หาอาหารป่ากินช่วงสงกานต์ปี 55

[บ่าวบาน]

ช่วงสงกานต์หลังจากผ่านช่วง12-14 มาแล้วบ่าวบานกะรู้สึกเป็นล้า ๆ เพลีย ๆ หลังจากเฉลิมฉลองสงกานต์มาสองสามื้อติดกันถืกทุกกษัติย์ บักสี่สิบเบียร์เหล้าสาโธบ่ได้ขาดดี ๆ ยามเจ้าได้ป่่อนมากะเลยชวนหลานชายปะไปหาแนวกินป่าเถาะเฮาได้หยังกะเอาพะนะแก้เซ็งย้องวาช่วงเลย 15 เมษามาแล้วคนกะเริ่มทยอยกันกลับภมิลำเนาแล้ว



พ่อดอกะเจียวพี่น้องจัดเลยครับพวมพ้นดินมาพอดีกะเลยจัดการซะ



ตามด้วยแหย่ใข่มดแดงหากินของสูงเบิ่งสาก่อน



เอ่าเเม่นฮูอิหยังเนี่ยบ่แม่นฮู้แย้บ่ไปเอาเสียมมาเบิ่งก่อนน่า อย่าเว้าอย่างนักอนุรักษ์กะแล้วกัน




ลิ้นก่านพอได้อยู่พี่น้องได้มาเกือบสามสิบโต







ระหว่างทางพ่อผักอี่ตู่ตายแล้งอยู่ต้นหนึ่งกะเลยว่าสิเอาไปผัดเผ็ดผักอี่ตู่แบบนี้หละพี่น้องหอมและฉุนดีหลาย






เอาไว้ติดตามต่อสำหรับกระทู้อาหารอีสานเด้อครับสิเอาแย้ชุมหาได้นี้แหละมาขั่วกับลาบสู่กินขอบคุณเวปบ้านมหาที่ได้หั่ยพื้นที่สำหรับเผยแพร่กิจกรรมและเรื่องราวดีๆของคนอีสานพลัดถิ่นครับ

[บ่าวจัย]

ก้อยใส่หมากม่วงน้อยเด้ออ้ายแซบยุเด้ผมว่า

[เซียงสีผีเป้า]

ปิ้งหอมๆตำใส่บักม่วง กินกับยอดผักติิ้ว ยอดผักใส่ขมๆคือสิคักเนาะครับ

[ไทกาสิน]

ผัดเผ็ดแง้ แซบบบคัก..
:l-:l-:l-

[หนุ่มน้อยศรีสะเกษ]

ไปไล่แย้ไปไล่แย้ แอ้แห่ๆๆๆ

[คุณฉุยเลย]

อ้ายบ่าวบานนี่ สุดยอดพ่อคัวหัวป่าอี่หลีเนาะ หากินเก่ง เฮ็ดกับแกล้มกะเก่งพร้อม

[หนุ่มเกษตร]

ไปไลแย้ไปไลแย้ลวกดอกกะเจียวก้อยไข่มดแดง,ก้อยแย้บะตามด้วย20+20

[ณัฐ ภูไท]

เมื่อกอ่นพุ้นเห็นอยู่ลานวัดหลายกะด้อเนาะแต่กะบ่เคยกินกันทางบ้านหนะแย้พอสายๆๆแหน่ออกจากฮูขึ่นมานอนตากแดดเนาะคือว่าหั่นหละมักไผมักมันเนาะ:*-

[แดนดาหาร]

แนวได๋มันสิแซบกะเฮ็ดมาสู่กันกินแหน่เด้ออ้ายบ่าว ขอสูตรพร้อมเด้อ

[ครูตุ่ม]

เห็นแล่วกะคึดฮอดสมัยเป็นเด็กน้อยน้อครับเฒ่าพ่อเพิ่นพาไปขึ่นโคกสับดอกกระเจียว ขุดแย้ กินเข่าป่า
คึดฮอดคัก...