กำลังแสดงผล 1 ถึง 6 จากทั้งหมด 6

-----: ยังถ้าเจ้าอยู่บ้านเฮาเด้อ :-----

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    -----: ยังถ้าเจ้าอยู่บ้านเฮาเด้อ :-----


    -----: ยังถ้าเจ้าอยู่บ้านเฮาเด้อ :-----

    หัวใจเธออยากคืนบ้าน นาโนนตาลอยู่หรือบ่ ดอกฮักทอก่อเริ่มต้น มื้อเฮาซ้นหม่นอยู่เถียง

    หลบใต้เฟียง(เฟือง)เลี่ยงฟ้าฮ้อง แอบละอองมื้อฝนผ่าน จนดอกจานได้หล่นร่วง หนาวล่วงฟ้าตั้งว่าดน

    ใช้ถนนป่าคอนกรีต เติมชีวิตสาวออนไลน์ ออนโมบายกับไอแพด เปิดออนแชตนำเหมิดมื้อ

    เฮ็ดแกงผือไส่ปลาย่าง คงแตกต่างอาหารดี ชาบูชิ-ฮะจิบัง ใช้แบรนด์ดังเดินเซ็นทรัล

    แสงแดดหันปันลมล่อง แนมเมฆหล่องท่องทางไกล ฝากส่งใจไปนำจา กับห่วงหาไปทางเจ้า

    ฟังเสียงเหงาเศร้าเติมบ้าง เป็นได๋นางเหมื่อยหลายบ่ ยังเก็บห่อหัวใจว่าง ถ้านางน้องอยู่เสมอ

    หวังหลายเด้อนั่งเคียงข้าง สูดกลิ่นฟางกลางแดดออ่น เป็นยาถอนตอนเหมื่อยล้า บ่าข้างซ้ายให้เผิ่นพิง..น้องหล่าเอ๊ยย

    [FLASH]http://music.gmember.com/flash/jedakrAkraM.swf?songid=1205683001&autostart=0&adslot=2[/FLASH]

  2. #2
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    บ่ว่าสิเป็นขวงโจกโหลกฟ่าไสกะยา..บ่มีหม่องได๋สิคือบ้านเฮาดอกสิบอกให่

  3. #3
    แบ่งปันความรู้และประสบการณ์ สัญลักษณ์ของ มะนาว
    วันที่สมัคร
    Sep 2008
    กระทู้
    136

    รอบยิ้มพิมใจ

    ได้ฟัง ได้อ่าน ยามได๋ บ่เคยผิดหวังเลย ยาอ้ายโจโล่ :l-
    ยามได๋น้องสิได้เก่งคืออ้ายน้อ

  4. #4
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    884
    ว้าวๆๆๆๆๆสิได้พ้อโตเป้นๆอีกบ่น้อปีนิ อิอิ

  5. #5
    Banned

    วันที่สมัคร
    Oct 2010
    กระทู้
    798
    บล็อก
    4
    เอ่ยวาจาถามมาวา อยากคืนนาบ้านเฮาบ่อ เป็นคำขอรอจากพี ชายคนที่มีใจให่ วันผ่านไปได้ลำนำ
    ได้ยินคำพี่เอื้อนเอ่ย นั่งนิ่งเฉยใจสะอื้น แล้วแอบกลืนน้ำตาลง พี่คงรอถ่าจนเพ้อ คิดเสมอซิต่าวคืน
    ทุกวันคืนอยู่ในฝัน บ่อเคยผันแปรเป็นอื่น ถึงซิยืนป่าคอนกรีต ส่วนจารีดยังคือเก่า บ่อเคยเอาตามแบบเพิ่น ยังคงเดินตามประเพณี ชาวอีสานบ้านเฮาอยู่ ให่อ้ายฮู้วาบ่อด่น ซิกลับไปซ้นหม้นกองเฟียง ไปอยู่เคียงข่างพี่ชาย อย่าฟ้าวหมายสาวอื่นก่อน ขอวิงวอนเด้อพี่ชายยยเอ้ยยย เย้ๆๆหาหม่องลงได้แล้ว555

  6. #6
    หล่าน้องสาวเอ้ย....ย้อนว่าความฮักอ้ายหมายใจปองต้องเป็นนาง
    ยังบ่เคยปล่อยวางไล่ลาสาวนางน้อง
    อ้ายยังคองคอยถ่า เจ้ากลับคืนต่าวมาบ้านถ่ง....อยู่เด้อ
    อย่าไปหลงละเมอ ไฟแสงสีอยู่เมืองฟ้า
    กลับคืนมาส่าเด้อหล่า สาวนาชู้ของพี่
    อ้ายถ่ารับเอาขวัญคนดี....มาอยู่บ้านเฮือนชานพ่อแม่เฮาเด้อ....


Tags for this Thread