กำลังแสดงผล 1 ถึง 4 จากทั้งหมด 4

ผญาธรรม"ควายกับเชือก"

  1. #1

    ผญาธรรม"ควายกับเชือก"

    ว่าเรื่องเพ็ญเพียรสร้าง หนทางแม่นล้าหล่อย

    ถึงสิร้อยเทื่อล้ม อย่าจมถ่อนเรื่องปัญญา

    อย่าท้อแท้แก่ปัญหา ที่เกิดมาให้เฮาแก้

    แลเหลี่ยวมองอย่าหลงส้น มันสิวนดอกหลักเก่า

    ดั่งควายเขานั้นหลงส้น วนได้ไปบ่เป็น

    เชือกเส้นเดียว มันหากเน้น ลากเข็ญให้เป็นคู่

    สายค่องน่องจองจากฮู เจาะรูดั่ง แต่นั่งมอง

    เชือกที่ได้มาคล้อง จองดึงเกิดปัญหา

    กินหญ้ามีตามท่งนา มื่อหนึ่งหนาเจอตอซ้ำ

    จำใจทนวนเป็นเกลียว เชือกยิ่งเหนียวเกี้ยวดึงจ่อง

    หญ้าบ่ตกถึงฮอดท้อง ย้อนค่องน่อง มันจ่องจำ

    บ่มีคำปัญญาแก้ หากเจ้าของแน่ บ่แลเหลียว

    ปลดจากเกลียว ตอตำตา ให้ควายหาหญ้ากินได้

    ภายในใจแต่ก่อนกี้ นายกูนี้ กินแต่แฮง แกล้งเฮาปล่อย

    บ่เคยซ่อย ถืกตีซ้ำ กรรมนี้ไซร้ ต้องไล่แทง

    ขอแสดงธรรมส่ำนี้ เป็นพิธีให้คิดซ่อย

    เป็นถ้อยธรรมปัญหาแก้ แพพื้นภาคเพียร พี่น้องเอ้ย


    ดนๆๆมาเอาผญามาฝากจ้า
    แก้ไขครั้งสุดท้ายโดย ข้าวต้มมัด; 02-03-2012 at 15:09.

  2. #2
    Banned

    วันที่สมัคร
    Oct 2010
    กระทู้
    798
    บล็อก
    4
    ขอบคุณผญาธรรม ตามนำส่อง
    คงเป็นร่องคลองธรรมนำปัญญา
    ขอทำความเข้าใจในปัญหา
    ที่กล่าวมาทั้งหมดเป็นบทกลอน

    ควายกับเชือกท่านเลือกมากล่าวอ้าง
    เป็นช่องทางชี้บอกทางออกผ่อน
    ปัญหาเกิดใกล้ตัวอย่ารีบร้อน
    ผู้รู้ก่อนช่วยสอนทางผ่อนแก้.....แจมนิดๆคาดว่าน่าจะใช่ จ้า

  3. #3
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,533
    ดีกรีบ่ตกอิหลีตั๊วนี้เอื้อยข้าวต้มมัดบ่เห็นมาโดนแล้วกะยังสุดยอดคือเก่าครับผม

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    ควายเกิดมาเป็นบุญค้ำ นำทางไถคาดไฮ
    ไซ่ไถนากะได้ ไซ่ไถไฮกะฮังดี
    ตั้งแต่กี้บ่สะดวกซำบายหลาย
    ทั้งแม่ยิงพอซายคาดไถดำก้า
    จูงควายมาแต่เซ่าเอาแฮงควายแต่เซ่าตรู่
    บ่ได้นอนอยู่ในฮูคือเด็กน่อยซูมื่อนี่...ตั้งแต่กี้เก่าหลัง


    (พลากร พรพระอินทร์)