เมาค้างรัก ในสมองแน่ๆเลย อิอิอิอิ


    โรคอันนี่เพินว่าเมาใจ ยาใดใดกะบอทำ
    ให้เจ้าเซาส่วงได้ สิกินยาบันเทาไข้
    เม็ดบักใหญ่ซ่ำภูเขา กะบอเซาเฮ็ดให้หาย
    บ่อนทำรายโรคภัยได้ แนวโรคใจมันปวมช้ำ
    มองสีหน้ากะมัวดำ มีแต่ซ้ำให้หนักตื่ม
    คั่นบอลืมหญิงคนนั่น อาการเจ้าสิเน่าใน ตายถิ่มแท้ๆแหล่ว อิอิอิอิ