หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 28

สายสัมพันธ์บ้านมหา อุบล-โขงเจียม-สำโรง

  1. #1
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    เกาทัณฑ์ สายสัมพันธ์บ้านมหา อุบล-โขงเจียม-สำโรง


    สวัสดีพี่น้องบ้านมหาที่คิดฮอดคิดถึงซู่คนจ้า
    ม่วนๆ กันไปแล้วเนาะจ้าสำหรับเทศกาลสงกรานต์บ้านเฮาที่ผ่านมา
    พี่น้องกะคือสิทยอยเดินทางกลับเข้ามาเฮ็ดการเฮ็ดงานกันเบิดแล้ว


    ขามป้อมเองปีนี้บ่เปียกน้ำจักเม็ดเลยจ้า แหะๆ (เรตติ้งตกคักกะยังว่า เดียวนี้คะเจ้าพากันหนิ่งกันสาดน้ำ)
    ฉลองสงกรานต์กับพี่น้องชาวอำเภอโขงเจียม จังหวัดอุบลราชธานีจนฮอดวันที่ 15 เมษายน 55 ที่ผ่านมาจ้า

    จากกำหนดการเก่าว่าจิเข้าเมืองอุบลฯ ในมื้อวันที่ 16 เพื่อพบปะและขอบคุณพี่แจง "ธิดายาเย็น"ของเฮา
    ที่เลาเป็นธุระรับของจากทางขอนแก่นไว้ถ่า รวมถึงอยากพ้อหน้าพี่น้องบ้านมหาของเฮาทางอุบลฯจ้า

    แต่กำหนดการกะเลื่อนมาเป็นวันที่ 15 แลงหลังจากเก็บร้านแล้ว
    ย้อนว่า เสี่ยวติ๊กต๊อค เพิ่นซวนไปนอนบ้านเพิ่นคืนหนึ่งแล้วค่อยเมือขอนแก่นพานะ
    เพราะเพิ่นต้องเมือตอนเช้าวันที่ 16 ขามป้อมเลยโทรหาอ้ายวรเช้าวันที่ 15 ว่าเปลี่ยนแผนเด้อจ้าอ้าย
    "เลื่อนนัดเข้ามามื้อหนึ่งอ้ายสะดวกบ่" อ้ายวรตอบมาว่า "โอ้ย กำลังว่าจิพากันไปเซอร์ไพร์สเด้นิ
    อ้ายกับหนุ่มวีระกำลังไปโขงเจียม" พานะ


    สายสัมพันธ์บ้านมหา อุบล-โขงเจียม-สำโรง


    สายสัมพันธ์บ้านมหา อุบล-โขงเจียม-สำโรง


    และแล้วสองหนุ่มหล่อเพิ่นกะพากันมาฮอดจ้า มาแล้วกะมาเป็นนายแบบให้กับทางร้าน อิอิ


    สายสัมพันธ์บ้านมหา อุบล-โขงเจียม-สำโรง



    สายสัมพันธ์บ้านมหา อุบล-โขงเจียม-สำโรง


    สายสัมพันธ์บ้านมหา อุบล-โขงเจียม-สำโรง


    หมูยอเมืองอุบล อ้ายวีระเพิ่นซื้อมาฝาก ขอบคุณหลายๆจ้าอ้าย
    แซบสมคำร่ำลืออิหลี อิอิ



    สายสัมพันธ์บ้านมหา อุบล-โขงเจียม-สำโรง


    สายสัมพันธ์บ้านมหา อุบล-โขงเจียม-สำโรง


    สายสัมพันธ์บ้านมหา อุบล-โขงเจียม-สำโรง


    สองหนุ่มเพิ่นพากันไปเบิ่งแม่น้ำสองสี อ้ายวีระว่า คนอุบลฯ บ่เคยมาโขงเจียมพานะ


    สายสัมพันธ์บ้านมหา อุบล-โขงเจียม-สำโรง

    ได้เวลาอำลาพาจาก หนุ่มๆ เพิ่นถ่ายรูปฮ่วมกันเป็นที่ระลึก
    ขอบคุณอ้ายเทิงสองเด้อจ้า ที่แวะมายาม ดีใจหลายๆจ้า

