มื้อนี้มีโอกาศี่ดีสิเอาภาพความประทับใจของผมมาเล่าผ่านภาพนะเว๊ปบ้านมหาแห่งนี้ เป็นช่วงหยุดยาวตามประสามนุษย์เงินเดือนมีเวลาหน่อยบ่ค่อย
ได้เมือบ้านดอกครับกะอาศัยช่วงแบบนี้ล่ะเนาะ บ่เว่าด่นแล้ว ตามมาเลยครับระหว่างทางลงไปหนองข้างนาสิผ่านสวนยางของผมเอง
และตัดภาพมาลงห้วยกันเลยครับ มาเบิ่งหลังแรกกันเลยครับ หลงนี้ลั่นแต่ว่าสิมีโตบ่ต้องตามเบิ่งครับ
เบิ่งใกล้ๆกันครับ นี้ละลักษณะของจั่นดักปลาภูมิปัญญาบ้านเฮา ปลาที่สิหาหม่องวางไข่สิเข้าแทบทุกโตครับ
และพอเอาขึ้นจากน้ำมากะเปิดฝาปิดออก แจ๊คพอร์ตครับ ได้สองโตเลยหลังแรกถือว่าสุดคุ้มครับพี่น้อง
หน้าตาของเหยื่อ และอีกบ่ด่นสิเป็นแนวกินแลงละครับ
และพอเอาปลาแล้วกะใส่คืนกลับไปคือเก่า และมาหลังที่สองเลยครับ หลังนี้บ่ลั่นปล่อยไว้ก่อน
และนี้เป็นบริเวณห้วยที่พ่อเพิ่่นใส่จั่นเป็นหนองน้ำเล็กๆที่กำลังสิแห้งเนืองจากมันแล้งคัก:l-
หลังที่สามมีแนวโน้มที่ดีครับ แต่สิมีโตอิหยังอยู่ข้าในกะยังบ่ฮู้บางทีเปิดเบิ่งอาจสิมีงูกะได้ไผ๋สิไปฮู้
มาเบิ่งใกล้ๆกันครับหลังนี้ หลังที่สามแล้วสิมีแนวใส่ข่องอีกบ่
และหลังจากที่เปิดเบิ่งแล้ว หลังนี้ฟาวล์ครับบ่มีโต สรุปมื้อนี้ได้แค่สองโตเนาะครับบ่เป็นหยังมีหน่อยกินตามหน่อยละ ขอขอบคุณพี่น้องซุคนละครับที่เข้ามาตามชมภาพของบ่าวจัย ขอบคุณพื้นที่เว๊ปบ้านมหาดอทคอมด้วยครับ ขอบคุณทุกข้อความทุกแรงใจครับผม
Bookmarks