เถียงนายังคอย

[สหายพง]

คึดฮอดน้องนอนไห่อยู่ในเถียง
เป็นสำเนียงคนอกหักรักสหลาย
ผู้เคียงข้างเพื่อนแท้กะคือควาย
เหลือใจหลายนางหล่าฆ่าพี่ลง
จำได้บ่ใต้เถีงนาข้างต้นบก
ป่ามันฮกเฮาสองยังซ่อยถาง
พอเข้ากรุงสัญญาเก่าเฮาเรือนราง
เถียงที่สร้างกลางนาถ่าเจ้าคืน
เป็นสาวกรุ่งนุ่งสิ่นสั่นบ่หันเหลียว
บ่เหลือเสี้ยวเษศใจทำอ้ายหมอง
ปล่อยไห้อ้ายนอนถ่าน้ำตานอง
ไหลทั้งสองอาบแก้มแสนระทม
:b-b:b-b:b-b:b-b..มาเด้อหล่าเอย:b-b

[หนึ่ง]

จำได้บ่อใต้เถียงข้างกกบก
เอามือจกไหปลาแดกแยกมาสับ
บองปลาแดกแซ่บแซ่บมาเป็นกับ
ได้กินตับเมืองบางกอกบอกลาอ้าย

มาเป็นฮ้ายสาวบ้านนาฆ่าใจพี่
ตั้งแต่กี้ปลาแดกบองน้องแซ่บหลาย
ปลาค่อใหญ่สับของบักอ้าย
คือมาพ่าย ให่แก่ตับ หน่ายยเด้น้อ...พี่น้องเอ้ยย น้องไปกินตับๆๆๆ

[ไก่น้อย]

อัน พงษ์หล่า แม่นกลอนด้น กลอนยาว โคลงแปด รึ ผญา ก๊อหล่า เอื้อยไก่อ่านบ่ถึกทำนอง

อ่านใส่เทปมาเปิดให้เอื้อยฟังแน่ท้าว คือสิเป้นตาฟ้อนใส่แมะ อิอิ

[สหายพง]

5555...อาจะเป็นลูกครึ่งเจ้555 กลอยแปนทำนองผญา
คึดบ่ออกคือกันเจ้..มันพาไปเองอดทนฟังเอาแหน่เถาะครับ

[มะนาว]

มาอารมณ์ได๋น้อ พงเอ้ย มื้อนี้ 55 เถียงนาน้อยทางนี้กะว่างคือกันล่ะจ้า เอิ๊กๆๆ มีฮอดกกบักยมพอได้แก้ง่วงพ้อมเด้

[lungyai1123]

เป็นตาหลีโตนหลายแถะหล่าสหายพงขั่นลำบากกะพอหาใหม่กะหาโลดหล่า 555

[เซียนเมา]

เจ้าลืมแล้วบ้อเถียงนาน้อย
ไปมิดจ้อยอยู่ไกลบ่อนใด๋น้อ
เจ้าจั่งลืมท่งนาต้มปลาค่อ
สิให่รอปานใด๋ใจจั่งต่าว...เถียงนาน้อย:l-

[นา ดอกจาน]

บ่ต้องไปถ่าดอกหล่าเอ้ยขั่นเขาบ่คืนมากะหาไหม่โลด!
งานพาแลงบ่อึดดอกผู้สาวมีตะผู้งามๆ เด้อหล่าเอ้ย! :,1- :,1- :,1-

[maanoy]

เถียงนาน้อยคอยรักสลักชื่อ
ดำทั้งขื่อแป้นปีกไม้และทั้งเสา
สลักลงบ่งใจรัก ลายมือเรา
ที่แท้เอาแทนสีขี้ถ่านไฟ

เขียนว่าเหงาเอาปักไว้แปะฝาบ้าง
เห็นเลือนรางนานปีพ.ศไหน
บอกรักมาก รักน้องกว่าใครๆ
เขียนลงไปหมดที่นั่งยังกล้าทำ

ออกมานั่งข้างนอกเถียง ยอมตากแดด
ฟ้าเหลืองแสดป่านใดไม่นึกขำ
ร้อนสุดทน ในรักแท้จองใจจำ
คงไม่ดำดั่งเถียงนาที่ข้าระบาย โดย หมาน้อย" เฌอเชลง "