    ส่วนขามป้อมกะเก็บของเตรียมเดินทางไปอุบลฯ เพื่อนติ๊ก พี่อร และพี่แจงถ่าอยู่
    แต่ว่าคาไปหลงเมืองอุบลย้อนว่าหนีคนเล่นน้ำ กว่าจิไปพ้อกันกะจน 4 ทุ่ม พี่แจงถ่าบ่ไหวหลับไปก่อน


    สายสัมพันธ์บ้านมหา อุบล-โขงเจียม-สำโรง



    สายสัมพันธ์บ้านมหา อุบล-โขงเจียม-สำโรง


    สายสัมพันธ์บ้านมหา อุบล-โขงเจียม-สำโรง

    ฟ้าสางที่บ้านเปือย ณ วันที่ 16 เมษายน 2555 เช้านี้เจ้าภาพเพิ่นพาออกไปท่งหายาย
    ไปรดน้ำขอพรเพิ่น คุณยายอายุ 85 ปีแล้วแต่ยังแข็งแรงอยู่เลยจ้า



    สายสัมพันธ์บ้านมหา อุบล-โขงเจียม-สำโรง


    สายสัมพันธ์บ้านมหา อุบล-โขงเจียม-สำโรง


    สายสัมพันธ์บ้านมหา อุบล-โขงเจียม-สำโรง


    นาปรังกำลังจิได้เกี่ยว บรรยากาศกะดี เลยขอเก็บภาพกันจักหน่อย


    สายสัมพันธ์บ้านมหา อุบล-โขงเจียม-สำโรง



    สายสัมพันธ์บ้านมหา อุบล-โขงเจียม-สำโรง


    สายสัมพันธ์บ้านมหา อุบล-โขงเจียม-สำโรง


    สายสัมพันธ์บ้านมหา อุบล-โขงเจียม-สำโรง


    ออกจากท่งนาแล้ว เจ้าภาพเพิ่นกะบอกว่า " ปะๆ ไปเก็บบักพริกเมือกินบ้าน เฒ่าพ่อปลูกไว้หลายคัก"

    ป่าบักพริกเฒ่าพ่อมุ่นเบิดบาดนิล่ะ ฮ่าๆ




  2. #2
    ดีเจ นักจัดรายการ สัญลักษณ์ของ บักขามป้อม
    วันที่สมัคร
    Jun 2009
    ที่อยู่
    อิสานบ้านเฮา
    กระทู้
    667
    บล็อก
    5

    พบปะพูดคุย







    อดบ่ได้ที่จิเก็บภาพ (ขนาดในป่าพริกกะบ่เว้นฮ่าๆ)







    สองสาวสวยในป่าพริก งามงด ทุกๆ อิริยาบถ





    สงสัยจิพากันเมื่อยคัก เบิดแฮงกาแฟเฒ่าแม่แล้ว ฮ่าๆ





    มาฮอดเฒ่าแม่กะหาพาข้าวไว้ถ่าแล้ว มีแต่แนวลูกสาวเพิ่นมัก
    แกงเปรอะรวม หวาย หน่อไม้ เห็ด แซบคักพออยากห่อพานะ ผู้ลังคนว่า












    กับบรรดาของฝากจากเฒ่าพ่อเฒ่าแม่ ขอบคุณหลายๆจ้า
    หลังจากกินข้าวงายอิ่มแล้วกะแยกย้ายกันเดินทาง

    ขอบคุณสำหรับมิตรภาพและการต้อนรับที่อบอุ่นเด้อจ้าเพื่อนติ๊กและครอบครัว
    รวมไปถึงพี่อรสาวมุกนำจ้าดีใจที่มีโอกาสได้พ้อกันจ้าพี่







    หลังจากแยกกันกับเพื่อนติ๊กแล้ว ขามป้อมเดินทางกลับขอนแก่นไปยังเส้นทาง ศรีสะเกษ-ราษีฯ-สุวรรณภูมิ-ร้อยเอ็ด
    ต้องผ่านสวนสมเด็จฯ เลยพากันแวะเบิ่งดอกลำดวน หลังจากที่เคยมาเมื่อปีที่แล้วแต่บ่เห็น










    ปรากฎว่าเหลือดอกลำดวนอยู่บ่หลายจ้า กำลังจิเบิดแล้ว พอได้เห็นแหน่อยู่จ้า















    เดินทางกลับผ่านช่วงอำเภอเกษตรวิสัย พ้อแม่ค้าขายเห็ดข้างทาง เลยพากันจอดซื้อไปแกงกินแลงจ้า
    มีบักแงวกับบักไฟนำ มัดละสิบบาท หวานๆส้มๆ กินไปนำรถพอบ่อยากนอนจ้า อิอิ









