อยากร่วมขึ้นฮ้านงานพาแลงให้ความม่วนซื่นนำเพิ่นสิได้บ่น้อครับ

[lukhin_inter]

ยินดีต้อนรับเข้าสู่อ้อมอกจ้า...อิอิ..เอ้ย..อ้อมอกอ้อมใจ

[บ่าวเอ็กซ์]

ขอบคุณทุกการต้อนรับของพี่น้องบ้านมหาครับเดี๋ยวมีของดีๆแนวดีๆ ศิลปอีสานบ้านเฮาสิเอามาฝากมาต้อนพี่น้องเรื่อยๆ ครับ

[บ่าวจัย]

ความสามารถขนาดนี้มีเวลาจักหน่อยให้เลาขึ้นโชว์แนบ้อน้อครับ อ้ายทิดจัดคิวแนเด้อครับอิอิอิ

[ตรี ศรีเมืองใหม่]

....ประกาศหาหมอลําซิ่งอาสาชายหญิงที่สามารถลํากลอนซิ่งได้ เพื่อมาประกบกับหมอแคนลําซิ่ง "บ่าวเอ๊กซ์" ไผ๋มีความสามารถในการลําซิ่งก็แสดงความจํานงค์เข้ามาได้ครับ เบื้องต้นได้ให้ทาง อ้ายหมอลําธนิตน้อย เพชรพนมไพร เตรียมกลอนลําใว้แล้ว ถ้ามีมาเสริมในจุดนี้แฮงดีหลาย

...ได้ข่าวว่านางไหทั้งสองจากปีก่อนปีนี้สิผันตัวเองมาใส่กระโปรงสั้นเป็นหางเครื่องให้หมอลําซิ่งว่าซ้าน อิอิ ย้านมันซํ้ากันกับนางไหเทคโนฯลาดกระบัง น้องเขาว่า... ดีคือกันครับอ้ายเซียงสิได้แลกเงินใว้จับมือหางเครื่องลําซิ่ง อิอิ

[สายลม]

จัดไปจ้าทางนี้จะหย่าวหน้าเวทีดอกเด้อจ้า ให้กำลังใจอยู่ตะล่างดอกหว๋าปีนี้

[วัฒนชัย หาริโร]

จองโตไปลำขอข้าวแหน่เด้อ ทางนี้มีหมอลำแล้ว หมอแคนยังบ่มี5555555

[พล พระยาแล]

คุ้มสามเสนสิจัดคน "คนคุยใหญ่" (คนตระการ) ไปลำล่อง ไก่ฟ้า ดาดวง ใส่ดอกเด้อหมอแคนแอวอ่อน 555

[บ่าวเอ็กซ์]

ผมต้องขอโทษพี่น้องบ้านมหาหลายๆเด้อครับที่บ่ได้ไปร่วมงานพาแลง ผมได้รับคำสั่งทางวิลัยไปปฏิบัติงานนอกพื้นที่ในวันที่ 11 ย่านมาบ่ทันงาน โอกาสหน้าผมขอแก้โตใหม่แน่เด้อครับพี่น้อง เห็นภาพแล้วเป็นตาม่วนหลายคัก