แกงเห็ดสามสหายใส่ไข่มดแดง

[นู๋น้อย]

พ้อกันอีกแล้วในเมนูเพื่อสุขภาพจ้า

แกงเห็ดสามสหายใส่ไข่มดแดง

สารอาหารครบทั้ง5 หมู่ ปรุงกินเองได้ง่ายๆ(ถ้ามีวัตถุดิบ)

เครื่องปรุง
เห็ดฟาง ดอกจูมๆ
เห็ดเข็มทอง
เห็ดขอนขาว เลือกเอาดอกอ่อนๆ
พริกสดจากจังหวัดใด๋กะได้แซบเบิ้ด
ยอดผักหวาน
ผักหอมตู่
ยอดผักติ้ว หรือ ผักแต้วอ่อนๆ
น้ำย่านางซื้อที่คั้นไว้แล้วกับยายเจ้าประจำ เชื่อใจได้ว่าบ่ผสม
ไข่มดแดง ขีดละ 40 บาท
เกลือ
ชูรส

การปรุง
ล้างผักเด็ดเอาแต่ยอดอ่อนๆ



เห็ดล้างให้สะอาดตัดขาส่วนที่บ่เอาออก



ไข่มดแดงล้างน้ำสะอาด



นำทุกอย่างลงหม้อพ้อมๆกัน ปรุงรสด้วยเกลือและชูรส



ปิดฝาหม้อเร่งไฟแรงสุด ทิ้งไว้ 15-20 นาที ก็เป็นอันเรียบร้อย



ซิมเบิ่งแล้ว แซบบบ ฝาหรั่งกินได้ คนไทยกินดี ลาวคือนางกะแฮ่งแซบ..บ่มีปลาแดกกะดาย อิอิ



กินกับข้าวเหนียวกะได้ ข้าวจ้าวกะดี แซบบบคือกาน แต่มื้อนี้เลือกินข้าวกล้อง





:*- พื้นที่บ้านมหาดอทคอม:l-:l-

[สาวบ้านแต้]

โอ้วๆๆๆๆๆ
ไข่มดแดงโตง โตง แซบๆๆๆๆจ้า
นัวน้ำยานางนำ เด็ดไปเลยจ้า

[ฅนภูค่าว]

บ่มีเข่าเหนียวจักติ๊บแนบ้อน้อเนาะ

[ไก่น้อย]

โอยยยหน่ายอ้ายขะน้อยเด่ น้ำลายฟ่งใส่หน้าจอ แล้วหละ ฮ่าๆๆอยากเด่ ข้าวเหนียวตุ้ย ก้อยไข่มดแดง ซดน้ำแกงเห็ดใส่ผักหวาน ออย สุดยอด อิอิ

[สาวทองแพง]

คือเป็นตะแซบคักแท้จ้าแม่ครัว ให้ชิมนำจักคำแหน่จ้า

[พล พระยาแล]

อ้ายคนภูค่าว งานพาแลงจัดให้แนเด้อก้อยไข่มดแดง ปรุงสด ๆ จั่งค่อยแซบ

[siranee]

มื้อนี้ไปตลาดคลองเตยกะน่ะ ย้านแจ๋วได้กินหลื่นสิไปหามาแกงคือกันล่ะแจ๋ว
ชวนอินางตูนสายลมก่อนสิร่วมวงนำบ่ :l-

[สหายพง]

เว้าเถิงมดแดงมื้อวานเสียเงินอีกแล้วติหล่า555ทางชลมีมดแดงยุติหือว่าเป็นมดแดงทะเล

[นู๋น้อย]

ใผ๋บอกให้มาเว้าให้อยากนำละท่านฟี่ กะย้านทางปากน้ำได้ลื่นแหล่วน้อ ขีดละ 40 บาทกะยอม...ยามเช้ามาลาภปากอีกลุงแกงหน่อไม้ไว้ยุโรงงาน แซบบบอีก ฮ๋าๆๆ

:l- ฟ่าวๆเอื้อยให้ คนไปยามเฮ็ดสู่กินโลด ฮ๋าๆๆ


:*-:*- ทุกๆความคิดเห็นจ้า ขอบคุณที่แวะมาเยี่ยมชมกะทู้แนวกินของนาง :l-

[siranee]

กินอิ่มแล้วแจ๋วแซ้บแซบ ไข่มดแดงเคิ่งโล เห็ดรวม(4อย่าง) หน่อไม้สด ผักหวาน บักบวบหอมตุ้มๆหยุมลงหม้อเดียวเลย พร้อมด้วยปลาส้มทอดเหลืองๆ เอื้อยว่าสิเอารูปมาอ้าง
แต่ว่าเอื้อยโพสต์บ่เป็นหรือจั่งได๋บุรูปบ่ขึ้นมาให้เลย อดเบิ่ง เอื้อยแกงหม้อใหญ่
หนึ่งเลยแจ๋วที่เหลือเอื้อยกะตักแบ่งแม่บ้านของโรงแรม กับพี่เลี้ยงอิม๋าน้อย แกงเทื่อ
เดียวกินได้หลายคนคุ้มค่าบ่น้อง :l-