กำลังแสดงผล 1 ถึง 6 จากทั้งหมด 6

............................ หน้าฝนมาแล้วเด้อ ................................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ............................ หน้าฝนมาแล้วเด้อ ................................

    สายฝนรินฮำพื้น หญ้าได้บืนอาบน้ำชุ่ม พร้อมทั้งซุมแมกไม้ หวักมือให้หลั่งลงมา
    ทั้งปูปลา กบเขียดน้อย ฮ้องออดออย ได้น้ำใหม่ น้ำใส ๆ ไหลจากฟ้า สุธาพื้น กระชุ่มเย็น
    ลมกะเป็นหมู่ฟ้า พัดหอบเอาเมฆา เป่ากอหญ้า ต้นไม้ใหญ่
    เทน้ำฝนหล่นเป็นสาย หลอมละลายดินแห้งพื้น ตอหญ้าผื้นจากเ_หี่ย_วเฉา
    นี่หล่ะน้อเผิ่นเว้า ข้าวสิใหม่ ปลาสิมัน กลายเลยยามคิมหันต์ วสันต์มา อุราชื่น
    ปลาสิบืนออกหลุมน้อย หอยสิมาหาน้ำใหม่ กบสิออกจากไง แนวกอไผ่เป็นหน่อน้อย ผักขาต้อยสิป่งใบ
    พวงมาลาดอกไม้ ได้แตกใบแตกง่า ต้นบักเขียบกะแตกตา ไปนำง่านำก้าน บักบวปน้อย กะปล่อยเคลือ
    พออยากเมือฮอดบ้าน แกงผักหวานหน่อไม้ใหญ่ แจ่วพริกดิบ ติบข้าวฮ้อน พอได้ป้อนกินฮ่วมเธอ เบิ่งเด๊

  2. #2
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: ............................ หน้าฝนสิมาแล้วเด้อ ................................

    อ้ายโจ่ เก่งนน้อ ผญานางมองเห็นภาพเลย แหม!! หิวเด้หิว หิวสุอย่างสุแนว..

  3. #3
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: ............................ หน้าฝนสิมาแล้วเด้อ ................................


    ฮ่วยแม่นหยังหล่ะ นาง อ้ายว่า สิพาไปกินแกงหน่อไม้ ไส่ผักหวาน กับ ตำแจ่วบักพริกดิบ มีข้าวฮ้อน ๆ นำ ท่อนตั๊วเนาะ มิสิหาอยากกินหลายแนวกะด้อ กะเดื้อแท้
    น้องสาวกะดาย เว้าให้น้ำลายเหือย นำหลาย ว่าแล้วกะดาย

  4. #4
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: ............................ หน้าฝนสิมาแล้วเด้อ ................................

    ไปติละปะ ไปหาขุดหน่อไม้เก็บผักหวานก่อน บอกอิแม่หุงเข่าไว่ท่าเด้อ อิๆๆ ซำบายดีบ่อ้าย...โอ้ยหิวนอนแมะ

    จักแนวใด๋มื้อนี้ หิวนอนแตเวนคั่ก หาวง๊าบๆอยูอ้ายเอ้ย

  5. #5
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    Re: ............................ หน้าฝนมาแล้วเด้อ ................................

    ......................................... มากินข้าวกับปิ้งปลานำกันเด้อ แกงหน่อไม้ แจ่วแมงดานำ .........................................

    ย่างลงนาหาปูน้อย ได้เสียมเขี่ยเบิ่งบักหอย หากบน้อยไปไว้ป่น
    สิไปเก็บผักกระโดน กินกับป่นปลาเข็งน้อย สิหวานจ้อยดอกไส่คอ
    แนวมันพอสิหาได้ ผักกะแยงแปงมักใหญ่ สิเด็ดลงแกงหน่อไม้ ให้หอมกุ้มเข้าไส่ดัง
    เผาหัวหอม กระเทียมมั่ง หยิบแมงดาลงมาไส่ ตำป๊ก ป๊ก พริกเสียบไม้ ปลาแดกน้อยกะค่อยลง
    ติบข้าวปงกำลังฮ้อน แม่นออนซอนนำแน่บ่ ปิ้งปลาค่อ ปลาหลดพร้อม มานั่งต้อมเข้าฮ่วมวง
    ไผประสงค์กินนำอ้าย ให้ล้างมือแล้วสาก่อน ปั้นข้าวเหนียวฮ้อน ๆ กินอิ่มแล้วกะจั่งไป เนาะหล่าเนาะ

    มื้อนี้หิวข้าว จักสิแต่งแนวได๋กะยังว่า .....................พิจารณานำเกันเนาะ พี่น้องเนาะ

  6. #6
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    5,310
    บล็อก
    8

    Re: ............................ หน้าฝนมาแล้วเด้อ ................................

    น้องกะจัดแต่งได้ พาข้าวหานำ ไปเอิ่นลูกมากินพร้อมเพียงหน้า.....เด้ออ้าย
    นางสิบายเอาน้ำ ฝนรินเย็นชุ่มๆ เอามาจุ่ม ดอกไม้ ลอยซ้อน มะลิลา
    ....หันมาบายปูเอาสาด ผืนมนสาก่อน ยุเทิงเถียงนาน้อย สุขแท่กับพ่อคุณ อ้ายเอ้ย....

    (บุยยย มีฮอดลูกบาดหนิ ฮ่าๆๆ )