มื้อโฮมร่วมตกแต่งร้านกินข้าวเพล ลาบขม จี่หนัง นํากันครับ

[หล่อร้อยเมตร]

จี่จากอุบลบ่ได้ดอกครับ มันสิแข็งสิโตนแข่วผุเฒ่า เอาไปจี่กินฮ้อนๆจั่งหย่ำง่ายครับ

[วัฒนชัย หาริโร]

ขอสมัครตำแหน่งจี่หนังเด้อครับ อิอิ เปลี่ยนอาชีพก่อนงานนิ

[nuzing]

ติ๋ม/ให้ทิดเข็มเก็บมาหลายๆเด้อจ้าผักขี่เหล็กยอดขาวๆต้นที่อยู่ข้างๆเฮือนงามนั่นจ้ามันเหลือยายสิเอาไปลวกกินกับป่นผ่อเถาตาเลากะมักขมอ่ำหล่ำแซบหลาย
---------------
ผุ่เถ่าเลาหว่ายามกินจี่หนังห้ามนั่งใกล้กัน ------>
หล่อ/ไก่น้อย/อย่ามานั่งใกล้ยายเด้อ ศอกถองใส่แงนดังแปๆ+ขุมตาคักๆหละ แข่วกะสิเหี่ยไปทางได๋ดอกย่านบ่ได้กินนำหมู่ยุเมนูนี่
------------------
พากันแต่งแต่กินร้านต๊ะสิงามเนาะ พากันเมาตาบ่มืน พวงบักโหตร +สายรุ้งคืออาการน่าเป็นห่วงแถ้เด๊

[อ้ายเขียว]

ป้าดซอยต่อนใหย่เป็นตาย่านแท้ครับ ซี้ดดดดดดดดดดดด

[เขมราฐ]

นางวัฒสมัครตำแหน่งจี่หนัง หลินอยู่แผนกทุบหนังเด้อค่ะคุณยาย อิอิ

[พล พระยาแล]

หนังควายแห้งหย่ำป้อนอ้ายแนเด้อบ่าวเซียงน้อย บ่มีแข่วแมะ 5555

[pui.lab]

อ้ายเซียง หาก่าใส่แข่วปลอมใหม่ๆ ระวังเด้ออ้ายแข่วปลอมจิหลุดลงคอ

[บ่าวอิง]

ลาบคือมาแดงจึ่งคึ่งคักขนาน ทางนี้ขอลาบสุกเด้อ

[ตรี ศรีเมืองใหม่]

..... ไผ๋ว่างก็เชิญตกแต่งร้านนํากันเด้อครับ หลังจากตกแต่งร้านแล้วก็ร่วมกินข้าวเที่ยงนํากัน มีลาบเลือดอุบลขมแป๋ตายที่ปรุงโดยบ่าวเซียงน้อย พร้อมด้วยจี่หนังจากอุบล..พร้อมด้วยแนวแก้คาว 285


...ทางครัวเมรี โดยน้องหน่อยเมรีสิได้มาตําส้มตําและทํายําหมูยอจากอุบลฯโดยขนเครื่องปรุงมาจากร้าน ว่าซ้าน และน้องหน่อยบอกมีแนวเด็ดๆมาฝากพี่น้องได้ชิมนํา เช่น นารีรําพึง,โด่มิรู้ล้ม ฯ สิล้มหรือบ่อล้มกะมาลองชิมเบิ่ง ฮ่าๆๆ เอิ้กก

....แค่นั้นยังไม่พอ พี่น้องทาง อําเภอเพ็ญ อุดร สินํายอดผักขี้เหล็ก มาแกงใส่ จี่หนังจากอุบลฯ มาชิมเบิ่งเด้อ ผักขี้เหล็กจากอุดร เจอจี่หนังทางอุบลฯ สิเข้ากันบ่อ อิอิ

....ตบท้ายด้วย มีน้องคนหนึ่งแจ้งความจํานงค์มาทางผมนานแล้ว (แต่ผมหลงชื่อเผิ่น)บอกว่าสิเอาลูกชิ้นมาย่างใว้บริการทีมงาน ที่จัดร้านว่าซ้าน ขอบคุณหลายเด้อครับน้อง ถ้ามาอ่านพ้อกระทู้นี้ ติดต่อกลับอ้ายเซียงแหน่ (จึงจะจําได้ 555+)

[พล พระยาแล]

ย่านเมาแต่ตอนเที่ยงพุ้นเด้บาดเนี่ย แนวกินกะหลาย แนวแก้กะหลาย ฮอดตอนลงทะเบียนสินอนเอาแฮงซะก่อนดอกขะน้อยกะดาย 5555