หมกเห็ดนางฟ้า(หมกหม้อ)

[นู๋น้อย]

วันหยุดสุดเหวี่ยง..หลังจากไปหาเลาะตะลอนๆหย่างตากแอร์ในห้างฯพอมีแฮงกายในยามกลางเวนแล้วกับมาห้องกะเมื่อยและหิว(อย่างแรงส์)...ซั่นแล้ว จ้าพี่น้อง

มีเสบียงซื้อมาไว้แต่แลงวันเสาร์ นั้นกะคือ เห็ดนางฟ้าดอกอ่อนๆ ตอนแรกว่านึ่งจิ้มแจ่ว..แต่บ่มีปลาแดกเฮ็ดแจ่วมันจะบ่แซบกะเลยเปลี่ยนแผน ซั่นเด้



พอดีว่าคึดพ้อ ฝีมือแม่ครัวทางอุดรพลัดถิ่น เผิ่นเฮ็ดสู่กินตอนที่ไปพักนำเผิ่นอยู่เกาะสมุย

เลยคึดว่าหมกเอากะน่าจะโอ..(โอเค) จัดไปบาดนี่

"หมกเห็ดนางฟ้า"

เครื่องปรุงเครื่องเคียง
เห็ดนางฟ้า หรือ เห็ดขอนขาวกะแซบ ที่เด็ดสุด เห็ดเข็มทอง หมกแซบๆจ้า
พริกสด หอมผักตู่ ยอดผักติ้ว ตะไคร้ ไข่ไก่




วิธีปรุง

ล้างเห็ด และผักให้สะอาด แล้กะฉีกเห็ดให้เป็นฝอยๆหรือไผ๋มักแบบบ่ต้องฉีกกะได้จ้า

ตามสะดวก หั่นพริกหรือทุบ หรือใส่เบิ้ดหน่วยกะได้ สอยตะไคร้ หรือทุบ กะได้

เอาทุกอย่างรวมกัน โรยเกลือกะเอาว่าพอดี บ่เค็ม ใส่ผงชูรสนิสหนึ่งกะเอาว่าจะใส่จั่งได๋จะแซบ ฮ๋าๆๆ




แล้วกะล้างมือสะอาดๆหยุ๋มเลย ขยั้มให้เข้ากันเครื่องปรุงกับเห็ดและหอม



แล้วละเอาลงใส่หม้อหรือถ้ามีใบตองกะแจ๋วไปเลยจ้า ใส่ใบตองหมกไฟเตาถ่านอ่อนๆใช้เวลาแหน่แต่กะแซบ

แต่นี้บ่มีทั้งใบตองแล้วกะเตาถ่านเลยใช้กะทะไฟฟ้าแทนจ้า...ใส่น้ำพอเอ๊าะเจ๊าะเพื่อใส่ไข่นำ



ทิ้งไว้พักหนึ่ง(ห้านาที) ตีไข่ไก่ ใส่ตามลงไป ให้หม้อเดือดๆก่อนจั่งคนๆๆให้ไข่กับเห็ดและเครื่องปรุงเข้ากันดี



V
V



แล้วกะปิดฝาหม้อ รอจนว่าน้ำแห้ง เป็นอันว่าใช้ได้

V
V




V
V



จบกระบวนการหมกหม้อ........เชิญแซบ จร้า :l- ถ้ากินกับข้าวเหนียว เมนูนี้แซบจนลืมอิ่มไปเลย



ปิดท้านกะทู้ กับ ดอกชวนชมสีสันสดใส ที่กำลังออกดอกแข่งกับสายฝนที่พึ่งหยุดไปตอนบ่ายวันเสาร์ที่31-3-2555

:*- หน้าชั้นเรียน โรงเรียนบ้านมหาดอทคอม..ที่ให้นู๋ส่งการบ้านในมื้อนี่

[lungyai1123]

คือดีแท้ตื่นขึ่นมากะมีแนวกินแนวอยากเฮ็ดเสร็จแล่วหอมกุ๊บทีบ
อยู่ในกะทะมากินเข่านำกันทีหนิเซิญแซบเลย

[wundee2513]

พบแล้วนางฟ้าหามานาน
ที่ต้องการเจ้าปรากฎโฉม
ช่างหอมหิวเมื่อดอมดม
ต้องขอชมเข้าท่าทำน่าทาน ...

[thedon]

ป๊าด...อาหารชั้นสูง เห็ดนางฟ้า เทวดากิน อิ อิ

[เซียงสีผีเป้า]

หน่อยโพด บ่อิ่มดอก หมกหลายๆกั่วนี่แหน่ พอสิได้ฝากท้องนำ 555

[ฅนภูค่าว]

สมซือว่าหมกหม่อยูดอก หมกจนน้ำแห่งเหมิด บ่เหลียน้ำไว่ให่จ้ำจักหน่อยเลยเนาะอีหล่า...

[จำปา]

แม้แต่(เห็ด)นางฟ้า กะบ่พ้อแม่ครัวนู๋น้อยเอามาเฮ็ดแนวกินน้อ อิอิ

เป็นตะกินตั่วหล่ะ คือบ่จ่งน้ำไว้จั้มจักน่อยแนน้อ บ่ย้านผุเฒ่าแค้นข้าวติ คิคิ

[นู๋น้อย]

:*-:*- ทุกๆการเยี่ยมชม และ ความคิดเห็น จ้า มื้อลุนพบกับ อาการภาคพื้นดิน