งานพาแลง 55 (ตัวอย่างพิธีบายศรีสู่ขวัญ)

[ไก่น้อย]

เป็นกิจกรรมที่ดีหลายจ้า พายศรีเป็นศิลปะที่คู่กับคนอิสานเฮา เบิ่งแล้วมีกำลังใจอบอุ่นเนาะจ้า
บ้านมหาเฮาตอนงานพาแลงครั้งที่สองกะเคยมีพิธีนี้อยู่ (แต่ขะน้อยมาบ่ทัน อิอิ) เฮากะมีหมอสูตร-หมอพรหมณ์ ประจำบ้านเฮาอยู่แล้ว คืออ้ายทิดคำศรี ถ้าอ้ายเลาบ่วางกะมีมือสอง สำรองไว้คืออิพ่อธนิตย์น้อยแล้ว (เสียงดีกว่ามือหนึ่งอีก ) ส่วนพานบายศรีพี่ลูกหินกะใจดีเช่นเคย จัดมาให้พี่น้องเฮาตามที่คุยกันไว้จ้า มาแต่เมืองสุรินทร์ ขอบคุณพี่ลูกหินอีกรอบหลายๆเด้อจ้า

ขอบคุณทิศรสที่นำเสนอมาเด้อจ้า หมอสูตรบ้านมหาเฮากะพอแล้วหละจ้าไก่ว่า คือสิบ่ต้องรบกวนผุเฒ่าให้เพิ่นลำบากการเดินทา นั่งรถมาไกลดอกเนาะจ้า (ความเห็นส่วนโตดอกเด้อ วมต. แม่งานเพิ่นว่าจั่งได๋ กะตามกันคือเก่าจ้า )

[nuzing]

ความเห็นยายเด้อจ้า หมอสูตรมือ1มือ2ของบ้านมหาเฮากะสุดยอดคือกันแต่เผิ่นคือ Mid see lee แถ้น้อแต่ถ้าได้หมอสูตรขวัญมืออาชีพจากเมืองยโสแห่งแต่สิดีไปหน้าเพิ่มความขลังความศักดิ์สิทธิ์และความเป็นสิริมงคลให้แด่..พวกเราลาวซาวคณะ"บ้านมหา"
(ยายได้ยินข่าวหว่าน้องหมวดเหลืองสิออกค่าเครื่องให้หมอสูตรแล้วเด้อไก่บาดเมือกะส่งเลาไปกับอาวอ้วนโลด )

[ตรี ศรีเมืองใหม่]

....เดี๋ยวผมสิประสานไปทางอ้ายธนิตน้อย เพชรพนมไพร อีกแรงเน๊าะครับ เผิ่นเสียงดีอยู่แล้ว (ว่ามาเด้อขวัญเอ๊ยยยย) ถ้าทิดคําศรีมาบ่อได้ เบื้องต้นคิดว่าทิดคําศรีสิมาได้อยู่

[ทิดรส มักม่วน]

ขอบคุณครับทุกๆๆความเห็น ความชี้แนะ
แต่ ตามที่ผมได้รับมอบหมายจากอ้ายบ่าวคนเดิม (ท่าน วมต.)
เผิ่น บอกไฮ่ ติดต่อ พ่อพราหมณ์ จาก ยโสธร มาในงานนี้
เนื่องจาก เผิ่นว่า การบายศรี สู่ ขวัญ เป็นพิธี ที่สำคัญ
อันเรื่องเสียงดี บ่ดี เผิ่นว่า บ่เป็นหยัง
แต่เผิ่นอยากไฮ่เป็น แบบ พิธีที่ศักดิ์สิทธิ์ อีหลี
เพื่อจะได้เป็น ศิริมงคล ไฮ่พี่น้องบ้านมหาและทุกๆท่านมี่มาฮ่วมงาน

หมายเหตุ****แต่กะแล้วแต่ คณะกรรมการดำเนินงาน สิตัดสินใจ เด้อครับ

ขอ ทราบ ข้อมูลในการตัดสินใจ ก่อนวันที่ 9 กุมภาพันธ์ 55 เด้อครับ
เพราะ ผม สิเดินทางไปคุย กับ พ่อพราหมณ์ เผิ่น ครับ
(ตอนนี้ติดต่อผ่านโทรศัพท์ไปแล้ว )

ขอบคุณครับผม:l-:l-:l-:l-:l-

[คนตระการ...]

หมอธรรมนี้เด้ทิด มองข้ามไปได้จั่งได 5555 จั่งบ่อได้เสียเงิน

[nuzing]

หมอธรรม แจ้งเกิดแต่มื่องานเปิดคุ้มสายไหมเนาะ
ขอ Test เสียงก่อนจั่งสิจองตั๋วเครื่องบินให้เด้อผ่อพราหมณ์

[ติ๋ม เปอร์โย]

คั่นเป็นความประสงค์ของอ้ายบ่าวคนเดิม...น้องกะบ่ขัดข้องดอกจ้า...ตกลงเอาตามนี่หละเพื่อความเป็นศิริมงคลแก่พี่น้องบ้านมหาเฮา....
กะขอบคุณอ้ายทิดรสหลายๆจ้าที่ซ่อยเหลือ หาแต่สิ่งดีๆมาเพื่องานบ้านมหาพาแลงในครั้งนี่...ติ๋มเว้าจาตกลงทุกอย่างแล้วจ้า อ้าวววว....หย่าววววโลดบาดทีหนี่.....:,1-
คุณยายอย่าลืมหาไข่เน่า โอ๊ะหน่วยมาป้อนติ๋มแหน่เด้อจ้า...แต่งงานอีกรอบสองเบิ่ง...รับสมัครเจ้าบ่าวด่วนพร้อม...บุ๋ยยยยย...
เพิ่นสู่ขวัญพี่น้องบ้านมหา...เว้าไปหละติ๋มกะดาย หึ๋ยยยย :l-

[ตรี ศรีเมืองใหม่]

....หมอธรรม "กําพร้าผีน้อย" เอาใว้สู่ขวัญงานแต่งบ่าวเซียงน้อยสาเน๊าะ อิอิ คือสิบ่อดนปานได๋หรอก อิอิ


...ตกลงตามนั้นละครับทิดรส ประสานไปทางหมอสูตรทางยโสธรให้มาทําพิธีในงานพาแลง2555ได้เลยครับ ทางผมประสานกับน้องๆแทบทุกคนแล้ว รวมทั้งอ้ายธนิต

[พล พระยาแล]

ถ้าเพิ่นบ่มาอิหลีกะสิได้เอาหมอธรรมผู้จัดการปั้มแถว ๆ พระราม 6 ล่ะครับ ได้ยินว่าสิแจกของขลังพ้อมพะนะ

เอาเป็นว่าได้ข้อสรุปแล้วเนาะครับ เอาชัวร์ไว้ล่ะดี พิธีอันศักดิ์สิทธิ์ต้องเอามืออาชีพจักหน่อย ฟังเบิ่งแล้วขนคิงลุกยาบ ๆ พุ่นแหล่ว

[ขอโทษที่คิดถึง...เด็กดื้อ]

ฝ้ายผูกแขนจากชัยภูมิเดินทางมาฮอดแล้วเด้อจ้า อิอิอิ