น้ำตาไหลรินย้อย อาบสองแก้มเนื้อกลอย อ้ายเห็นแล้วหัวใจสั่น

ถึงสิผ่านคืนวัน สองเฮาเคยฮักมั่น มาแล้วตั้งแต่ดน

ยังตัดใจบ่พ้น ถึงสิหม่นความเจ็บ เอาความเหงาลงมาเช็ด น้ำที่ไหลรินลงแก้ม

ทางตาแนมแต่ภาพเจ้า มื้อความฮักของเฮา มาถึกเจ้าพังเพหมุ่น

เจ็บเป็นทุนก่อไว้ แต่ใจอ้ายกะบ่ลา ได้มาเห็นมื้อนี้แล้วแทบบ้า

เจ็บหลายกว่าคราวหลัง เมื่อความหวังของเธอ ถืกเขาตัดสัมพันธ์สิ้น

อ้ายได้ยินแทบว่าเป็นลมสิ้น อ้ายเป็นห่วงเอวกลม แฟนอ้ายเด้อเนื้ออุ่น

ฮุ้บ่ใจอ้ายว้าวุ้นระเมอบ้าเป็นห่วงนาง อยากให้เจ้าคึดเห็นบ้าง ความฮักเก่าสดับใจ...เด้หน้อ
อ้ายอยากขอมารักษาใจที่แสนซ้ำ ที่เขาทำกับเธอไว้ ลืมมันไปได้บ้ออุ่น

สร้างต้นทุนใหม่กับอ้าย ความเก่าฮ่างบ่ว่าหยัง ความฮักเคยพลาดพลั้งถือเป็นดั่งครูสอน
อย่าตัดรอนเสียใจ อาลัยมันเลยน้อง อย่าสิหม่องอย่าสิเศร้า อ้ายรับเอาคืนชุอย่าง

บ่เคยต่างจากเดิมเค้า อ้ายฮักเจ้ายังบ่ลืม...เด้น้อน้องสาวเอย...