กำลังแสดงผล 1 ถึง 4 จากทั้งหมด 4

หัวข้อ: กระต่ายหมายจันทร์(เวอร์ชั่นเฒ่ายาว)

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    430

    กระพริบตา กระต่ายหมายจันทร์(เวอร์ชั่นเฒ่ายาว)

    ดวงจันทร์แจ้ง แสงใส สิบห้าค่ำ
    บ่มีเมฆหม่นเศร้า มาปิดจ้าสว่างตา
    ซ่างมาคือใบหน้า ผุลังคน ของพี่ แท้น้อ
    ลมหนาวพัดหวี่หวี่ แสงจันทร์สาดเข้าป่องเอี้ยม เฮียมอ้าย ได้แต่มอง
    มื้อได๋เด้น้อน้อง เจ้าสิโหยด มาโลมใจ
    มื้อได๋น้อคนงาม สิโหยดลง มาหาอ้าย
    ได้แต่หงายแหงนหน้า คอยแต่ชมจันทรา ซินซาตา ซาติกระต่าย
    ได้แต่หมายหล่ำจ้อง คองถ่า อยู่ขี่ดิน
    เหมยหมอกรินโรยเร้า ใจเฮาเอ้ย นี่หนาวสั่น
    สาธุเด้อ ขอให้บุญอ้ายเกี่ยวฝั่น ดังฝันอ้าย ที่เกี่ยวปอง
    มื้อนี้คิดฮอดน้อง ได้มาส่อง เบิ่งดวงจันทร์
    ข่าวกลางวัน ว่าสิมีพระราหู มาคาบอม เอาน้อง
    หลายคนคองคอยถ่า ปรากฏการณ์ ธรรมชาติ
    หวังสิเห็นจันทร์มืดเศร้า ราหูเข้า ห่มพระจันทร์
    บาดว่าใจอ้ายนั้น ซ่างไหวหวั่น บ่คือเขา แท้น้อ
    คือมีลางมาคอยแนม ส่งข่าวมา ให้ชายฮู้
    ย้านแต่ตู๋หลูหน้า มีชายมา ถ่าวอนเหนี่ยว
    แอบมาจีบนารถน้อง แล้วโอมเจ้า เข้ากล่อมสอง
    เดิกเดิกมา ลมล่วงต้อง ใบไผ่ หัวใจหวิว
    น้องคงนอนหลับใหล นิ่งนิทรา อยู่กรุงกว้าง
    ฝากดวงใจของอ้าย ตามสายลม มาตุ้มห่ม แหน่เด้อ
    ลมเอ้ยลมเจ้าจ่งเข้าป่องเอี้ยม ไปหอมหล่า ต่างพี่ชาย แหน่เด้อ ลมเอ้ย
    :l-:l-:l-

  2. #2
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    ม่วนๆๆๆม่วนคัก จนสมักคารม หลงลอยนำลมลิ้น
    ส่างม่วนยินเสนาะด้วย สละสลวยทรงคุณค่า
    เปรียบเทียบอุปมา และภาษาสวยล้ำ งามพริ้งเพริศแพรว
    นี่ละน้อ..คะเจ้าว่าช้างแก้ว โตประเสริฐคชสาร
    กะหากเนาว์ไพรพฤกษ์ ลึกดงพงไม้
    พวงมาลัยจากใจน้อง ขอมาค้องถวายพี่
    ผู้สุนทรีย์วาทเว้า สำเนาซร้องส่งสนาน..แท้แล้ว..อ้ายเอ้ย...



  3. #3
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    858
    :l- ม่วนเด้ๆๆๆๆเนาะผญาเพิ่น....

  4. #4
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    3,644
    บล็อก
    63
    อืมๆๆๆม่วนคัดอีหลีอ้าย...ถ่ามีเวลาว่างสิมาขอเทคนิกในการเรียบเรียงเสียงประสานยุเด้อ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •