หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 21

เมือยามบ้าน(ตอนผ้าไหมของแม่)

  1. #1
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31

    เมือยามบ้าน(ตอนผ้าไหมของแม่)


    ภาคสองตอนเมือยามบ้านช่วงเทศกาลตรุษจีน จ้าพี่น้อง
    เนื่องจากเมือบ้านถืกช่วงฝนตกพอดี ได้อยู่บ้านมื้อหนึ่งช่วงเช้ากะได้ไปจั่งหัน(ใส่บาตรเช้า)ตอนเช้าๆ
    เรียบร้อยธุระทางวัดแล้วกะ มาซอกเบิ่งตู้เก็บสมบัติอิแม่

    เมือยามบ้าน(ตอนผ้าไหมของแม่) ย้านหนูเล่นงาน หมอนเผิ่น กะเลยพาซอกเบิ่งของ ว่ามีหยังเหลือแหน่

    ผ้าไหม แม่เฮ็ดไว้ บ่ว่าจะเป็นผ้าโสร่งไหม ผ้าซิ่นไหมเข็น หรือมัดหมี่ ตลอดจนหมอนขิต

    ผ้าซิ่นไหมมัดหมี่ ผืนนี้แม่ให้มาจ้า ฝีมือของเอื้อยแต่ได้มีส่วนร่วมนำเผิ่นยุ๊จ้า ปันหลอดและเก็บหมอน
    นั่งเฝ้าหม้อดักแด้.....แซะหญ้าให้หมอน

    เมือยามบ้าน(ตอนผ้าไหมของแม่)

    ผืนนี้ผ้าไหมเข็ญ ไหมเส้นน้อย ไหมซื้อจ้าแม่ซื้อมาเป็นเครื่อสมม่าย่าให้เอื้อยแต่เผิ่นว่ามันบางโพดบ่สมเงินผูกแขน กะเลยเอาไว้ก่อน
    เมือยามบ้าน(ตอนผ้าไหมของแม่) คนได้ใส่กะแม่นลูกสาวหล่า ใส่ไปเอาบุญแล้วมื้อเช้า

    เมือยามบ้าน(ตอนผ้าไหมของแม่)


    ผืนนี้ไหมเข็ญคือกัน แต่ไหมเจ้าของเลี้ยงเองเฮ็ดเอง ฝีมือแม่ เนื้อผ้าจะแข็งๆเพราะว่าหวีน้ำข้าวเปียกเวลาตำฮูก
    ได้ส่อยแม่ปั่นหลอดยุ๊ได๋ อิอิ ผืนนี้แม่เฮ็ดไว้แต่หลายปีแล้ว จ้า

    เมือยามบ้าน(ตอนผ้าไหมของแม่)

    เครือนี้เป็น หัวซิ่น เอาไว้ต่อโต่งซิ่น เพราะว่าซิ่นไหมผืนจะสั้น คนรูปร่างสูงๆจะต้องต่อโต่งเดียวเวลาใส่บ่งาม
    แต่สำหรับนู๋น้อยบ่ต้องต่อโต่งยากพอดีเป๊ะ เมือยามบ้าน(ตอนผ้าไหมของแม่) เครือนี้กะต่อได้หลายผืนยุ๊จ้า

    เมือยามบ้าน(ตอนผ้าไหมของแม่)

    ตัวอย่าง ผืนที่ต่อแล้ว

    เมือยามบ้าน(ตอนผ้าไหมของแม่)


    เมือยามบ้าน(ตอนผ้าไหมของแม่)


    ผืนนี้ เป็นผ้าไหลผ้าไหม มูลแม่ใหย่ให้มา สองผืน ผืนหนึ่งอยู่นำพ่อแต่เอามัดหัวไปขายข้าวในเมือง ลมพัดตกเสียจ้อย เหลือผืนเดียวให้ลูกสาวหล่าบ่จัก ฮ่าๆๆ

    เมือยามบ้าน(ตอนผ้าไหมของแม่)

    แล้วก็ผ้าโสร่ง แม่เฮ็ดไว้แต่หลายปีแล้วคือกันจ้า เวียกยามหน้าแล้งของแม่บ้านกะคือ ตำฮูก บ่ว่าจะเป็นฮูกไหม ฮูกฝ้าย หรือ ฮูกด้าย
    เฮ็ดหมอน เฮ็ดเสื่อ เฮ็ดผ้าข้าวม้า ผ้าขิต

    เมือยามบ้าน(ตอนผ้าไหมของแม่)

    นี่คือ เครือฮูก ที่ค้นแล้วแล้ว เหลือแต่สืบเข้ากับฟืมเพื่อที่จะต่ำเป็นผ้าโสร่ง จ้า ฤดูกาลนี้ละ แม่จะจัดการให้เรียบร้อย ฮ่าๆๆ ค้นไว้หลายปีแฮง
    ว่าซั่นบ่มีเวลาเฮ็ดจักเทื่อ เมือสงกรานต์อาจจะไปส่อย ยุ๊บ่จัก

    เมือยามบ้าน(ตอนผ้าไหมของแม่)

    อั่นนี้ไหมเข็ญแล้ว เตรียมปั่นใส่หลอด ลงกะสวยตำเป็นผืน ในขั้นตอนต่อไป จ้า

    เมือยามบ้าน(ตอนผ้าไหมของแม่)

    อั่นนี้เป็น ผ้าสไบ หรือว่าผ้าขิตลาย เอื้อยเผิ่นเฮ็ดไว้ ตามแบบของเผิ่นมัก เรียบๆ เป็นด้าย จ้า สีพื้น ขึ้นลายดอก
    เฮ็ดไปไหว้ผู้ถ่าว เอาไว้พาดบ่าลงไปวัดยามบุญ

    เมือยามบ้าน(ตอนผ้าไหมของแม่)

    แล้วกะผืนนี้เป็นผ้าซิ่นของเมืองลาว แม่ไปเที่ยวช่องเม็ก ให้เอามาตัดผ้าถุงสำเร็จใส่ วาซั่น อิอิ ได้ผ้าถุงเอาบุญแล้วบาดนี้

    เมือยามบ้าน(ตอนผ้าไหมของแม่)

    รื้อค้น ออกมาแล้ว แม่กะว่าซ้อมจักรเบิ่งละนาง มันยังใช้ได้บ่ แล้วกะต่อโต่งผ้าโสร่งให้อ้ายใส่แหน่จักผืน จัดให้ตามคำขอ เมือยามบ้าน(ตอนผ้าไหมของแม่)

    เมือยามบ้าน(ตอนผ้าไหมของแม่)

    เวลาผ่านไปเที่ยวกั่วๆเริ่มหิว แต่งพาข้าวมาสู่แม่กินก่อน อิอิ พ่อไปไฮ่คนเดียวมื้อนี้
    แกงเห็ดปลวกแต่คืนอุ่นกินอีกคาบ แซบคือเก่า กับตำบักแตงหน่อยๆเค็มๆเผ็ดๆ



    เมือยามบ้าน(ตอนผ้าไหมของแม่)
    แก้ไขครั้งสุดท้ายโดย นู๋น้อย; 28-01-2012 at 19:34.


  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    มาต่ออีกจ้า

    บาดนี้มาถึงคิวของหมอนขิต แม่ยัดไว้ใส่งานบุญ ค้านแฮงเด้ แต่ก่อนแม่ใช้ให้ยัดหมอน ซังบักนุ่นเข้าดัง และเคิกเวลาไปเล่น



    หลากสีหลาย ลาย เฮ็ดพื้นสีขาวตามใจคนเฮ็ดจ้า ฝีมือเอื้อยเฮ็ดไว้

















    หมอนบักอึ(หมอนฟักทอง)





    จุ้มนี้ฝีมือนางเอง หมอนสม๊อบ รุ่นฝึกหัด





    หมอนบักอึ เฮ็ดไปฝากต้อนพี่น้อง วั่นปีใหม่นั้นจ้า




    ดนแล้วที่บ่ได้เห็นแม่เข้ากี่ นั่งตำฮูกอยู่ใต้ล่างเฮือน แต่น้อยๆ ยามเกี่ยวข้าวแล้วจะเห็นแต่ละฮือนเผิ่นจะ กางกี่ตำฮูกแข่งกัน
    ไผ๋เฮ็ดงามหรือมีลูกสาวเฮ็ดกะว่าแม่น ย้องกันคัก เฮ็ดไปฮอดยามเข้าหน้าฝนใหม่พุ้นละ สงกรานต์กะยังได้หนีแม่ไปเล่นนำ
    นำหมู่ ยู้เด้ ลาพักพานะ ฮ่าๆๆ บ่กะ ปั่นหลอดให้แล้วจั่งไปเล่น นี่คือคำสั่ง...

