ต้มไก่ใส่บักขามเปียก กับแจ่วบองปลาแดกปลากะเดิด มาแซบนำกนเด้อพี่น้อง

[ณัฐ ภูไท]

เห็นบ่าวบานเลาต้มไก่แล้วจังแม้นเป็นตะแซ่บคักเนาะแนวไก่บ้านเอามาใหม่ๆๆกะเป็นตะอยากพายติบเข่าไปหาเลายุเฮ็ดแนวกินเก่งๆๆเนาะคันกินอิ่มแล้วกะอย่าลืม:,1-:,1-:,1-:*- คันซั้นหละพุงสิมาเยี่ยมสั่นแหล่ว

[ครูต้วย]

หลูโตนบ่าวพล ทางบ้านครูต้วยบ่มีตับไตขาย มีแต่ซี้นเอิ๋กมันตั่วทั่น เฮาพายติ๊บเข่าไปหาบ่าวบานกันดีกั่วเนาะ
สิลองห่อหมกไข่ปลาไปนำดีบ่จ้า สูตรบ่ตายตัว ตามประสาลาวพลัดถิ่น หลักๆกะมีไข่ปลา ปลาแดก ผงชูรส พริก หอม หัวสิงไค ผักชีลาว ต้นหอม ห่อกระดาษอลูมิเนียมฟอยด์ แล่วกะโยนเข่าเตาอบ ไปบ่าวพลไปนำกัน ทางครูต้วยมีสามีกับลูกสาว ลูกซายไปนำเด้อ พอบ่ล่ะอาวบานแนวกินเจ้า

[บ่าวพล]

เว่าเรื่องบักขามเปียกแล้วอยากเหล้าขาว

[นู๋น้อย]

เซฟใหย่ เขาจะกินต้มไก่ บ่ได้กินหมากขามแกล้มเหล้า

[ครูต้วย]

ตะสมัยวัยหนุ่มกะวาแมนคักยุ 20+20 กับบักขามเปียกนี่กะดาย เว่ามาล่ะกะนำ้ลายไหล

[หนุ่มน้อยศรีสะเกษ]

เรื่องการลงกระทู้อาหารต้องขอครับแนะนำจากผู้บริหารระดับปลายตาลครับ

ดีเจพล พระยาแล โดยเฉพาะเรื่องตับเลาถนัดคัก555

[คนภูหลวง]

ไก่มันแพ้สังเวียน ฝากไปต้มนำแน่ไผต้มไก่แซบนะ ซินั่งถ่ากินอย่างเดียว

[คนสกลไกลบ้าน]

ครูต้วยไปอิตาลี แล้วเนาะปานนี้ มื้อวานนี้เอื้อยบ่ได้เข้าบ้านมหา ยากหลายอย่าง เอื้อยกะดีแล้ว เหยียบเลข5ปีหน้าเด้อน้อง เที่ยวไห่มวนเด้อหล่า

[ครูต้วย]

เอื้อยไทยสกล ยังงามๆยุน้อเอื้อย เพิ่นวาคนภูไทงามนี่ สมคำส่าคำลืออีหลีน้อ ครูต้วยบ่ได้ไปซ่ำอิลาลี ย้อนวาลูกสาวป่วยที่กำลังฮิตแถวบ้านเฮา มือ เท้า ปาก เปื่อยพะนะ แถมตาลูกสาวหล่ากะจักเป็นหยังแดงจึ่งคึ่ง เป็นตุ่มกับมีผังผืดอีก ต้องมีใบรับรองแพทย์ คันสิอ่วยคืนมาบ้านหาหมอ กะเสียเวลาหลายชั่วโมง นี่คือสิ่งที่น่ารำคาญมากๆของระบบสาธรณสุขของเมืองนี่ (คึดฮอดบ้านเฮา คลีนิค โรงบาลเอกชน มีหลายให้ผู้บริโภคได้เลือก )บ้านครูต้วยอยู่ไกลจากสนามบิน sola. เมืองStavanger ประมาณ1.5ชั่วโมง ข้ามเรือเฟอรี่สองเทื่อพุ่นแมะเอื้อย กะเลยอ่วยรถลงมาทางเมือง
kristiansand ใกล้บ้านเอื้อยพี้ละ พอดีมี hytte อยู่ทางนี้ อยู่เมืองฝรั่งนี่กะหยุ่งยากเรื่องกฎระเบียบ แต่กะไคอยู่
ดอก ประกันคือสิจ่ายค่าตั๋วคืนยุ คุยกันกับพ่อบ้านวาส่างหัวมันเถาะ ลูกสำคัญกว่า อิตาลีไปยามเฮาพร้อม มันจั่งสิม่วน เริ่มต้นวันหยุดแบบบ่สดใส แต่ทางใต้Norway กะงามอยู่ดอก เอื้อยอยู่เดนมาร์กอยู่เมืองได๋น้อ ช่วงปิดเทอมครูต้วยพาลูกไป Legoland ทุกปีจ้า
ปล. พี่น้องเอ้ยฮูปครูต้วยพยายามโหลด พยายามเอามาจาก Facebook มันกะยังบ่ได้ยุ ผุได๋แนะนำแนเด้อ ครูต้วยไซ่ไอแพด มันต้องโหลดapp อันได๋น้อ งุมๆซาวๆยุกะยังวา