เข่าป่าหาสับดอกกระเจียว ซ่วงสงกรานต์หลังจากวางเว้นไปหลายปีเติบ แดดร่มลมตกมื้อนี่กะเลยซวนลุงยูบ้านเข่าป่าหาสับดอกกระเจียวกัน มาๆพี่น้องสิพาเข่าป่าหาดอกกระเจียวมาต้มกินกับป่นปลากัน
กะเป็นป่าหากินของซาวบ้านเฮานี่หละบ่ไกลจากหมู่บ้านปานได่ วางสองสามกิโลนี่หละหย่างเอากะฮอดยู(หม่องเคยหากิน)
ดอกแรกที่พ้อแมนสิบานแล้วกะเอาไว่ก่อนดอกแรกแฮกหมานวาซ้านนนน
ดอกนี่ไคแนกำลังงาม
ลุงผุเพิ่นนำทางถ่าบ่ฮู้หม่อง โคกได๋ป่าได๋เถิงยามมันออก หาเหมิดมื้อกะบ่ได่พอสิบดอก
บ่แมนว่าสิมีแต่ดอกกระเจียวแดงเด้อพี่น้อง ดอกกระเจียวขาวกะมีแต่กลิ่นมันสิแฮง(ฉุน)ก่อกระเจียวแดง บางหมู่บ้านสิบ่กิน แต่หมู่บ้านผมกินเหมิดเทิงสองอย่าง...มิฮิ
นอกจากดอกกระเจียวแล้วกะมีแนวอื่นนำยู "ว่านตูบหมูบ"ขุดขื่นมาดมเบิ่งห้อมหอมพี่น้อง ไผฮู้สรรพคุณมันแนน้อ...บอกแน
ก๋าว่าได่พอกินแล้วกะกลับเมือบ้านแล้ว เอาไว่ให่ผุอื่นหากินนำแน บ่ได่หาเผือสิเอาไปขายเน๊าะเอาแค่พอกินกะพอ.....
เห็นลายหลายปอกออกแล้วกะได่ซำนี่หละพี่น้อง กะเอาไปล้างน้ำเอาขี่ดินออกแล้วกะต้มกินกับป่นกับแจ่ว ให่สมอยากกับไปหามาเมื่อยๆซะ....
สุดท้ายกับภาพนี่หละครับต้มดอกกระเจียว มื้อแลงคือสินอนหรับดียูดอก เมือยแมะโด้นโดนเข่าป่าหาสับดอกกระเจียวเทือ
:*- พื้นที่บ้านมหาดอทคอมที่ให่นำเสนอ
เข่าป่าหาสับดอกกระเจียว ซ่วงสงกรานต์ ปี๕๕ ขอบคุณครับผม
Bookmarks