    มื้อนี้เอางานฝีมือเก่าๆมาฝากพี่น้อง กะย้อนว่า เห็นว่าบางอย่างเริ่มจะบ่มีให้เห็นแล้ว
    ผ้าซิ่นกะใช้ระบบอุตสาหกรรมเข้ามาส่อย ลายกะบ่แม่นลายเก่าๆ ตามที่พ่อแม่ ปู่ย่าพาเฮ็ด เน๊าะจ้า ตามสมัย

    :*-ขอบคุณพื้นที่บ้านมหาที่ให้ร่วมแบ่งปัน จ้า




    แก้ไขครั้งสุดท้ายโดย นู๋น้อย; 28-01-2012 at 17:18.

  3. #3

    เมือยามบ้าน(ตอนผ้าไหมของแม่)

    แจ๋วๆๆ พี่ จองหมอนบักอึ 2นวยจ้า+และหมอนขิดนะจ้า
    สวยจังเลยจ้า ผ้าไหมสวยมากๆเลย

  4. #4
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,387
    บล็อก
    2
    อยากได้ผ้าโสร่งแมะนู๋น้อย ผ้าซิ่นกะอยากได้ อยากได้เบิดเลย

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    งามอิหลี ..งามเกินบรรยาย.. นี่เลยฝีมือไทยทำเอง.. ชื่นชมๆค่ะ..

  6. #6
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    พี่สาว อั่น หมอนบักอึ น้องพอเฮ็ดให้ได้ยุ๊จ้า แต่หมอนขิต ต้องไปอิแม่พุ้นเด้อ น้องบ่มีอุปกรณ์

    จะเอาไปไหว้ปู่กับย่าบ้อ เพนเด้อน้าน ติดต่อแม่ใหย่สอนด้าเลากำลังจะเฮ็ดผ้าโสร่งพอดี

    :l- ขอบคุณจ้าพี่มิค น้องกะคึดอยากหัดเฮ็ดแบบเต็มรูปแบบคือกันจ้า มรดกตกทอดทางภูมิปัญญาพื้นบ้านเฮา บ่อยากคึดว่า เบิ้ดรุ่นแม่เฮาไปแล้วจะมีคนสืบทอดบ่ หรือจะหายไปกับกาลเวลาและอายุคน สุมื้อนี้ คนรุ่นสี่สิบปีกะยังเฮ็ดบ่เป็นเด้ลังเทื่อ มันยุ่งยากหลายขั้นตอน ชื่อเอาง่ายกว่า ว่าซั่นในตลาดบ่อึด แต่ว่า หมอนแต่ละใบ ผ้าแต่ละผืนถ้าทอเองจากมือ เรื่องราวและวิธีชีวิตมันแฝงอยู่กับงานชิ้นนั้นๆ เน๊าะจ้า น้องกะเบิ่งผ้าแล้วกะอดอยากหัวเจ้าของบ่ได้ ตอนแม่ใช้ให้ไปเก็บหมอนมาเลี้ยงหม่อน ฮูดแต่ปลายจนสุดโคน เกลี้ยงเบิ้ดต้น ฮ่าๆๆ เก็บหมากหมอนกินไปนำแซบหลาน หวานๆส้มๆ เวลาแซบกะคือ แม่สาวหรอก ได้กินดักแด้ ดักแด้สุกใหม่ๆ นั่งหยิบกินคาหม้อเลย ฮ๋าๆๆ

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    หลานนู๋น้อยจ๋าป้าอยากไปตำฮูกไหมนำแม่ของหลานแท้ๆเด้
    จังแมนเลาเก่งเนาะจ้าเฮ็ดงามหลายครอบครัวสร้างสรรตั๊วนี่

  8. #8
    นู๋น้อย..... งามมม หลายขนาดนู๋ สวดยอดเลยนู๋..... ผ้าไหมมีแต่ผืนงามๆๆๆ ขอแพรไหลแน่นาจักผืน สิเอาไปต้อนแม่ย่า อิอิ.....

  9. #9
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    หมอนขิดมีแต่ลายงามๆแท้น้อนู๋น้อย มักหมอนขิด อิอิ

    สิ่นไหมกะมีแต่ผืนงามๆ แต่คือจะบ่มีวาสนาได้ไส่สิ่นไหมนำเผิ่นดอก เลี้ยงไหมบ่เป็น (แบบว่าย้านโตไหม อิอิ)

  10. #10
    แทบสิหายากแล้วครับผ้าไหมที่เฮดจากไหมแท่ๆ รักษาไว่แนเด้อครับ งานฝีมืองามอีหลีครับ


Tags for this Thread