    และมื้อนี้ทักทายพี่น้องจาก อำเภอตระการพืชผล จังหวัดอุบลราชธานี
    มาเด้อจ้าพี่น้องกินข้าวนำกันจ้า

    ขอบคุณมิตรภาพจากพี่น้องไทอุบลฯเฮาซู่คนเด้อจ้า
    และขอบคุณพื้นที่แบ่งปันจากเว็บบ้านมหาดอทคอมจ้า

  3. #3
    ขอบคุณที่พี่ขามป้อมและอ้ายเต็มได้แบ่งบันภาพงามให้ชมกัน เบิ่งแล้วคนไกลกะคิดฮอดบ้านโดยเฉพาะเวลาโพสต์แนวกิน ฮ่าๆ

  4. #4
    ผู้ช่วยผู้ใหญ่บ้านมหา
    มิสบ้านมหา 2012
    สัญลักษณ์ของ ติ๊กต็อค
    วันที่สมัคร
    Mar 2007
    กระทู้
    2,197
    บล็อก
    3
    อย่าลืมไปเอาสูตร กระยาสารทแม่รัตนี เด้อ นาง เลาพ้อมสิถ่ายทอดวิชา เพราะว่าลูกสาว บ่ไปเรียนเอา จักเทือ 555+++++

    ว่าแต่ไผ๋ผ่านไปทางบ้านเปือย ต.โนนกาเล็น อ.สำโรง จ.อุบล กะแวะทักทายกันได้เด้อจร้า มีป้ายไปรษณีย์ อยู่หน่าบ้านนิละจร้า :l-


  5. #5
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    อัน ๆ ผุเสื้อลาย ๆ นี่แมนดีเจเต็มใจให้เธอบ่ครับ หน้าสีคุ้น ๆ ซั่นดอก

    เพิ่นมาคือหล่อกั่วเก่าแถะซั่นดอก มียาดีกินแล้วหนุ่มกะบอกแนเด้อครับ

    ส่วนยากินแล้วเถ่านั่น บ่ต้องบอกกะได้...อิอิ


  6. #6
    แบ่งปันความรู้และประสบการณ์ สัญลักษณ์ของ สาวพุเตย
    วันที่สมัคร
    Apr 2009
    กระทู้
    332


    งามเนาะ...บักพริกแมะ...เอิ้กกกกกกกกกกกกกก

  7. #7
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    382
    บล็อก
    63
    เป็นตาไปม่วนนำเพิ่นเน๊าะเก็บพริกแบบซะเราะกราวนั่นหนา ฮ่า ๆ ๆ

  8. #8
    ร่วมถ่ายทอดความรู้สู่สังคม สัญลักษณ์ของ แจ่มใสยิ้มสวย
    วันที่สมัคร
    Mar 2009
    ที่อยู่
    USA
    กระทู้
    1,014
    บล็อก
    18
    ดูไปน้ำลายไหลกับส้มตำตอนแรกก็ดูเงียบคนเดียวหรอกนะ แต่พอเห็นสวนพริกเรียกคุณชายมาดูด้วย เอ้อทำไมพริกเราไม่งามอย่างนี้บ้าง และถึงรูปเห็ด oh!! Thai Mushroom I hate this website. I hate it. โอ้ยเนาะหือ

  9. #9
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    ตั้งใจว่าสิไปหาเอื้อย อ้ายทั้งสองให้ได้ แต่กะมีแนวให้ต้องบ่ได้ไป ต้องขอโทษหลาย ๆ ต้องมีอีกหลายโอกาสเน๊าะค่ะ

  10. #10
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    จากเหตุการณ์หลายๆอย่างที่เฮ็ดให้พลาดโอกาสบ่ได้พ้อกันครบทีม แต่กะบ่เป็นหยังจ้าโอกาสหน้าฟ้าใหม่จั่งมาพ้อกันกะได้จ้าน้องขามป้อม เสี่ยวเต็ม..แต่ว่าขิ๋วอ้ายวร กับอ้ายหนุ่มวีระเว่ยล่ะไปดีคักเนาะ..


Tags for this Thread