หมกปลาเอ๊าะเจ๊าะ

[นู๋น้อย]

:l- เมนูนี่กินอิ่นไปหลายมื้อแล้วละจ้า แต่อยากเอามานำเสนอเทื่อมีผู้อยากเฮ็ดตามลองเบิ่งบ่อยาก

ไปตลาดยามแลงๆเห็นปลาสัมมะปิ(ปลาหลายอย่างปนๆกันปลาเล็กปลาน้อย)
คือเวลาไปยามไซ ยามหลี่ได้ปลามาแล้วกะเลือกไว้หมกนั้นละจ้า
แต่นี้ซื้อจากแหล่งทีมาจากกาฬสินธุ์ และปลาดุกเพราะว่าแรกๆอยากกินหมกปลาดุก
หย่างไปเห็นปลาอย่างอื่นกะอยากกินคือกัน ฮ่าๆๆ

"หมกปลาเอ๊าะเจ๊าะ" แปลว่า หมกปลาพอกะเทิน



เครื่องปรุง
ขิง ข่าอ่อน ตะไคร้ ใบมะกรูด พริกสด พริกอ่อน ส้มผักติ้ว ผักหอมตู่ หัวหอมแดง กะเทียม น้ำปลาร้า ชูรส น้ำปลาหรือเกลือ




ตำเครื่องทุกอย่างแล้วกะเอาลงคลุกเคล้ากับปลา ใส่เครื่องปรุง สัดส่วนกะเอาจ้า ตามความรู้สึก ที่คึดว่าจะแซบ อิอิ




ใส่หอมก่อน ห่อ บักพริกอ่อนใส่ลงไปนำอย่าลืม






บ่มีใบตองเลยได้กระดาษฟอร์ยห่อปลาเผามาห่อ



หน้าตาอุ๊ยุ๊ อายะกะส่างมัน



ปิดฝาหม้อรอจักดนเติบ ไปเฮ็ดแนวอื่นก่อนจั่งมาเบิ่ง (สามสิบนาที)



เปิดเบิ่งว่าสุกไป่น้อ



ยังบ่สุกดี นึ่งต่ออีกจักครู่(สิบนาทีผ่านไป)



สุกแล้วใส่ถ้วยพร้อมแซบ กินกับข้าวเหนียวหรือข้าวสวยกะได้จ้า



กินอิ่มแล้ว กะสมทบทุนอาหารเด็กน้อยตาดำๆแหน่เด่อจ้า



:*- เวปเพจบ้านมหาดอทคอม

[ติ๊กต็อค]

เอ้า ว่าไปๆ น้องหล่า มื้อหลัง สิไปฝากท้องนำ อยากกิน อู๋กะปูแหมะ มื้อได๋เข้าไปสิสั่งออเดอร์ ก่อนดอก ๕๕๕

[จำปา]

เป็นตะแซบตั่วล่ะ นู๋น้อย เสียอย่างเดียว คือบ่เอาใบตองห่อ จั่งสิได้รสชาติของการหมก อิอิ

[lungyai1123]

ดีหล่านู๋น้อยเป็นตาแซบอีหลีๆ เดี๋ยวรวบรวมทีมบูรพาก่อนแล่วกะสิมาลุยคัวนู๋น้อยหนิหละหล่าเตียมโตเด้อ

[ฅนภูค่าว]

ของแมนมันแซบหละแมะ ที่แท่กะเป็นปลาจากเมืองกะสินธุ์ หมกยูเมียงซล หอม(ผักอีตู)เถิงโคราช.... :*- แม่ครัว

[บ่าวแอ็ด]

แซบๆๆครับเป็นตาแซบ ฮารุนยามกปลาซิวใสกับปลาดุกเด้อปลาดุกมันสิเปลือย ฮ้าๆๆ

[คุณฉุยเลย]

อยากปั้นข้าวเหนียวคำบักใหญ่จ้ำเบิ่งเด้พี่น้อง สมัยก่อนคนบ้านเฮากินปลาเล็กปลาน้อยซึ๋งมีแคลเซี่ยมสูงเลยบ่ค่อยปวดข้อยามแก่ แต่ปัจจุบันกินไก่ตลาดหลายปวดข้อกันตั้งแต่บ่ทันแก่ คิดไปคิดมาสมัยนี้กินหยังก๊ะมีแต่เคมีครับ กินผักหลายบ่แม่นสิแข็งแฮงเนาะ นอกจากผักพี้นบ้านปลูกเองอีกต่างหาก

[เขมราฐ]

ปั้นข้าวฮ้อน ๆ คุ้ยจักคำแหน่ค่ะ พี่หนูน้อย ตาแซ่บคัก

[ฮักณ.ทุ่งใหญ่]

หมกปลาเอ๊าะเจ๊าะเป็นตาแซบแฮง ขอข้าวเหนียวฮ้อนๆจ้ำนำจักบาดแนเด้อครับ

[เซียนเมา]

หมกปลาเอ๊าะเจ๊าะ พะนะ น่ากินหลาย :b-b
ปลาหลายยี่ห้อแบบนี่หละ คันได้แกล้มคักหลาย อิอิ