ก้อยไข่มดแดง " สูตรนู๋น้อย"

[นู๋น้อย]

ในที่สุดกะได้กินก้อยไข่มดแดง สมใจอยากพี่น้องเอ่ย เลิกงานแล้ว แวะตลาด ยังโลละ400 ยู่กะส่าง แนวว่าอยากกิน



ก้อยไข่มดแดง "สูตรนู๋น้อย"

เครื่องปรุง

ไข่มดแดง 1 ขีด
หอมหัวแดง พริกสด( เผา)หั่นหรือสับให้ละเอียด
ข้าวคั่ว
หัวหอมแดง สะระแหน่ ผักหอมใบเลื่อย สอย
น้ำปลา
ผงชูรส



วิธีปรุง

นำทุกอย่างที่มีใส่ภาชนะที่ใหย่ๆ พอจะคลุกเคล้าเครื่องปรุงให้เข้ากันได้ เติม ผงชูรส น้ำปลา บีบบักนาวใส่หน่อยหนึ่ง เพื่อเพิ่มรสเปรี้ยวนิดๆ





แล้วกะซิมเบิ่งรสชาติ แบบว่าบ่ต้องเติมหยังหลายเทคเดียวผ่าน ตักใส่จานพร้อมแซบ

[นู๋น้อย]

:b-b เมนู ต่อเนื่องจ้า เนื่องจากว่า อยากกินหลายอย่างในมื้อเดียวกัน :l-

ลาบปลาดุก"สูตรชาวหอ" มีที่มาคือ..ย้านมาอยู่อพาร์ทเม้นท์บ่สามารถทำอาหารที่มีกลิ่นฉุนๆได้ อย่างเช่น ต้มน้ำปลาแดก เลยดัดแปลงสูตรนิดหน่อย

เครื่องปรุง

ปลาดุกย่าง 1 โต ซื้อมาแต่ตลาด(15 บาท)
พริก หอม เผา...ไม้ละ 5 บาทเหมือน(เดิมสับให้ละเอียด)
หอมแดง คะไคร้ ใบบักกรูดซอย (3 กำ 10 บาท)
น้ำต้มหัวปลาดุก(แทนน้ำต้มปลาแดก)
ข้าวคั่ว
ผงชูรส
น้ำปลา
เกลือ
บักนาว
หัวข่าอ่อน




วิธีปรุง

แกะเอาเนื้อปลาดุก สับใส่กับหัวข่า



หัวปลาดุกและก้าง เอาไปต้มใส่กะเกลือ พอเป็นน้ำซุป จ้า
แล้วกะเอาเนื้อปลาดุกที่สับแล้ว ลงไปคนๆๆให้เนื้อปลาแตกเข้ากับน้ำซุป



เสร็จแล้วใส่เครื่องปรุงทุกอย่างลงไป คลุกเคล้าให้เข้ากัน



ซิมรสชาติ เทคเดียวผ่านอีกละเพราะว่า เกือบเค็มแล้ว บีบบักนาวตามลงไป โรยสะระแหน่ตาม ก็เป็นอันเรียบร้อย




ตักใส่ถ้วยน้อยๆ เพราะว่า เฮ็ดน่อยๆ ฮ๋าๆๆ พร้อมกับผักสดผักลวกตามใจชอบ




ได้กินแล้ว..บาดนี่พี่น้อง มาเด้อจ้า กินข้าวนำกัน (ข้าวเที่ยง+ข้าวแลง)

:*- พื้นที่บ้านมหาที่เอื้อเฟื้อสถานที่ในการนำเสนอ

[บ่าวบาน]

ไผน้อสิได้เป็นเนื่อคู่ผู้นอนซ้อนหนูน้อยเฮ็ดกับเข้าเก่งอีหลีเป็นตาอยากไปกินน้ำแท้ฝากแกงเฮ็ดใคมาหั่ยชิ่มอีกเมนูครับ

[nakorn]

เอือก...อ่า.........กลืนน้ำลาย

[keuyubon]

เห็นแล้วน้ำลายใหล หิวเข่า

[ติ๊กต็อค]

เด๋ยวเคลียร์ ธุระปะปัง แล้วสิไปหาเลาะ เมืองชล ดอก อิอิอิ

[จำปา]

มายามเดิกกะยังมาพ้อแนวกินยุ โอ้ย..หนู๋น้อยเอ้ย มะไห่ชิมดู้ลาบปลาดุกน่ะ ก้อยไข่มดแดงบ่กินนำดอกค้านเกา 555

[สหายพง]

555หากินจนได้น้อโลละ 400 ติเอิ้นมากินของถืกบ่มาอยากกินของแพง

[ฅนภูค่าว]

ฮ้วยๆๆๆซ่างเอามาเฮ็ดให่ฅนน้ำลายโหยดแท้น้อบาดนี่ มื้อแลงนี่หละเห็นฮังนึงยูฮั้วข่างเฮือนฮังบักใหญ้ ต้องไปแยมาก้อยแล้วหละ...

[เซียงสีผีเป้า]

ตำอิดบ่ซื้อว่ามันแพงขีดละ40 ไปๆมาๆ กะซื้อจนได้ 555

สมอยากแล้วไป่ เทิงก้อยเทิงลาบ

ก้อยไข่มด นี่ เห็นแล่วอิจฉา


แต่ลาบปลาดุก เห็นแล้ว เหลียโตนเนาะ เบิ่งซงเป็นตาบ่นัวน้ำปลาแดก สั่นดอกหวา